1 Tesalonisinyɛje 5:15 - Dɔnɔn kə̂ Siki: Tar kə̂ aw arə təbbə

¹⁵ Aaje kə majɛ̂ arə dəw kâra ila barə majang kə̂ dəw dda saa ang. A, maji karə ə-sangəje ddəw ta dda maji horose tə̂ ddəm ta dda maji kə dəwje tɔyn ddəm.

1 Tesalonisinyɛje 5:15 ပူးပေါင်းရင်းမြစ်များ

Matiye 5:39

«A əman, m-pa marəse: Bbo dəw dda səi majang a, ila barɛ̂ ang. Bbo dəw unda ka-mbɔri a, ə-turu dəbbe kə̂ kâra arə nunda tɔ.

Luku 6:35

A maji karə ə-ndikije njê-baanje ləse, ə-ddaje maji, bbo arəje nɛ̂n dəw tunan a, undaje məse dɔ marə nɛ̂n tə̂ goe tə̂ ang. Baann bba kuka ləse a bo nya ngaâ â toje to ngann lə Nje-kisi ddutu dara tə̂. Mba Ne kə̂ ddutu dara tə̂ n̂-dda maji kə dəwje kə̂ arəje wooyo ndɔ kâra ang ddəm njê-mə-majangje ddəm.

Kulaje 16:28

A Pɔl uru əkii kə singa nan: «Ə-tɔl rɔi ang, jee nəənn tɔyn.»

Rɔmɛnje 12:9

Maji karə ə-ndikije dəwje kə mə-kâra. Maji karə ə-mbətəje nɛ̂n kə̂ maji ang, nɛ̂n kə̂ maji dɔrɔ â ə-ddaje.

Rɔmɛnje 14:19

Yeenn a, maji karə n-sangəje nɛ̂n kə̂ aw ddee kə mə-wul-lɔm jarə njê-mə-kunnje kâra kâra tɔyn ddaje arə njê-marədeje sangəje ddəw mə-kunn tə̂.

1 Kɔrɛntinyɛje 14:1

To tar ləse ta sangə ddəw nya mba ndiki njê-marəseje. To tar ləse ta dda bbo gusu kulaje lə Ndil, uta tɔyn gusu kila mbər tar lə Lubba.

1 Kɔrɛntinyɛje 16:10

Bbo Timɔte ddee a, ə-ddaje arə nisi horose tə̂ kə bbəəl ang. Mba naw dda kula lə Əbbə-dəwje tokə ləm tɔ.

1 Kɔrɛntinyɛje 6:7

Kə̂ tɔkɔrɔ, osoje mban, mba aw səkəje naan. Mba ddi bba bbo dəw dda nɛ̂n kə̂ to kə dɔgɔlɛ̂ ang kə se a, arəje nayn dɔse tə̂ ang wa? Mba ddi bba dəw ndiki ta taa nɛ̂n ləse kə singa a, inyaje arɛ̂je ang wa?

Galatəje 6:10

Yeenn a, kar kə̂ jee kə ddəw bbay nəənn, maji karə n-ddaje maji kə dəwje tɔyn. Uta tɔyn, n-dda maji kə ngakɔnje njê-mə-kunnje.

Epɛjinyɛje 5:15

Maji karə aaje pa-njaje ləse ooje kə majɛ̂ bba. Ə-njaje tokə lə mbəje ang. Maji karə ə-njaje to njê-kəm-karɛje.

Epɛjinyɛje 5:33

A tar le to mbase tɔ: Maji karə dəw kâra kâra ndiki dɛnɛ̂n laa tokə da-rɔɛ̂ njaa. Ngaâ maji karə dɛnɛ̂nje kâra kâra bbəəlje ngawdede.

1 Tesalonisinyɛje 2:12

N-ndəjəse, n-dda jarə ubbaje singa ngaâ n-dujuse nya karə pa-nja ləse to tokə ye kə̂ Lubba ndiki, ne kə̂ n̂-bbarse karə andəje mə Bbe-kɔn tə̂ laa, karə ingaje Piti laa saa.

1 Tesalonisinyɛje 5:21

Nɛ̂nje tɔyn njaa, maji karə ə-tənnje kə majɛ̂ ooje bba ta ə-ngəmje yeje kə̂ maji.

1 Timɔte 6:11

A əi dəw lə Lubba, ə-mbətə nɛ̂njeenn ddəw əw ta ə-sangə ddəw ta to gatə gatə, ta bbəəl Lubba, ta kuwa mə-kunn karə ngəng, ta ndiki ngamarije, ta tɔ wuri ngaâ ta ə-ddee to dəw kə̂ wul pee kə dəwje.

2 Timɔte 2:24

Maji karə nje-kula lə Əbbə-dəwje to nje-kɔl kə dəw ang. A maji karə n̂-to dəw kə̂ dəwje ndiki tar laa, maji karə nasə ta tɔju nɛ̂n ngaâ daw pa saa a, n̂-tɔ wure.

Titə 3:2

Maji karə n̂-tajije dəw ang, n̂-toje to njê-ddɔje kə dəw ang, maji karə n̂-toje to njê-mə-majije. Maji karə n̂-toje to dəwje kə̂ wul pee kə dəwje tɔyn kə ndɔ tɔyn.

Ebərəje 12:14

Maji karə ə-sangəje ddəw kisi kə mə-wul-lɔm kə dəwje tɔyn. Ngaâ arəje nɛ̂n-yərəw ɔruse ang. Baann ang a, dəw kâra horose tə̂ a koo Əbbə-dəwje ang.

1 Piyɛr 1:22

Maji karə ə-ddaje nɛ̂n ddəw tar tə̂ kə̂ tɔkɔrɔ, arəje nɛ̂n-yərəw ɔruse ang mba ndiki nɛ̂n ngakɔnse tokə tɔkɔrɔ tə̂ njaa. Yeenn a, maji karə ə-ndikije naan kə mə-kâra kə ndɔ tɔyn.

1 Piyɛr 2:17

Maji karə ə-walje dəwje tɔyn, ə-ndikije ngakɔnse, ə-bbəəlje Lubba, ə-walje tɔkə mbay.

1 Piyɛr 3:9

Dəw ddase maji ang a, ilaje barɛ̂ ang, dəw tajise a, ə-tajɛ̂je ang. Tar kə̂ Maji â ə-bbarje dɔ dəwje tə̂. Yeenn njaa â Lubba bbarse mbɛɛ̂. Baann bba Lubba a bbar tar kə̂ maji dɔse tə̂.

3 Jan 1:11

Ngokɔnʼm kə̂ m-ndikii nya, kula-dda kə̂ maji â ə-ndaji bbo kula-dda kə̂ maji ang â ə-ndaji ang. Dəw kə̂ dda maji to dəw lə Lubba. Dəw kə̂ dda maji ang gərə Lubba ang.

Apokalisi 19:10

M-tee moso kɔ gɔlɛ̂ tə̂ ta pole, a n̂-pa narəm nan: «Ə-dda nɛ̂ɛnn ang! M-to nje-kula mari ddəm nje-kula mar ngakɔinje kə̂ aw ngəmje tar-najije lə Jeju ddəm. Lubba â maji karə ə-pole!» Tar-najije lə Jeju toje to tarje kə̂ ddeeje dɔ njê-kilaje mbər tarje tə̂ lə Lubba bba aw paje.

Apokalisi 22:9

A n̂-pa narəm nan: «Ə-dda nɛ̂ɛnn ang! M-to nje-kula mari kə nje-kula mar ngakɔinje kə̂ toje to njê-kilaje mbər tar lə Lubba kə nje-kula mar dəwje kə̂ ngəmje tarje kə̂ makəturu tə̂ nəənn. Lubba â maji karə ə-pole.»