1 Tesalonisinyɛje 5:6 - Dɔnɔn kə̂ Siki: Tar kə̂ aw arə təbbə

⁶ Yeenn a, maji karə n-tibbije tokə lə kəsə dəwje ang. Maji karə bbi ɔru kəmje ang ta n-gərəje dɔjije.

1 Tesalonisinyɛje 5:6 ပူးပေါင်းရင်းမြစ်များ

Matiye 13:25

Kar kə̂ dəwje aw tibbije til tə̂ a, marə nje-baan ddee dubbu mu kə̂ maji ang horo kandə-ko tə̂ kə̂ maji le a ɔtu.

Matiye 24:42

«Yeenn a, arje dɔ gɔlse tə̂, mba ə-gərəje ndɔ kə̂ Əbbəsese a ddee nɛ̂n ang.

Matiye 25:13

Go gusu-tar tə̂ nəənn le a, Jeju pa nan: «Yeenn a, arje dɔ gɔlse tə̂, mba ə-gərəje ndɔɛ̂ ang ddəm karɛ̂ ang ddəm.»

Matiye 25:5

Nje-taa dɛnɛ̂n le nayn ddee njangə ang bbay le a, bbi a ta tɔlde arə n̂-tibbije tɔyn.

Matiye 26:38

Yeenn a, n̂-pa narəde nan: «Rɔm nəələm ang, tokə nɛ̂n kə̂ mâ ta koy be. Ə-naynje nəənn. Arəje bbi ɔru kəmse ang səm.»

Marke 13:37

Tar kə̂ m-pa marəse nəənn, m-pa marə dəwje tɔyn: Arəje kəmse kətərə.»

Luku 12:37

Maji arəde, dede kə̂ njê-kulaje kə̂ əbbədede a tee kingade dɔ bbi tə̂ ang. Tɔkɔrɔ m-pa marəse, əbbədede le a kula kubbu kula laa, nâ karə disije ta tabələ tə̂ ngaâ nâ ddee karəde nɛ̂n-kusa.

Luku 12:39

«Ə-gərəje kə majɛ̂, bbo nje-kəy gərə kar kə̂ nje-bboko a ddee nɛ̂n a, nâ kinya karə nandə kə̂y laa ang.

Luku 21:36

Maji karə ə-tibbije ang, ə-dujuje Lubba kə kar tɔyn, yeenn bba â kingaje singa ta tee nɛ̂n ta nɛ̂n tə̂ kə̂ a ta ddee le ddəm ta kar nɛ̂n taar nɔn Ngonn lə dəw tə̂ ddəm.»

Luku 22:46

N̂-pa narəde nan: «Mba ddi bba aw tibbije wa? Inje taar, ə-dujuje Lubba, mba karə osoje mə nɛ̂n-nan tə̂ ang.»

Kulaje 20:31

Maji karə undaje kəmse dɔ rɔse tə̂, oleje məse to bbal mota njaa, til tə̂ ddəm karâ ddəm m-ndəjəse kâra kâra tɔyn kə maann-nɔn kəmʼm tə̂.

1 Kɔrɛntinyɛje 15:34

Maji karə ə-təlje uwaje dɔse kə majɛ̂, inyaje nɛ̂n-ddaje kə̂ maji ang. Mba marə dəwje horose tə̂ gərəje Lubba ang. M-pa baann karə rɔ-kul ddase.

1 Kɔrɛntinyɛje 16:13

Maji karə undaje kəmse dɔ rɔse tə̂, uwaje mə-kunn ləse arə ngəng, uwaje rɔse to dingawje, ə-ngəngje dɔ rɔse tə̂.

Epɛjinyɛje 2:3

Ləw, jeje tɔyn njaa jee horo dəwje tə̂ənn le mba jaw nja ddəw bbo kə̂ da-rɔ tə̂: Jaw dda nɛ̂nje ddəw bbo kə̂ da-rɔje tə̂ kə ddəw kəjəje tə̂ ləje kə̂ maji ang. Jeje kara, n-to ddəw kâra baa kə kəsə dəwje kə̂ asə karə wungu lə Lubba to dɔde tə̂.

Epɛjinyɛje 5:14

Mba nɛ̂n tɔyn kə̂ tee kə ddaka to lo-karɛ. Mba yeenn bba Makəturu lə Lubba pa nan: «Əi kə̂ aw tibbi nəənn, ə-ndol In taar horo dəwje tə̂ kə̂ oyje, a Kristə a kuru ndoko laa dɔi tə̂.»

Epɛjinyɛje 6:18

Mə karje tə̂ tɔyn arəje Ndil tɔjuse ddəw kə̂ â dujuje nɛ̂n Lubba. Maji karə ə-tibbije ang ngaâ ə-dujuje Lubba nya mba njê-mə-kunnje.

Pilipinyɛje 4:5

Maji karə dəwje tɔyn gərəje mə-maji ləse. Əbbə-dəwje a təl ngɔsi baa.

Kolosinyɛje 4:2

Maji karə ə-naynje ddəw duju Lubba tə̂. Arəje məse to dɔɛ tə̂ ngaâ arəje wooyo Lubba.

1 Tesalonisinyɛje 4:13

Ngakɔnje, n-ndiki ta karə ə-gərəje tar dɔ dəwje tə̂ kə̂ oyje, bba karə uwaje ndoo tokə lə kəsə dəwje ang. Mba dede dundaje məde dɔ marə nɛ̂n tə̂ kâra ang.

1 Tesalonisinyɛje 5:10

Kristə le oy mba tar ləje bba karə, le jisije kəm baa wase joyje njaa kara, jisije kəm baa saa ndɔ tə̂ kə̂ nâ ddee.

1 Tesalonisinyɛje 5:8

A jeje kə̂ n-to dəwje kə̂ aw nja karâ le, maji karə n-gərəje dɔjije. Maji karə mə-kunn kə ndiki toje rɔje tə̂ tokə lə kubbu ddɔ. Məje kə̂ junda ta kinga kaji le maji karə to dɔje tə̂ tokə lə əjɔkudɔ-ddɔ.

1 Timɔte 2:15

A Lubba a kaji dɛnɛ̂n ddəw kuju ngonn tə̂, tokə n̂-nayn ddəw mə-kunn tə̂, ddəw n̂-ndiki dəwje tə̂, ddəw sangə-rɔ tə̂ kə ddəw dda rɔ ngaji tə̂.

1 Timɔte 2:9

Ddəw kâra baa, m-ndiki karə dɛnɛ̂nje ulaje kubbu kə majɛ̂, dulaje kubbu darə kəm dəwje to kə dɔde tə̂ ang, n̂-ddaje mandə kə boro ang: N̂-ddaje dɔde kə dɔgɔlɛ̂, nɛ̂n-mandəje kə̂ n̂-dda kə andə wase mərə wase kubbu kə̂ gatɛ̂ ngəng nya â maji karə dulaje ang.

1 Timɔte 3:11

Maji karə dɛnɛ̂n njɛɛ̂je kara ulaje gəl rɔde naan tə̂ ang, n̂-toje to njê-nanɛnje ang, n̂-gərəje dɔ jide. N̂-toje to dɛnɛ̂nje kə̂ toje gatə gatə ddəw nɛ̂nje tə̂ tɔyn.

1 Timɔte 3:2

Baann a, maji karə dəw kə̂ dɔ Egilisi tə̂ le tar to dɔɛ̂ tə̂ ang, n̂-to nje-dɛnɛ̂n kə̂ kâra, n̂-to dəw kə̂ sangə rɔɛ̂, n̂-to dəw kə̂ gərə dɔ jia, n̂-to dəw kə̂ dda nɛ̂n kə ddəwe, dəw kə̂ gərə ngəm njê-mbaje, dəw kə̂ gərə ta tɔju nɛ̂n.

2 Timɔte 4:5

A əi, maji karə ə-gərə dɔ jii ddəw nɛ̂nje tə̂ tɔyn, ə-tɔ wuri mə nɛ̂n kəm-to-ndooje tə̂, ila mbər Tar kə̂ Maji. Ə-dda kula lə Lubba kə majɛ̂.

Titə 2:12

Mə-maji laa le tɔjuje karə jinyaje pa-nja ləje kə̂ maji ang kə bbo nɛ̂nje kə̂ nangə̂ nəənn, mba karə kisi ləje to kə dɔgɔlɛ̂ ddəm gatə gatə ddəm ngaâ karə juwaje tar lə Lubba jarəje ngəng.

Titə 2:6

Ddəw kâra baa, ə-ndəjə basanje arə n̂-ddaje nɛ̂n kə ddəwe

1 Piyɛr 1:13

Mba yeenn le bba, maji karə kəjə dda kula dɔrɔ â to dɔse tə̂, arje dɔ gɔlse tə̂ ta undaje məse dɔ nɛ̂n tə̂ kə̂ maji kə̂ Lubba a karəse ndɔ tə̂ kə̂ Jeju-Kristə a kunda lo tee kəm dəwje tə̂.

1 Piyɛr 4:7

Nɛ̂nje tɔyn naynje ngɔsi baa ta kɔsu kɔyn ngaa. Yeenn a, maji karə ə-gərəje dɔ jise, arəje kəmse kətərə ta ə-dujuje Lubba.

1 Piyɛr 5:8

Maji karə ə-gərəje dɔ jise. Arəje kəmse kətərə. Əsu kə̂ to Nje-baan ləse aw gukuse tokə lə ənam kə̂ aw nɔn. Naw sangə dəw ta kusɛ̂.

Apokalisi 16:15

Əbbə-dəwje pa nan: «Oo, maw ddee tokə lə nje-bboko. Maji arə dəw kə̂ isi kəm baa bbo tibbi ang ngaâ ngəm kubbu rɔɛ̂ tə̂. Baann bba nâ nja rɔɛ̂ baa karə dəw ooe a to nɛ̂n-rɔ-kul ang.»

Apokalisi 3:2

Arə kəmi ngəng, ə-dda arə kəsə bbo kulaje kə̂ nayn rɔi tə̂ le nayn kə singa, mba a ta koy to koy. Moo a, nɛ̂n-ddaje ləi maji tɔyn kəm Lubba tə̂ ləm ang.