1 Tesalonisinyɛje 4:8 - Dɔnɔn kə̂ Siki: Tar kə̂ aw arə təbbə

⁸ Yeenn bba bbo dəw kə̂ mbətə nduje nəənn a, to dəw â n̂-mbəte ang, Lubba kə̂ arəse Ndil-mə-nda laa â n̂-mbəte.

1 Tesalonisinyɛje 4:8 ပူးပေါင်းရင်းမြစ်များ

Luku 10:16

Jeju pa bbay nan: «Dəw kə̂ oo tar ləse a, to əman â noo tar ləm. Dəw kə̂ mbətəse a, to əman â n̂-mbətəm. Dəw kə̂ mbətəm a, ne kə̂ nulam â n̂-mbəte.»

Tar kə̂ Maji kə̂ Jan dda makəturu tə̂ 12:48

Bbo dəw mbətəm ngaâ taa tar ləm ang a, ddutu ndɔ tə̂, nɛ̂n kə̂ a gangə sariya dɔɛ̂ tə̂ to tarje kə̂ m-pa â a gangəje sariya dɔɛ̂ tə̂.

Kulaje 13:41

‹Ooje! See njê-yabbəje dəwje, arəje bbəəl ddase ta ə-gotoje kə ddang, mba mâ dda marə nɛ̂n ndɔ tə̂ kə̂ isije nɛ̂n kəm baa, bbo dəw ɔru gəl nɛ̂n le arəse a, â ndikije tə̂ ang.› »

Rɔmɛnje 5:5

Məje kə̂ jundaje dɔ Lubba tə̂ le a dda karə rɔje wul ang, mba Lubba arə Ndil-mə-nda kə̂ narəje le ula ndiki laa məje tə̂ tokə bo.

1 Kɔrɛntinyɛje 2:10

A jeje â Lubba arə Ndil-mə-nda tɔju nɛ̂nje le kə ddaka arəje. Mba Ndil-mə-nda gərə nɛ̂nje tɔyn. Nɛ̂nje lə Lubba kə̂ nayn lo-kiyɛ̂ tə̂ kara n̂-gərə.

1 Kɔrɛntinyɛje 7:40

A kə̂ kəjə tə̂ ləm, bbo n̂-taa ngaw ang a, nâ kisi kə rɔ-nəəl nya uta. Əman njaa kara məjə to Ndil lə Lubba to rɔm tə̂ tɔ.

2 Kɔrɛntinyɛje 1:22

Nula Ndil-mə-nda məje tə̂ to əndaji laa, ta nginan nɛ̂n kəsə nɛ̂nje kə̂ n̂-gɔl mba tar ləje.

Galatəje 4:6

Lubba ula Ndil lə Ngonnɛ̂ məje tə̂ ta tɔju to n-to ngannɛ̂ njaa. Ndil le aw uru əkii nan: «Aba», kandə tar le nan «Bɔy!»

1 Piyɛr 1:12

Lubba pa kə ddaka arə njê-kilaje mbər tar le to tarje le to mba dede njaa ang. Tarjeenn le toje mbase. Njê-kilaje mbər Tar kə̂ Maji â ilaje mbər tar nəənn le arəse bbasinɛn nəənn. N̂-paje tarɛ̂ darəse ddəw singa-mɔngu tə̂ lə Ndil-mə-nda kə̂ Lubba ulɛ̂ arə nin darâ n̂-ddee le. Anjəje kara ndikije ta gərə tar nəənn le tɔ.

2 Piyɛr 1:21

Mba dəw ila mbər tar lə Lubba kə mə-ndiki laa njaa ang. Ndil-mə-nda â aw kə dəwje arə ilaje mbər tar kə̂ in ta Lubba tə̂.

1 Jan 3:24

Dəw kə̂ ngəm ndu lə Lubba nayn ddəw mə-kâra tə̂ kə Lubba ngaâ Lubba nayn ddəw mə-kâra tə̂ saa. Nɛ̂n kə̂ tɔju to Lubba dda mə-kâra kə je to Ndil-mə-nda kə̂ narəje.

Judə 1:8

Dəwje kə̂ andəje horose tə̂ənn le ddaje nɛ̂n tokə baann tɔ. Daw dəjəje nɛ̂nje kə̂ to kə dɔgɔlɛ̂ ang, daw tujuje rɔde, dooje kɔn-mbay lə Lubba to nɛ̂n kə̂ baa ngaâ n̂-tajije anjəje kə̂ asəje karə dəwje pitijede.