1 Tesalonisinyɛje 5:14 - Dɔnɔn kə̂ Siki: Tar kə̂ aw arə təbbə

¹⁴ Ngakɔnje, n-dujuse nya karə ə-ndɔruje mbi dəwje kə̂ aw ddaje nɛ̂nje kə̂ to kə dɔgɔlɛ̂ ang. Maji karə ə-ddaje arəje dəwje kə̂ rɔde oy njururu təl ubbaje singa. Ngaâ umanje dəwje kə̂ mə-kunn ləde sangə ang bbay ddəm ə-tɔje wurse arəje dəwje tɔyn ddəm.

1 Tesalonisinyɛje 5:14 ပူးပေါင်းရင်းမြစ်များ

Matiye 12:20

Mu kə̂ dunda nangə̂ mban, nâ kuwa tətə ang. Puru kə̂ a ta koy, nâ tɔl ang. Nâ dda nɛ̂n tokə baann ndərəng karə nɛ̂n-dda kə̂ gatə gatə uta dɔ lo

Luku 22:32

A əman, m-duju Lubba mba tar ləi ta karə mə-kunn ləi oso ang ngaâ karə bbo ə-təl rɔm tə̂ a, ə-dda arə ngakɔinje ingaje singa.»

Kulaje 20:27

Mba miyase marə nɛ̂n ang, m-tɔjuse nɛ̂n tɔyn kə̂ Lubba gɔl ta dda.

Kulaje 20:31

Maji karə undaje kəmse dɔ rɔse tə̂, oleje məse to bbal mota njaa, til tə̂ ddəm karâ ddəm m-ndəjəse kâra kâra tɔyn kə maann-nɔn kəmʼm tə̂.

Kulaje 20:35

Kə ndɔ tɔyn, maw tɔjuse to, to maji ta dda kula tokə baann mba kuman nɛ̂n njê-ndooje, ta kole nɛ̂n məse dɔ tar tə̂ kə̂ Əbbə-dəwje Jeju njaa pa. Tar le nan: ‹Dəw kə̂ nje-karə nɛ̂n, rɔɛ̂ nəəle uta dəw kə̂ nje-taa nɛ̂n le.› »

Rɔmɛnje 12:1

Ngakɔnʼmje, Lubba tɔju maji laa kə̂ n̂-dda kə je. Yeenn bba, m-walse nya karə unnje da-rɔse njaa arəje Lubba tokə nɛ̂n-polo kə̂ to kəm baa, nɛ̂n kə̂ dunda dang ngaâ maji kəm Lubba tə̂. Yeenn â to gusu kə̂ tɔkɔrɔ kə̂ ta polo nɛ̂n Lubba.

Rɔmɛnje 14:1

Dəw kə̂ mə-kunn laa sangə ang bbay, maji karə uwɛ̂je kə rɔse tə̂ ta kəjəje kə̂ məɛ̂ tə̂ ooje to kəjəje kə̂ maji ang ang.

1 Kɔrɛntinyɛje 4:14

M-dda nɛ̂nje nəənn makəturu tə̂ mba ndəjə nɛ̂n se tokə lə ngannəm kə̂ m-ndikide, bbo m-dda mba kila nɛ̂n rɔ-kul kəmse tə̂ ang.

1 Kɔrɛntinyɛje 8:7

A dəwje tɔyn â gərəje nɛ̂n nəənn ang. Marə dəwje unnje go kɔrje kete bba inyaje gode bbasinɛn nəənn bbay, yeenn â bbo daw dusaje daje kə̂ darə to nɛ̂n-polo a, dəjəje to daje le to nɛ̂n kə̂ darə kɔrje njaa tɔkɔrɔ. Nɛ̂ɛnn le dda arə kəjə ləde kə̂ sangə ang jɔkude.

Galatəje 5:22

A nɛ̂nje kə̂ Ndil-mə-nda aw ddee nɛ̂n to: Ndiki naan, rɔ-nəəl, mə-wul-lɔm, tɔ-wur, mə-maji, dda maji kə dəwje, mə-kunn,

Epɛjinyɛje 4:2

Maji karə ə-ddaje rɔse ngaji, ə-wulje pee, ə-tɔje wurse ə-nginanje. Ə-tɔje wurse arəje naan ddəw ndiki naan tə̂.

Epɛjinyɛje 4:32

Maji karə ə-ddaje maji kə naan. Ooje ndoo lə naan. Ɔruje tar dɔ naan tə̂, tokə Lubba ɔru tar dɔse tə̂ ddəw tə̂ lə Kristə le.

Kolosinyɛje 1:28

Kristə le â jaw jila mbər laa. Jaw jarə ndəjə dəwje tɔyn ngaâ jaw tɔjude nɛ̂n dəwje tɔyn ddəw kəm-karɛ tə̂ dang dang, karə dəwje tɔyn sangəje ddəw tə̂ lə Kristə.

2 Tesalonisinyɛje 3:15

Ooeje to nje-baan ləse ang, a maji karə ə-ndɔruje mbia tokə ngokɔnse njaa.

1 Timɔte 3:3

Maji karə n̂-to bbərə lə koto ang, n̂-to nje-ddɔ kə dəwje ang, n̂-to dəw kə̂ wul pee, n̂-to dəw kə̂ ndiki kɔl ang, n̂-to dəw kə̂ ndiki narɛ nya ang.

1 Timɔte 6:11

A əi dəw lə Lubba, ə-mbətə nɛ̂njeenn ddəw əw ta ə-sangə ddəw ta to gatə gatə, ta bbəəl Lubba, ta kuwa mə-kunn karə ngəng, ta ndiki ngamarije, ta tɔ wuri ngaâ ta ə-ddee to dəw kə̂ wul pee kə dəwje.

2 Timɔte 4:2

karə ila mbər tar lə Lubba, ə-təl dɔɛ̂ tə̂ kə kar tɔyn kə kar kə̂ maji ddəm maji ang ddəm. Maji karə ə-tɔjude majang ləde, ə-ndangəde, ə-dda arə dubbaje singa. Maji karə ə-tɔ wuri ddəwe tə̂ ta arə bbo nɛ̂n-tɔju ddai.

Titə 1:10

Tɔkɔrɔ, njê-dɔ-ngəngje, njê-kundaje bula kə̂ baa kə njê-kərəje dəwje banyaje nya, uta tɔyn, n̂-banyaje nya horo Jiipije tə̂ kə̂ ooje məde tə̂.

Titə 1:6

Maji karə ansinyɛ to dəw kə̂ tar to dɔɛ̂ tə̂ kâra ang, n̂-to nje-dɛnɛ̂n kə̂ kâra, maji karə ngannɛ̂ ooje məde tə̂ ngaâ pa-nja ləde to pa-nja kə̂ dəwje a kundaje nɛ̂n tar dɔde tə̂ ang wase dəwje a kundaje tar dɔde tə̂ mba dɔ-ngəng ləde ang.

Ebərəje 12:12

Yeenn bba, maji karə arəje rɔse oy njururu ang, uwaje arəje ngəng.

Ebərəje 13:3

Maji karə əjəje dɔ dəwje tə̂ kə̂ toje kəy-kula tə̂ tokə nɛ̂n kə̂ sese njaa â ə-toje kəy-kula tə̂ le kə de tɔ. Maji karə əjəje dɔ dəwje tə̂ kə̂ daw ddade maji ang tokə nɛ̂n kə̂ sese njaa â daw ddase maji ang tɔ.