2 Kɔrɛntinyɛje 3:12 - Dɔnɔn kə̂ Siki: Tar kə̂ aw arə təbbə

¹² Junda məje tokə baann le arə məje oso pɔn.

2 Kɔrɛntinyɛje 3:12 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 10:24

Jiipije gukeje ngaâ dujeje nan: «Â karə wurje ar taar baann ndərəng ndɔ tə̂ kə̂ dda wa? Bbo ə-to Mesi le a, ə-pa kə ddaka arəje joo.»

Tar kə̂ Maji kə̂ Jan dda makəturu tə̂ 16:25

«Gusu-tar â m-pa nɛ̂n tarje nəənn le tɔyn marəse. A tee marə kar tə̂ a, mâ pa tar karəse ddəw gusu-tar tə̂ ang ngaa. Mâ pa tar dɔ Bɔy tə̂ kə ddaka karəse.

Tar kə̂ Maji kə̂ Jan dda makəturu tə̂ 16:29

Njê-njaje go Jeju tə̂ le paje arɛ̂je nan: «Bbasinɛn aw pa tar kə ddaka arə ujaje ngaa, bbo ə-pa kə gusu-tar ang.

Kulaje 14:3

Dɔ nɛ̂nje tə̂ənn tɔyn, Pɔl de kə Barnabas n̂-naynje bbe tə̂ kə̂ Ikoniyɔm le gode əw. Daw paje tar lə Əbbə-dəwje kə bbəəl ang. Əbbə-dəwje le tɔju to tar mə-maji laa le to nɛ̂n kə̂ tɔkɔrɔ ddəw nɛ̂n-mɔrije tə̂ kə nɛ̂nje kə̂ dum dɔ koo kə̂ narə singa ansinyɛje narə ddaje.

Kulaje 4:13

Njê-gangəje sariya lə Jiipije ooje Piyɛr de kə Jan kə̂ n̂-toje to dəwje kə̂ baa ddəm dəwje kə̂ gərəje makəturu ang ddəm kə̂ aw paje tar kə bbəəl ang le a, dɔde ayn. A n̂-gɔnje n̂-gərəje tɔ to n̂-toje to njê-buwa-njaje lə Jeju.»

Kulaje 9:27

Barnabas unn Sɔl le aw saa rɔ njê-kaw-kulaje tə̂ ngaâ pa tar koo kə̂ Sɔl oo Əbbə-dəwje ddəw-boô kə tar kə̂ Əbbə-dəwje pa saa le arəde. N̂-pa gusu kə̂ Sɔl pa nɛ̂n tar lə Jeju kə bbəəl ang arə dəwje mə bbe tə̂ kə̂ Damas le narəde.

Kulaje 9:29

Naw pa tar kə Jiipije kə̂ aw paje ndɔn-tar gɛrɛkə ngaâ naw mayn tar kə de, a dede daw sangəje ddəw ta tɔlɛ̂.

1 Kɔrɛntinyɛje 14:19

A bbo mar nɔn njê-mə-kunnje tə̂ a, m-ndiki nya ta pa kandə tar min kə ndɔn-tar kə̂ dəwje gərəje uta ye kə̂ ta pa kandə tar doro dɔku kə ndɔn-tarje kə̂ dəwje gərəje ang. Baann bba mâ tɔju nɛ̂n kəsə dəwje.

2 Kɔrɛntinyɛje 10:1

Əman Pɔl, maw dujuse marə nɛ̂n kə ri Kristə kə̂ wul pee ddəm to nje-mə-maji ddəm. Aw paje nan, bbo misi horose tə̂ a m-wul, â bbo misi ddəw əw kə se a, maw nya dɔse tə̂ nya.

2 Kɔrɛntinyɛje 3:11

Mba bbo nɛ̂n kə̂ aw nday to nday ndoko ləw a, nɛ̂n kə̂ a nayn kə ndɔ kə ndɔ a ndoko kuta.

2 Kɔrɛntinyɛje 4:13

Makəturu lə Lubba pa nan: «Moo məm tə̂. Mba yeenn bba m-pa tar.» Kəjə ləje to kâra baa kə dəw kə̂ pa tar nəənn le. Yeenn bba jeje kara joo məje tə̂ tɔ ngaâ jaw pa tar.

2 Kɔrɛntinyɛje 7:4

Munda məm tɔyn kə dɔse tə̂. Maw munda gum mbase nya. Wurum oso pɔn ddəm maw minga rɔ-nəəl nya ddəm mə nɛ̂n kəm-to-ndooje tə̂ ləje.

Pilipinyɛje 1:14

Ngakɔnjeje nya kə̂ oomje kəy-kula tə̂ ingaje singa nya ddəw tə̂ lə Əbbə-dəwje ta kila mbər tar lə Lubba kə bbəəl ang.

Pilipinyɛje 1:20

Nɛ̂n kə̂ maw ngəbbə kə̂ munda məm dɔɛ̂ tə̂ nya dda arə rɔm a wul ang. A unn kute bbokənɛn nyɔm kə ləw, bbo misi kəm baa wase moy kara, pa-nja ləm a tɔju to Kristə le to nje-tɔkə-mbangə.

Kolosinyɛje 4:4

Maji karə ə-dujuje Lubba bba karə m-pa tar nəənn kə̂ ləw nayn lo-kiyɛ̂ tə̂ le kə ddaka kə dɔgɔlɛ̂.

1 Tesalonisinyɛje 2:2

Ə-gərəje kə majɛ̂ to joo ndoo ngaâ dəwje tajije bbe tə̂ kə̂ Pilipi. A Lubba arə jubba singa mə nɛ̂n-singaje tə̂ nya nya, narə jila mbər Tar kə̂ Maji laa jarəse.

1 Timɔte 3:13

Mba diyakərəje kə̂ aw ddaje kula ləde kə majɛ̂ a kingaje piti ta dəwje tə̂ tɔyn ngaâ dâ paje tar mə-kunn ləde kə̂ to kə dɔ Jeju tə̂ kə bbəəl ang.

Pilemɔn 1:8

Ddəw mə-kâra tə̂ kə̂ n-dda kə Kristə le, masə ta kunn ndu karə ə-dda marə nɛ̂n.