2 Kɔrɛntinyɛje 4:10 - Dɔnɔn kə̂ Siki: Tar kə̂ aw arə təbbə

¹⁰ Jaw joto yo lə Jeju rɔje tə̂ kə ndɔ tɔyn, bba karə dəwje ooje təbbə lə Jeju rɔje tə̂.

2 Kɔrɛntinyɛje 4:10 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 14:19

Kar nayn ngaji baa karə dəwje kə̂ duninya tə̂ nəənn oomje ang ngaa. A sese â koomje, mba misi kəm baa ngaâ sese kara â naynje kəm baa tɔ.

Rɔmɛnje 6:5

Yeenn bba, bbo n-ddeeje kâra baa saa ddəw koy tə̂ kə̂ joyje tokə laa le a, ja ddeeje kâra baa saa ddəw ndol tə̂ kə̂ joyje, a ja ndolje tokə laa le tɔ.

Rɔmɛnje 6:8

A joyje kə Kristə mban arə n-gərəje to ja kisije kəm baa saa tɔ.

Rɔmɛnje 8:36

Ddəw kâra baa tokə n̂-dda tarɛ̂ Makəturu tə̂ lə Lubba nan: «Kar tɔyn njaa jaw jaw ngɔsi kə yo mbai, dəwje aw oojeje tokə lə batəje kə̂ daw duja gɔsude.»

2 Kɔrɛntinyɛje 1:5

Ddəw kâra baa tokə jaw joo ndoo nya kə Kristə le, Kristə kara aw dda arə məje aw wul nya tɔ.

2 Kɔrɛntinyɛje 1:9

Jəjə to n̂-gangə sariya-yo dɔje tə̂ mban. A nɛ̂ɛnn to tokə baann bba karə jundaje məje dɔje tə̂ jeje njaa ang. A junda məje dɔ Lubba tə̂ kə̂ aw ndol dəwje kə̂ oyje.

2 Kɔrɛntinyɛje 13:4

Tɔkɔrɔ njaa, n̂-tɔlɛ̂ kakə-dəsə tə̂ mba singɛ̂ kə̂ goto. A bbasinɛn, nisi kəm baa ddəw singa-mɔngu tə̂ lə Lubba. Jeje kara, singaje goto ddəw tə̂ laa tɔ. A ja kisi kəm baa saa ddəw singa-mɔngu tə̂ lə Lubba mbase.

2 Kɔrɛntinyɛje 4:11

Mba jeje kə̂ n-naynje kəm baa le jaw ngɔsi ngɔsi kə yo kə ndɔ tɔyn ɔju dɔ Jeju. Baann bba karə dəwje ooje təbbə lə Jeju rɔje tə̂ kə̂ to rɔ kə̂ a koy marə ndɔ le.

Galatəje 6:17

Bbasinɛn nəənn, m-ndiki karə dəw dda arə məje tar ang ngaa. Mba koro-doje kə̂ rɔm tə̂ tɔju to m-to dəw lə Jeju.

Kolosinyɛje 1:24

Bbasinɛn maw dda rɔ-nəəl mba ndoo kə̂ maw moo mba tar ləse. Ngaâ, maw moo kəsə ndoo lə Kristə mba Egilisi kə̂ to da-rɔɛ̂.

2 Timɔte 2:11

Tar nəənn to tar kə̂ tɔkɔrɔ: Bbo joyje saa kâra baa a, ja kisije kəm baa saa kâra baa tɔ.

1 Piyɛr 4:13

A maji karə ə-ddaje rɔ-nəəl, mba aw ooje ndoo kə Kristə, ta bbo ndɔ kə̂ ooje piti laa a, sese kara rɔse nəəlse nya.

1 Piyɛr 4:14

Bbo dəwje tajise mba nja kə̂ aw njaje go Kristə tə̂ a, maji arəse, mba Ndil lə Lubba kə̂ to Ndil piti to dɔse tə̂.

Apokalisi 1:17

Mooe a, m-tee moso kɔ gɔlɛ̂ tə̂ tokə dəw kə̂ oy. A nila jia kə̂ kɔl dɔm tə̂ ngaâ n̂-pa nan: «Ə-bbəəl ang, m-to dɔngɔr dəw ddəm dɔbɔyn dəw ddəm.