1 Tesalonisinyɛje 5:11 - Dɔnɔn kə̂ Siki: Tar kə̂ aw arə təbbə

¹¹ Yeenn bba, maji karə ə-ndəjəje naan, ə-ddaje arəje njê-marəse ubbaje singa ddəw kâra baa tokə aw ddaje mban le.

1 Tesalonisinyɛje 5:11 ပူးပေါင်းရင်းမြစ်များ

Rɔmɛnje 14:19

Yeenn a, maji karə n-sangəje nɛ̂n kə̂ aw ddee kə mə-wul-lɔm jarə njê-mə-kunnje kâra kâra tɔyn ddaje arə njê-marədeje sangəje ddəw mə-kunn tə̂.

Rɔmɛnje 15:14

Ngakɔnʼmje, əman njaa m-gərə to isije kə bbo nya ta dda nɛ̂n kə̂ maji. Ə-gərəje nɛ̂nje tɔyn kə̂ to tar ləse ta gərə mban ngaâ asəje ta karə naan ndəjə.

Rɔmɛnje 15:2

Maji karə jeje kâra kâra n-sangəje ddəw ta nəəl kəm ngakɔnje tə̂ mba kisi maji ləde. Yeenn bba ja ddaje karə njê-mə-kunnje sangəje kə kete ddəw mə-kunn tə̂.

1 Kɔrɛntinyɛje 10:23

Marə dəwje paje nan: Ddəw ɔru arəm karə m-dda nɛ̂n tɔyn. A nɛ̂n tɔyn njaa maji to maji dɔrɔ ang. Dəw ee kə ddəw ta dda nɛ̂n tɔyn, a nɛ̂n tɔyn njaa dda maji kə Egilisi ang.

1 Kɔrɛntinyɛje 14:12

Ddəw kâra baa, sese ə-ndikije nya ta kinga gusuje lə Ndil. Yeenn a, maji karə ə-sangəje gusuje kə̂ a kasəje ta dda karə Egilisi ubba singa.

1 Kɔrɛntinyɛje 14:29

Nɛ̂n kə̂ ɔju dɔ kila mbər tar lə Lubba, maji karə dəwje joo wase mota paje tar. A kəseje isaje tar le ooje.

1 Kɔrɛntinyɛje 14:5

M-ndiki karə sese tɔyn ə-paje tar kə ndɔn-tarje kə̂ dəw gərə ang le njaa. A m-ndiki nya karə ilaje mbər tar lə Lubba. Mba dəw kə̂ aw ila mbər tar lə Lubba arə njê-marɛ̂je â ngəng uta dəw kə̂ aw pa tar kə ndɔn-tarje kə̂ dəw gərə ang. Baann ang a, maji kar marə dəw ndaji tar kə̂ dəw aw pa kə ndɔn-tar kə̂ dang le bba a kuman Egilisi.

2 Kɔrɛntinyɛje 12:19

Aw əjəje ləw baa to jaw ko rɔje nɔnse tə̂ wa? Baann ang. Kəm Lubba tə̂, ddəw tə̂ lə Kristə â jaw pa tar nəənn. See ngakɔnje kə̂ n-ndikise nya, jaw pa tarje nəənn tɔyn jarəse bba karə mə-kunn ləse ubba singa.

Epɛjinyɛje 4:12

N̂-dda baann bba karə dəwje lə Lubba asəje tɔyn ta dda kula karə Egilisi kə̂ to da-rɔ Kristə sangə.

Epɛjinyɛje 4:16

Tambal dɔɛ̂ â, dəbbə rɔ dang dang tɔyn mbɔn naan to da-rɔ kə̂ kâra baa ngaâ kətərə mba mənrə-rɔje le tɔje naan kə majɛ̂. A bbo dəbbə rɔ kə̂ dang dang le kâra kâra dda kula kə majɛ̂ a, da-rɔ le tɔyn njaa a tee kə mbi ngaâ a sangə ddəw ndiki tə̂.

Epɛjinyɛje 4:29

Maji karə tar kə̂ maji ang kâra tee tase tə̂ ang. Tar kə̂ maji kə̂ a kuman dəw, kə̂ aw arə singa dəw ngaâ a dda maji kə dəwje kə̂ aw ooje tar kə̂ aw paje, tarje kə̂ baann â ta ə-paje.

1 Tesalonisinyɛje 4:10

Aw ə-ndikije ngakɔnje kə̂ Maseduwann tə̂ tɔyn tokə baann mban. A n-ndəjəse karə ə-ddaje arə uta yeenn bbay.

1 Tesalonisinyɛje 4:18

Yeenn a, maji karə ə-ndəjəje naan kə tarje nəənn bba karə ubbaje singa.

1 Timɔte 1:4

Ə-pa arə njê-nɛ̂n-tɔjuje kə̂ tɔkɔrɔ ang le arə dinya ddəw kunda kəjə ləde dɔ gəl nɛ̂nje tə̂ kə̂ ləw kə̂ to kə ddəwe ang kə kɔru gəl-kuju kadede kə̂ kɔnyɛ̂ goto. Nɛ̂njeenn aw ddeeje kə mayn naan tar baa, bbo dda nɛ̂n kə̂ Lubba gɔl mbaje ang. Ddəw mə-kunn tə̂ bba dəw gərə nɛ̂n nɛ̂n kə̂ Lubba gɔl le.

Ebərəje 10:25

Maji karə n-tusuje lo mbɔn-naan ləje jinyaje ang, mba marɛ̂je aw ddaje tokə baann. A maji karə n-ndəjəje naan, mba ooje, ndɔ lə Əbbə-dəwje ddee ngɔsi ngaa.

Ebərəje 3:13

Lubba nayn aw bbarse «bbokənɛn» bbay. Maji karə ə-ndəjəje naan kə ndɔ tɔyn. Baann bba karə majang dda arə marə dəw horose tə̂ dda dɔ-kətərə ang.

2 Piyɛr 1:12

Mba yeenn bba, m-gərə to ə-gərəje nɛ̂njeenn le ngaâ aw ngəmje tar kə̂ tɔkɔrɔ kə̂ ingaje le kə majɛ̂ njaa, a mâ kole məse dɔɛ̂ tə̂ kə ndɔ tɔyn.

Judə 1:20

A see ngakɔnʼmje kə̂ m-ndikise nya, maji karə arje dɔ tar mə-kunn tə̂ ləse kə̂ maji tɔyn le kə majɛ̂. Ə-dujuje Lubba ddəw Ndil-mə-nda tə̂.