2 Kɔrɛntinyɛje 12:15 - Dɔnɔn kə̂ Siki: Tar kə̂ aw arə təbbə

¹⁵ Əman, m-ndiki ta tuju nɛ̂nje ləm ddəm ta tuju singam ddəm tɔyn mbase. Â ndikimje nya ang, mba ndiki kə̂ m-ndikise nya le wa?

2 Kɔrɛntinyɛje 12:15 ပူးပေါင်းရင်းမြစ်များ

Rɔmɛnje 9:3

Kə̂ məm tə̂, m-ndiki karə əman njaa Lubba ubbu nɛ̂n arəm ngaâ ɔrum kə ddang ji Kristə tə̂ mba tar kaji lə ngakɔnʼmje kə̂ gəlje kâra baa.

2 Kɔrɛntinyɛje 1:14

Mba ə-gərəje ngaji mban to n-to nɛ̂n-kunda guse, tokə sese â toje to nɛ̂n-kunda guje ndɔ tə̂ kə̂ Əbbəjeje Jeju a təl ddee le.

2 Kɔrɛntinyɛje 1:6

 bbo jaw joo ndoo a, jaw dda karə məse wul ngaâ karə ingaje kaji.  bbo məje wul a, to mba karə məse wul tɔ. Yeenn le aw dda arə asəje ta tɔ wurse mə nɛ̂n kəm-to-ndooje tə̂ kə̂ kâra baa kə̂ aw ingajeje le.

2 Kɔrɛntinyɛje 11:11

M-pa tar baann mba ddi wa? Mba to ndiki â m-ndikise ang wa? Lubba gərə to m-ndikise.

2 Kɔrɛntinyɛje 12:14

M-nayn ngɔsi baa ngaa ta kaw rɔse tə̂, to gɔl mota laa ngaa. A mâ kaw to nɛ̂n-koto dɔse tə̂ ang. Mba sese â maw sangəse bbo nɛ̂n-kinga ləse ang. To tar lə ngannje ta ngəm nɛ̂n dang mba koto nɛ̂n njê-kujude ang, to tar lə njê-kujude ta ngəm nɛ̂n dang mbade.

2 Kɔrɛntinyɛje 12:9

A n̂-pa narəm nan: «Mə-maji kə̂ m-dda səi njaa asi. Kar tə̂ kə̂ singa dəw goto bba maw tɔju singa-mɔngu ləm.» Yeenn bba, m-ndiki nya ta kunda gum mba singam kə̂ goto, bba karə singa-mɔngu lə Kristə to dɔm tə̂.

2 Kɔrɛntinyɛje 2:3

Mba yeenn bba, m-dda nɛ̂n makəturu kə̂ keteenn le marəse, mba bbo m-tee rɔse tə̂ a, â ddaje karə rɔm nəələm ang. Mba sese â, â kasəje ta dda karə rɔm nəələm. M-gərə kə majɛ̂ to, rɔ-nəəl ləm to rɔ-nəəl ləse tɔyn tɔ.

2 Kɔrɛntinyɛje 4:12

Yeenn a, yo aw dda kula rɔje tə̂, a təbbə aw dda kula rɔse tə̂.

2 Kɔrɛntinyɛje 7:2

Maji karə unnje məse arəjeje. Jeje, n-dda dəw maji ang kâra ang, n-tuju dəw kâra ang, jərə dəw kâra jusɛ̂ ddəw gusu tə̂ ang.

2 Kɔrɛntinyɛje 7:3

M-pa yeenn ta gangə nɛ̂n sariya dɔse tə̂ ang, mba m-pa marəse mban: N-ndikise nya, le n-nayn kəm baa wase joy kara n-ndikise nya.

Galatəje 4:10

Aw ooje marə ndɔje, marə nɛynje, marə karje kə marə bbalje to nɛ̂nje kə̂ ngəngje nya kəmse tə̂ bbay.

Pilipinyɛje 2:17

Le mə-kunn ləse aw dda arə aw ddaje kula arəje Lubba to nɛ̂n-polo njaa kara, əman, bbo n̂-tɔləm a, rɔm a nəələm, mba məsəm a to nɛ̂n-polo dɔ marɛ̂ tə̂ ləse ngaâ mâ dda rɔ-nəəl kə se.

Kolosinyɛje 1:24

Bbasinɛn maw dda rɔ-nəəl mba ndoo kə̂ maw moo mba tar ləse. Ngaâ, maw moo kəsə ndoo lə Kristə mba Egilisi kə̂ to da-rɔɛ̂.

1 Tesalonisinyɛje 2:8

N-ndikise nya, n-to ngɔsi ta pa Tar kə̂ Maji lə Lubba karəse ddəm ta karə təbbə ləje njaa mbase ddəm. Mba ə-ddeeje to dəwje kə̂ n-ndikise nya.

2 Timɔte 2:10

Mba yeenn bba maw tɔ wurum nɛ̂nje tə̂ tɔyn mba dəwje kə̂ Lubba mbərəde, mba karə dede njaa kara dingaje kaji kə̂ Jeju-Kristə aw arə dəwje. Baann bba dâ kingaje piti kə̂ a to kə ndɔ kə ndɔ.

Ebərəje 13:17

Maji karə ooje ta dəwje kə̂ aw tɔjuse ddəw ngaâ ə-bbəəljede. Mba daw dundaje kəmde dɔse tə̂. Ngaâ a to tar ləde ta pa go nɛ̂n tɔyn dɔse tə̂ nɔn Lubba tə̂. Maji karə ə-ddaje arə n̂-ddaje kula ləde kə rɔ-nəəl bbo kə kəm-rɔ ang, mba a kumanse kâra ang.