1 Tesalonisinyɛje 5:12 - Dɔnɔn kə̂ Siki: Tar kə̂ aw arə təbbə

¹² Ngakɔnje, n-dujuse bbay karə ə-bbəəlje dəwje kə̂ aw ddaje kula horose tə̂, dede kə̂ Əbbə-dəwje undade karə n̂-tɔjuse ddəw, karə n̂-ndəjəse le.

1 Tesalonisinyɛje 5:12 ပူးပေါင်းရင်းမြစ်များ

Luku 10:7

Ə-naynje mə kəy tə̂ənn le, usaje nɛ̂n, ayje nɛ̂n kə̂ darəse, mba to tar lə dəw kə̂ dda kula ta kinga kuka laa. Andəje mə kəy tə̂ a, inje marə kəy tə̂ awje marɛ̂ tə̂ marɛ̂ tə̂ ang.

Tar kə̂ Maji kə̂ Jan dda makəturu tə̂ 4:38

Mulase marə aw ujaje ko mə ndɔ tə̂ kə̂ ə-ddaje kulɛ̂ ang. Marə dəwje ddaje kula, a sese â ingaje nɛ̂n go kula tə̂ ləde le.»

Kulaje 20:28

Maji karə undaje kəmse dɔ rɔse tə̂ kə dɔ nɛ̂n-kuulje tə̂ kə̂ Ndil-mə-nda undase karə ə-ngəmjede. Ə-ngəmje Egilisi kə̂ Lubba ndoko kə məse njaa le.

Kulaje 20:35

Kə ndɔ tɔyn, maw tɔjuse to, to maji ta dda kula tokə baann mba kuman nɛ̂n njê-ndooje, ta kole nɛ̂n məse dɔ tar tə̂ kə̂ Əbbə-dəwje Jeju njaa pa. Tar le nan: ‹Dəw kə̂ nje-karə nɛ̂n, rɔɛ̂ nəəle uta dəw kə̂ nje-taa nɛ̂n le.› »

Rɔmɛnje 16:12

Ə-ddaje lapiya Tripɛnn de kə Tripoje. N̂-ddaje kula nya mba Əbbə-dəwje. Ə-ddaje lapiya Pɛrsidə kə̂ to kɔn-nannje kə̂ m-ndike nya. Ne kara n̂-dda kula nya mba Əbbə-dəwje.

Rɔmɛnje 16:6

Ə-ddaje lapiya Mari arəmje. N̂-dda kula mbase nya.

1 Kɔrɛntinyɛje 12:28

Mba yeenn bba, mə Egilisi tə̂, Lubba unda Njê-kaw-kulaje to dəwje kə̂ dɔngɔr. Njê-kilaje mbər tar lə Lubba toje to joo ləde. Njê-nɛ̂n-tɔjuje toje to mota ləde. A goe tə̂ to njê-ddaje nɛ̂n-mɔri, goe tə̂ a narə gusu kaji njê-rɔ-toje, gusu kuman dəwje, gusu kɔn dɔ dəwje kə gusu pa ndɔn-tarje dang dang.

1 Kɔrɛntinyɛje 15:10

A ddəw mə-maji tə̂ lə Lubba â m-ddee tokə be nəənn. Mə-maji laa kə̂ n̂-dda səm le to baa njaa baann ang. M-dda kula nya muta kəsə njê-kaw-kulaje tɔyn. Əman njaa m-dda kula le dɔ singam tə̂ ang, mə-maji lə Lubba le â dda kula ddəw tə̂ ləm.

1 Kɔrɛntinyɛje 16:16

Yeenn a, maji karə ooje ta dəwje kə̂ tokə baann ddəm ooje ta dəwje kə̂ aw ilaje rɔde kula tə̂ kə de ddəm.

1 Kɔrɛntinyɛje 16:18

N̂-ddaje darə wurum ddəm wurse ddəm oso nangə̂. Maji karə ə-gərəje go kula kə̂ maji kə̂ dəwje kə̂ baann aw ddaje.

1 Kɔrɛntinyɛje 3:9

Mba jeje kə Lubba jaw juman naan kula tə̂ ngaâ ə-toje tokə lə ndɔɔ lə Lubba, sese ə-toje tokə lə kəy lə Lubba.

2 Kɔrɛntinyɛje 11:23

N̂-toje to njê-kulaje lə Kristə wa? Mâ pa tar tokə nje-wooy: M-to nje-kula lə Kristə kə̂ utade bbay. M-dda kula mutade, dilam kəy-kula tə̂ gɔl banya utade, n̂-tundam dutade ngaâ maw ta yo tə̂ ngɔsi mutade.

2 Kɔrɛntinyɛje 5:9

Mba yeenn bba, le n-nayn mə da-rɔ tə̂ nəənn wase n-tee mə tə̂ kə ddang kara, nɛ̂n kə̂ n-ndiki to, karə nooje maji kəmɛ̂ tə̂.

2 Kɔrɛntinyɛje 6:1

Jaw dda kula kə Lubba le. Mba yeenn bba n-walse nya karə mə-maji kə̂ Lubba dda kə se le to baa ang.

Galatəje 4:11

M-bbəəl nya, mba kin karə kulaje tɔyn kə̂ m-dda mba tar ləse təlje to nɛ̂nje kə̂ baa be.

Pilipinyɛje 2:16

sese kə̂ aw paje tar kə̂ aw arə təbbə arəjede le. Yeenn bba ndɔ kə̂ Kristə təl a, mâ kunda gum mbase. Nɛ̂ɛnn le a tɔju to m-dda kula m-tuju nɛ̂n singam baa ang ddəm moo nɛ̂n ndoo baa ang ddəm.

Pilipinyɛje 2:19

Munda məm to Əbbə-dəwje Jeju a karəm ddəw karə mula Timɔte rɔse tə̂ mə ndɔje tə̂ nəənn, karə n̂-pa tar ləse narə moo bba mâ kinga singa.

Kolosinyɛje 1:29

Mba yeenn bba maw dda kula ddəm maw dda ddɔ ddəm ddəw singa tə̂ kə̂ Kristə arəm ngaâ aw dda kula rɔm tə̂ ngəng nya.

1 Tesalonisinyɛje 2:9

Ngakɔnje, oleje məse dɔ kulaje tə̂ ləje kə dɔ ndoo tə̂ kə̂ joo. Til kə kar, n-dda kula bba ta ddee to nɛ̂n-koto dɔ dəw tə̂ kâra horose tə̂ ang. Baann â jila nɛ̂n mbər Tar kə̂ Maji lə Lubba jarəse.

1 Tesalonisinyɛje 4:1

Kəsə tar ləje tokə be: Ngakɔnje, n-tɔjuse ddəw kə̂ ta nja nɛ̂n karə nəəl kəm Lubba tə̂. To nɛ̂n kə̂ aw ddaje mban. A n-dujuse ddəm n-ndəjəse ddəm kə ri Əbbəjeje Jeju karə awje nɛ̂n kə kete kete.

1 Tesalonisinyɛje 5:14

Ngakɔnje, n-dujuse nya karə ə-ndɔruje mbi dəwje kə̂ aw ddaje nɛ̂nje kə̂ to kə dɔgɔlɛ̂ ang. Maji karə ə-ddaje arəje dəwje kə̂ rɔde oy njururu təl ubbaje singa. Ngaâ umanje dəwje kə̂ mə-kunn ləde sangə ang bbay ddəm ə-tɔje wurse arəje dəwje tɔyn ddəm.

1 Timɔte 5:1

Maji karə ə-ndəjə dingaw kə̂ bbuka tokə lə bɔije njaa, bbo ə-ndangɛ̂ ang. Ə-ndəjə basanje tokə lə ngakɔinje njaa.

1 Timɔte 5:20

A bbo dəw dda majang a, ə-ndangɛ̂ kəm dəwje tə̂ tɔyn. Baann bba kəsə dəwje a bbəəlje ta dda majang.

2 Timɔte 2:6

Nje-ndɔɔ kə̂ dda kula oo nɛ̂n ndoo njaa, a kinga ko-ndɔɔ laa le dɔngɔr bba kəsə dəwje a kingaje.

Titə 1:3

Karɛ̂ asə a, Lubba tee kə tar laa le kə ddaka ddəw tar tə̂ kə̂ n̂-pa narəm. Lubba kə̂ Nje-kajije le inya tar le mə jim tə̂ ngaâ nunn ndu narəm ta karə mila mbər tar le.

Titə 1:5

Minyai dɔ dərə-maann tə̂ kə̂ Krɛtə karə ə-gɔl gɔl nɛ̂nje kə̂ nayn bbay ə-tunga ngaâ ta karə unda dəwje kə̂ dɔ Egilisi tə̂ mə bbeje tə̂ kâra kâra tokə m-pa mari le.

Titə 2:15

Maji karə ə-pa tar tokə baann, arə ndəjə arə dubbaje nɛ̂n singa ta ə-ndangəde kə ndu kə̂ mɔngu. Ə-dda arə dəw kâra dabbi ang.

Ebərəje 13:17

Maji karə ooje ta dəwje kə̂ aw tɔjuse ddəw ngaâ ə-bbəəljede. Mba daw dundaje kəmde dɔse tə̂. Ngaâ a to tar ləde ta pa go nɛ̂n tɔyn dɔse tə̂ nɔn Lubba tə̂. Maji karə ə-ddaje arə n̂-ddaje kula ləde kə rɔ-nəəl bbo kə kəm-rɔ ang, mba a kumanse kâra ang.

Ebərəje 13:7

Maji karə oleje məse dɔ dəwje tə̂ kə̂ tɔjujese ddəw ləw ngaâ ndajije tar lə Lubba kə̂ pa dɔ Jeju tə̂ arəse le. Əjəje dɔ kisi tə̂ ləde ndərəng koy tə̂ ləde, ta ə-ndajije mə-kunn ləde.

Apokalisi 1:20

Nɛ̂n kə̂ iya rɔɛ̂ ɔju dɔ əndɛtɛrɛndɛnje siri kə̂ oo jim tə̂ kə̂ kɔl kə nɛ̂n-kunda lambeje siri kə̂ n̂-dda kə andə-narɛ le gəle tokə be: Əndɛtɛrɛndɛnje kə̂ siri le tɔju anjəje kə̂ Egilisije tə̂ kə̂ siri le, a nɛ̂n-kunda lambeje kə̂ siri le toje to Egilisije kə̂ siri le tɔ.»

Apokalisi 2:12

«Ə-dda makəturu ula nɛ̂n arə anjə kə̂ Egilisi tə̂ kə̂ Pɛrgam ə-pa nan: «Tar kə̂ dəw kə̂ uwa tɔkə kiya kə̂ tɛɛ̂ joo ngaâ atə pa â nəənn:

Apokalisi 2:18

«Ə-dda makəturu ula nɛ̂n arə anjə kə̂ Egilisi tə̂ kə̂ Tiyatir: «Tar kə̂ Ngonn lə Lubba, ne kə̂ kəmɛ̂ aw ndoko tokə lə puru ngaâ gɔlɛ̂ ndɔnrɛn tokə lə andə-narɛ pa â nəənn:

Apokalisi 2:3

«Ə-tɔ wuri nya ngaâ oo ndoo mba rim, a rɔi nyai ddəwe tə̂ ang.

Apokalisi 2:8

«Ə-dda makəturu ula nɛ̂n arə anjə kə̂ Egilisi tə̂ kə̂ Ismirnə: «Tar kə̂ dəw kə̂ to dɔngɔr dəw ddəm dɔbɔyn dəw ddəm nɛ̂n kə̂ noy ngaâ n̂-təl nisi kəm baa n̂-pa â nəənn:

Apokalisi 3:1

«Ə-dda makəturu ula nɛ̂n arə anjə kə̂ Egilisi tə̂ kə̂ Sardə ə-pa nan: «Tar kə̂ dəw kə̂ ee kə ndilje lə Lubba kə̂ siri kə əndɛtɛrɛndɛnje siri pa â nəənn: M-gərə kulaje kə̂ aw dda, dəwje ooje to isi kəm baa, a oy mban.

Apokalisi 3:14

«Ə-dda makəturu ula nɛ̂n arə anjə kə̂ ee Egilisi tə̂ kə̂ Lawodise ə-pa nan: «Tar kə̂ Dəw kə̂ ria nan Amɛnn, ne kə̂ n̂-to nje-tar-naji kə̂ gatə gatə ddəm kə̂ tɔkɔrɔ ddəm ne kə̂ nee kunn-kutu nɛ̂nje tə̂ kə̂ Lubba dda n̂-pa â nəənn:

Apokalisi 3:7

Ə-dda makəturu ula nɛ̂n arə anjə kə̂ Egilisi tə̂ kə̂ Piladɛlpi ə-pa nan: Tar lə Dəw kə̂ maji tɔyn, ne kə̂ n̂-to Tɔkɔrɔ, ne kə̂ ngaw kele lə Dabbiti to jia tə̂, ne kə̂ n̂-təəyn ta-ddəw a, dəw kâra asə ta kutu ang, ne kə̂ nutu ta-ddəw a, dəw kâra asə ta təəyn ang.