1 Tesalonisinyɛje 5:10 - Dɔnɔn kə̂ Siki: Tar kə̂ aw arə təbbə

¹⁰ Kristə le oy mba tar ləje bba karə, le jisije kəm baa wase joyje njaa kara, jisije kəm baa saa ndɔ tə̂ kə̂ nâ ddee.

1 Tesalonisinyɛje 5:10 ပူးပေါင်းရင်းမြစ်များ

Matiye 20:28

Ddəw kâra baa, Ngonn lə dəw ddee karə dəwje ddaje kula arɛ̂ ang. N̂-ddee ta dda kula karə dəwje, ta kunn rɔɛ̂ to nɛ̂n-kuka dɔ dəwje tokə banya.»

Tar kə̂ Maji kə̂ Jan dda makəturu tə̂ 10:11

«Əman, m-to nje-ngəm nɛ̂n-kuulje kə̂ maji. Nje-ngəm nɛ̂n-kuulje kə̂ maji ila rɔɛ̂ kɔrɔ̂ mba batəje laa.

Tar kə̂ Maji kə̂ Jan dda makəturu tə̂ 10:15

tokə Bɔ gərəm ngaâ m-gərə Bɔ tɔ le. Munn təbbə ləm marə mba batəje ləm.

Tar kə̂ Maji kə̂ Jan dda makəturu tə̂ 10:17

«Bɔ ndikim, mba munn təbbə ləm marə bba ta təl kinga təbbə le guku.

Tar kə̂ Maji kə̂ Jan dda makəturu tə̂ 15:13

Bbo dəw unn təbbə laa arə mba dəwje kə̂ n̂-ndikide a, ndiki kə̂ uta yeenn goto.

Rɔmɛnje 8:34

Nân bba a gangə sariya dɔde tə̂ wa? Dəw kâra ang, mba Jeju-Kristə njaa oy. Uta tɔyn, n̂-təl n̂-ndol, nisi dɔ ji-kɔl Lubba tə̂ ngaâ naw duju Lubba mba tar ləje.

1 Kɔrɛntinyɛje 15:3

Nɛ̂n kə̂ m-tɔjuse dɔngɔr le, to nɛ̂n kə̂ əman njaa n̂-tɔjum: Kristə le oy mba majang ləje tokə makəturu lə Lubba pa kete le.

2 Kɔrɛntinyɛje 5:15

Noy mba dəwje tɔyn bba karə dəwje kə̂ isije kəm baa, isije kəm baa mba tar ləde njaa ang, a disije kəm baa mba dəw kə̂ oy ngaâ ndol mbade.

2 Kɔrɛntinyɛje 5:21

Kristə dda majang kâra ang. A Lubba arə noto majang ləje. Yeenn bba karə n-ddeeje to dəwje kə̂ gatə gatə kəm Lubba tə̂ ddəw tə̂ lə Kristə.

Epɛjinyɛje 5:2

Ə-ndikije njê-marəse tokə Kristə ndikije ngaâ unn təbbə laa arə Lubba to nɛ̂n-karə-baa ddəm to nɛ̂n-polo kə̂ tokə dukann kə̂ ətə maji ddəm.

1 Tesalonisinyɛje 4:13

Ngakɔnje, n-ndiki ta karə ə-gərəje tar dɔ dəwje tə̂ kə̂ oyje, bba karə uwaje ndoo tokə lə kəsə dəwje ang. Mba dede dundaje məde dɔ marə nɛ̂n tə̂ kâra ang.

1 Tesalonisinyɛje 4:15

Ddəw kâra baa tokə Əbbə-dəwje pa le, nɛ̂n kə̂ n-pa jarəse â nəənn: Jeje kə̂ ja naynje kəm baa ndərəng ndɔ ddee tə̂ lə Əbbə-dəwje, ja kaw kete karə dəwje kə̂ oyje le ang.

1 Tesalonisinyɛje 4:17

Goe tə̂ a, jeje kə̂ ja n-naynje kəm baa bbay le, dâ kotoje kə de kâra baa mə mum tə̂, ta kaw kinga nɛ̂n Əbbə-dəwje mə dara tə̂. Yeenn ngaâ ja naynje kə Əbbə-dəwje kə ndɔ kə ndɔ.

1 Tesalonisinyɛje 5:6

Yeenn a, maji karə n-tibbije tokə lə kəsə dəwje ang. Maji karə bbi ɔru kəmje ang ta n-gərəje dɔjije.

1 Timɔte 2:6

kə̂ unn rɔɛ̂ uka nɛ̂n dɔ dəwje tɔyn. Yeenn bba karɛ̂ asə a, Lubba dda nɛ̂ɛnn le ta tɔju to n̂-ndiki ta kaji dəwje tɔyn.

2 Timɔte 2:11

Tar nəənn to tar kə̂ tɔkɔrɔ: Bbo joyje saa kâra baa a, ja kisije kəm baa saa kâra baa tɔ.

Titə 2:14

Nunn rɔɛ̂ njaa narə yo mbaje, mba kɔruje mə majang tə̂ ngaâ ta toko nɛ̂n-yərəw ləje karə n-toje to dəwje laa njaa ddəm karə n-toje to dəwje kə̂ bbo dda kulaje kə̂ maji to məde tə̂ nya ddəm.

1 Piyɛr 2:24

Noto majangje ləje dɔɛ̂ tə̂ dɔ kakə-dəsə tə̂ mba karə jeje kə̂ jɔruje rɔje majang tə̂, ddəw koy tə̂ kə̂ joyje saa mban le jisije kəm baa mba dda nɛ̂n kə̂ gatə gatə. Ddəw doje tə̂ kə̂ ninga, najije rɔ-toje tə̂ ləje.

1 Piyɛr 3:18

Mba Kristə le njaa oy gɔl kâra baa mba majangje lə dəwje. Ne kə̂ n̂-to gatə gatə, noy mba dəwje kə̂ toje gatə gatə ang, mba kaw kə se rɔ Lubba tə̂. Dəwje tɔl da-rɔɛ̂, a Lubba ndole arə n̂-təl nisi kəm baa ddəw tə̂ lə Ndil-mə-nda.