2 Kɔrɛntinyɛje 12:14 - Dɔnɔn kə̂ Siki: Tar kə̂ aw arə təbbə

¹⁴ M-nayn ngɔsi baa ngaa ta kaw rɔse tə̂, to gɔl mota laa ngaa. A mâ kaw to nɛ̂n-koto dɔse tə̂ ang. Mba sese â maw sangəse bbo nɛ̂n-kinga ləse ang. To tar lə ngannje ta ngəm nɛ̂n dang mba koto nɛ̂n njê-kujude ang, to tar lə njê-kujude ta ngəm nɛ̂n dang mbade.

2 Kɔrɛntinyɛje 12:14 ပူးပေါင်းရင်းမြစ်များ

Kulaje 20:33

M-dda bbo narɛ, bbo andə wase bbo kubbu lə dəw ang.

1 Kɔrɛntinyɛje 10:24

Maji karə dəw sangə kisi maji laa kə karɛ̂ baa njaa ang. Maji karə n̂-sangə kisi maji lə nje-marɛ̂ tɔ bba.

1 Kɔrɛntinyɛje 10:33

Mba yeenn bba, maw sangə ddəw ta ddee maji kəm dəwje tə̂ tɔyn, ddəw nɛ̂nje tə̂ tɔyn. Maw sangə kisi maji lə dəwje tokə banya, mba karə dingaje kaji bbo maw sangə kisi maji ləm njaa ang.

1 Kɔrɛntinyɛje 11:34

Tokə bbo dda dəw a, maji karə nusa nɛ̂n kəy laa. Baann bba bbo ə-mbɔnje naan a, sariya lə Lubba a to dɔse tə̂ ang. Bbo m-tee horose tə̂ a, mâ gɔl kəsə tarje bbay.

1 Kɔrɛntinyɛje 16:5

Mâ kaw bbe ləse kə ddəw kə̂ Maseduwann mba mâ nday dɔ nangə tə̂ kə̂ Maseduwann le.

1 Kɔrɛntinyɛje 4:19

Əbbə-dəwje ndiki a, mâ kaw rɔse tə̂ mbɔr ang. M-tee a, mâ koo tarje ləde kə̂ daw paje ddəm mâ koo nɛ̂n kə̂ dasəje ta dda ddəm.

1 Kɔrɛntinyɛje 9:12

Bbo marə dəwje asəje ta duju nɛ̂n jise tə̂ a, jeje jasə ta duju nɛ̂n jise tə̂ utade ang wa? A jeje n-dda tokə baann ang. N-tɔ wurje nɛ̂n tə̂ tɔyn, mba n-ndiki ta dda marə nɛ̂n kutu nɛ̂n ddəw Tar kə̂ Maji lə Kristə ang.

1 Kɔrɛntinyɛje 9:18

Kuka ləm to ddi wa? Kuka ləm to karə mila mbər Tar kə̂ Maji le baa bbo m-duju kuka kə̂ to ta karə minga goe tə̂ ang.

1 Kɔrɛntinyɛje 9:19

Tɔkɔrɔ, dəw kâra asə ta kuwam kə singa karə m-dda marə nɛ̂n ang. M-to bbərə lə dəw kâra ang, a əman njaa m-ndiki ta dda rɔm to bbərə ləse tɔyn, mba kinga nɛ̂n dəwje tokə banya karə Kristə.

2 Kɔrɛntinyɛje 1:15

M-gərə to nɛ̂ɛnn a to tokə baann njaa. Ngaâ m-ndiki ta kaw rɔse tə̂ kete, karə tar kə̂ maji to dɔse tə̂ to gɔl joo laa.

2 Kɔrɛntinyɛje 11:9

Ngaâ, kar tə̂ kə̂ mee nɛ̂n rɔse tə̂ le, bbo m-ndiki ta kinga marə nɛ̂n a, m-duju nɛ̂n ji dəw tə̂ kâra ang. Mba ngakɔnʼmje kə̂ inje Maseduwann ddeeje kə nɛ̂nje kə̂ dum arəmje. M-dda bba karə m-ddee to nɛ̂n-koto dɔse tə̂ ang. Mâ nayn nɛ̂n baann nyɔm.

2 Kɔrɛntinyɛje 12:13

Ddi â kəsə Egilisije ingaje utase wa? M-dda bba m-ddee to nɛ̂n-koto dɔse tə̂ ang. Â bbo yeenn to nɛ̂n kə̂ gatə gatə ang â m-dda a, ɔruje tarɛ̂ dɔm tə̂!

Galatəje 4:19

Ngannəm, maw moo ndoo tokə siki mba tar ləse tokə dɛnɛ̂n kə̂ aw nduru ndo, mâ koo ndoo le ndərəng ndɔ kə̂ kisi ləse a to tokə lə Kristə.

Pilipinyɛje 4:1

Yeenn a, ngakɔnʼmje kə̂ m-dikise nya, sese kə̂ m-ndiki nya ta təl koose bbay, sese kə̂ ə-ddaje arə misi kə rɔ-nəəl, sese â minga nɛ̂n piti. Ngakɔnʼmje kə̂ m-dikise nya, maji karə ə-naynje ddəw mə-kâra tə̂ kə̂ ə-ddaje kə Əbbə-dəwje le arəje ngəng.

Pilipinyɛje 4:17

Maw sangə ddəw ta kinga nɛ̂n jise tə̂ ang. Nɛ̂n kə̂ maw sangə to karə Lubba ila nɛ̂n dɔ marə tə̂ arəse.

1 Tesalonisinyɛje 2:11

Ə-gərəje to, n-dda nɛ̂n kə se kâra kâra tɔyn tokə bɔ aw dda kə ngannɛ̂.

1 Tesalonisinyɛje 2:8

N-ndikise nya, n-to ngɔsi ta pa Tar kə̂ Maji lə Lubba karəse ddəm ta karə təbbə ləje njaa mbase ddəm. Mba ə-ddeeje to dəwje kə̂ n-ndikise nya.