2 Kɔrɛntinyɛje 12:20 - Dɔnɔn kə̂ Siki: Tar kə̂ aw arə təbbə

²⁰ M-bbəəl mba kin karə m-tee bbeê ləse a, ə-toje dang kə ye kə̂ m-ndiki ddəm əman kara m-to dang kə ye kə̂ ə-ndikije le ddəm. Ngaâ, m-bbəəl mba kin karə nɛ̂nje kə̂ maji ang to horose tə̂. Nɛ̂nje tokə: Koo-ta-naan ang, kunda-mə kə naan, dda wungu, nɛ̂n-dda kə̂ ta kuta nɛ̂n naan, nanɛn kə naan, tura tarje baa baa, koo-rɔ-bo kə nɛ̂nje kə̂ ngabula.

2 Kɔrɛntinyɛje 12:20 ပူးပေါင်းရင်းမြစ်များ

Rɔmɛnje 1:29

Nɛ̂nje kə̂ gatə gatə ang, majang, mə-majang kə kəm-nda uta dɔde. Mə uta dɔde, n̂-toje to njê-tɔlje dəwje, n̂-toje to dəwje kə̂ ndikije kɔl. N̂-toje to njê-kərəje njê-marədeje, daw ddaje nɛ̂n to ngar, daw paje tar kə̂ ddəkərə dɔ njê-marədeje tə̂.

Rɔmɛnje 1:30

Daw nanɛnje kə njê-marədeje. N̂-toje to njê-baanje lə Lubba. Daw dilaje ta-bbar dɔ njê-marədeje tə̂, dooje rɔde bo, n̂-toje to njê-boroje. Gusu dda majang uta dɔde. Dooje ta njê-kujudeje ang.

Rɔmɛnje 2:8

A njê kə̂ ddaje dɔ-kətərə saa, mbətəje tar kə̂ tɔkɔrɔ ngaâ aw ddaje bbərə lə nɛ̂n kə̂ gatə gatə ang, Lubba a karə wungu laa kə̂ to bbəəl nya oso dɔde tə̂.

1 Kɔrɛntinyɛje 1:11

Mba, ngakɔnʼmje, njê kə̂ dɔ Kolowe tə̂ paje arəmje nan koo-ta-naan goto horose tə̂.

1 Kɔrɛntinyɛje 14:33

Mba Lubba to nje-nɛ̂n-dda kə̂ ngabula ang, n̂-to Lubba kə̂ nje-mə-wul-lɔm. Ddəw kâra baa tokə daw ddaje Egilisije tə̂ lə dəwje lə Lubba tɔyn le,

1 Kɔrɛntinyɛje 5:2

Ngaâ koo-rɔ-bo uta dɔse. Â kasəje ta karə nɛ̂ɛnn le jɔkuse ang wa? To tar ləse ta kɔru dəw kə̂ dda nɛ̂ɛnn le horose tə̂ kə ddang ang wa?

2 Kɔrɛntinyɛje 1:23

Kəm Lubba tə̂, m-pa tar kə̂ tɔkɔrɔ marəse. Bbo mərə ngəm a, narə moy kə ddang. M-təl maw Kɔrɛntə ang, mba m-ndiki ta kula kəmse ndoo tə̂ ang.

2 Kɔrɛntinyɛje 10:2

M-walse nya: Dang bba ə-ddaje arə bbo m-tee horose tə̂ a, m-nya dɔse tə̂ ang. Mba marə dəwje paje nan, kulaje kə̂ jaw dda to kulaje kə̂ ddəw da-rɔ tə̂ baa. Yeenn bba m-ndiki ta kin kə de karə ngəng.

2 Kɔrɛntinyɛje 10:6

Bbo sese kə̂ Kɔrɛntə ooje tɛɛ̂ mə nɛ̂nje tə̂ tɔyn a, n-to ngɔsi ta gangə sariya dɔ dəwje tə̂ tɔyn kə̂ mbətəje ta koo tɛɛ̂.

2 Kɔrɛntinyɛje 12:21

M-bbəəl mba kin karə maw ta koose kə̂ guku a, Lubba ləm ila rɔ-kul kəmʼm tə̂ nɔnse tə̂. Ngaâ, karə m-nɔn, mba dəwje nya horose tə̂ kə̂ naynje ddəw majang tə̂ tokə ye kə̂ ləw, ddəw nɛ̂n-yərəwje tə̂, ddəw kaya tə̂ kə ddəw lo-to-majang tə̂.

2 Kɔrɛntinyɛje 13:2

Gɔl joo laa kə̂ maw rɔse tə̂ le, m-pa mban. A bbokənɛn kə̂ mee horose tə̂ ang nəənn kara m-təl m-pa marə njê kə̂ osoje mə majang tə̂ kete ddəm kəsə dəwje tɔyn ddəm: Bbo m-təl maw bbeê ləse bbay a, mâ kɔru kəm dəw kâra ang,

2 Kɔrɛntinyɛje 2:1

Mba yeenn bba, moo maji ta təl kaw rɔse tə̂ ang, mba rɔse a təl nəəlse ang.

Galatəje 5:15

A bbo aw tɔnje naan ngaâ aw tiirje naan a, aaje kə majɛ̂ nan â tujuje naan.

Galatəje 5:26

Maji karə boro uta dɔje ang, n-ngaan naan ang, jundaje mə kə naan ang.

Jakə 4:11

Ngakɔnʼmje, maji karə ə-paje tar kə̂ maji ang kə ri naan ang. Bbo dəw pa tar kə ri ngokɔɛ̂n maji ang wase gangə sariya dɔ ngokɔɛ̂n tə̂ a, n̂-pa tar dɔ ndu tə̂ maji ang ddəm n̂-gangə sariya dɔ ndu tə̂ ddəm. A bbo ə-gangə sariya dɔ ndu tə̂ a, ə-to nje-ngəm ndu le ang, ə-to nje-gangə sariya dɔ ndu tə̂ le.

1 Piyɛr 2:1

Maji karə inyaje nɛ̂n-ddaje kə̂ maji ang tɔyn kə nɛ̂n-dda kə̂ kə gusu tɔyn. Maji karə tar kə̂ tase tə̂ to dang kə ye kə̂ məse tə̂ ang, ə-ddaje bbo nɛ̂n lə dəw ang ddəm ə-nanɛnje kə dəw ang ddəm.

2 Piyɛr 2:18

Mba daw paje tarje kə̂ ngəng ngəng, a to tarje kə̂ baa daw dərəje nɛ̂n dəwje kə̂ bbasinɛn bbay njaa aynje ji dəwje tə̂ kə̂ ndəəmje ddəw. Dərəde ddəw bbo dda lo-to-majang tə̂,

Judə 1:16

Dede le, n̂-toje to dəwje kə̂ rɔde nəəlde ndɔ kâra ang. Daw dəmje rɔde kə ndɔ tɔyn. Bbo nɛ̂n kə̂ to məde tə̂ dɔrɔ â n̂-ddaje. Tam-tɔnde to ngəm dɔrɔ. Daw dɔsuje gaji dəwje mba kinga nɛ̂n nɛ̂n jide tə̂.