1 Tesalonisinyɛje 5:2 - Dɔnɔn kə̂ Siki: Tar kə̂ aw arə təbbə

² Mba sese njaa kara ə-gərəje kə majɛ̂: Ndɔ lə Əbbə-dəwje a ddee tokə ndɔ ddee lə nje-bboko til tə̂.

1 Tesalonisinyɛje 5:2 ပူးပေါင်းရင်းမြစ်များ

Matiye 25:13

Go gusu-tar tə̂ nəənn le a, Jeju pa nan: «Yeenn a, arje dɔ gɔlse tə̂, mba ə-gərəje ndɔɛ̂ ang ddəm karɛ̂ ang ddəm.»

Luku 21:34

«Aaje rɔse! Arəje məse to kə dɔ kay koto tə̂ karə uta dɔse kə kusa nɛ̂n karə uta dɔse dɔrɔ ang, arəje kəjə-tar mba nɛ̂nje kə̂ nangə̂ nəənn uta dɔse ang. Bbo baann ang a, ndɔ nəənn le a ddee dɔse tə̂ busu

1 Kɔrɛntinyɛje 1:8

Lubba le njaa a karəse singa ndərəng ddutu ndɔ tə̂ karə ndɔ təl lə Əbbəjeje Jeju-Kristə a, tar to dɔse tə̂ ang.

1 Tesalonisinyɛje 5:4

A see ngakɔnje, sese ə-naynje lo ndul tə̂ ang. Yeenn a, ndɔ le a kɔsuse busu tokə lə nje-bboko ang.

2 Tesalonisinyɛje 2:2

Marə dəw a kin pa karəse nan Lubba â pa tar arɛ̂ wase jeje â n-pa tar wase jeje â jula kə makəturu n-pa nan ndɔ ddee lə Əbbə-dəwje asə ngaa. Arəje kəjə ləse aw yo aw nɛ̂n ang ddəm arəje bbəəl ddase ang ddəm.

2 Piyɛr 3:10

Ndɔ lə Əbbə-dəwje a ddee tokə ddee lə nje-bboko. Ndɔɛ̂ tə̂ənn le, dara a kɔtu. Kar kɔtu laa a, kɔrɛ̂ a bbar kə singa nya. Puru a kɔn nɛ̂nje kə̂ mə dara tə̂ ngaâ nangə kə nɛ̂nje kə̂ dɔ nangə tə̂ a gotoje.

Apokalisi 16:15

Əbbə-dəwje pa nan: «Oo, maw ddee tokə lə nje-bboko. Maji arə dəw kə̂ isi kəm baa bbo tibbi ang ngaâ ngəm kubbu rɔɛ̂ tə̂. Baann bba nâ nja rɔɛ̂ baa karə dəw ooe a to nɛ̂n-rɔ-kul ang.»

Apokalisi 3:3

Maji karə ole məi dɔ tar tə̂ kə̂ n̂-pa darəse kə gusu kə̂ ooje nɛ̂n tar le. Ə-ngəm tar le ta ə-turu məi. Bbo ə-ndol ang a, mâ ddee kuwai dɔ jii tə̂ tokə lə nje-bboko. Â gərə gɔl kar kə̂ mâ ddee kɔsi nɛ̂n busu ang.