1 Tesalonisinyɛje 4:6 - Dɔnɔn kə̂ Siki: Tar kə̂ aw arə təbbə

⁶ Mə tar tə̂ nəənn, maji karə dəw kâra dda marə nɛ̂n kə̂ maji ang kə ngokɔɛ̂n ang ddəm ula nje-marɛ̂ naan tə̂ ang ddəm. Mba n-pa jarəse ngaâ n-ndɔru mbise nya mbɛɛ̂ mban. Əbbə-dəwje a kinya dəwje tɔyn kə̂ aw ddaje nɛ̂nje kə̂ baann baa ang.

1 Tesalonisinyɛje 4:6 ပူးပေါင်းရင်းမြစ်များ

Marke 10:19

Ə-gərə nduje kə̂ nan: Ə-tɔl dəw ang, ə-dda lo-to-majang ang, ə-bboko ang, ə-pa tar-naji kə̂ to ngəm ang, ərə dəw ə-taa nɛ̂n laa ang, ə-wal bɔije kə kɔinje.»

Luku 12:5

Mâ tɔjuse dəw kə̂ maji karə ə-bbəəleje. Lubba kə̂ bbo tɔl dəw a, ee kə singa ta kilɛ̂ kəm puru tə̂, tɔkɔrɔ m-pa marəse, ne â maji karə ə-bbəəleje.

Luku 16:28

mba ngakɔnʼmje kə̂ dingaw min eeje nunn. Maji karə naw ndəjəde narə n̂-ddeeje lo kəm-to-ndoo tə̂ nəənn tɔ ang.›

Rɔmɛnje 1:18

Wungu ɔn Lubba darâ nu dɔ dəwje tə̂ mba majangje ləde tɔyn kə nɛ̂n-ddaje ləde kə̂ gatə gatə ang kə̂ ore dɔ tar kə̂ tɔkɔrɔ kə nangə̂.

Rɔmɛnje 12:19

«Ngakɔnʼmje kə̂ m-ndikise nya, sese njaa ilaje barə ang, a inyaje arə wungu lə Lubba â dda kula. Mba Əbbəjeje pa Makəturu tə̂ laa nan: Əman â mâ kila barə! Əman â mâ kuka dəw kâra kâra asə kula-ddɛɛ̂.»

Rɔmɛnje 13:4

Mba daw ddaje kula nɔn gɔl Lubba tə̂ ta karə isi nɛ̂n kə majɛ̂. A bbo ə-dda nɛ̂n kə̂ maji ang a, maji karə ə-bbəəl, mba Lubba arəde singa karə n̂-gangəje sariya dɔ dəwje tə̂. A daw gangəje sariya baa njaa baann ang. Daw ddaje kula nɔn gɔl Lubba tə̂ ta tɔju wungu laa dɔ dəwje tə̂ kə̂ ddaje nɛ̂n kə̂ maji ang.

2 Kɔrɛntinyɛje 7:11

Ooje: Nɛ̂nje kə̂ rɔ-katə kə̂ Lubba ndiki tə̂ dda rɔse tə̂ a nəənn: Ə-toje ngɔsi ngɔsi ta dda kula. Ə-toje ngɔsi ngɔsi ta duju karə dɔru tar dɔse tə̂. Bbo ooje nɛ̂n-dda kə̂ maji ang a, aw arəse wungu nya. Bbəəl aw to məse tə̂ nya. Maal təl koom aw ddase nya. Bbo dda kula to məse tə̂ nya. Aw ə-gangəje sariya dɔ dəw tə̂ kə̂ dda majang. Uta tɔyn, ə-tɔjuje to aw ngəmje rɔse ddəw nɛ̂n tə̂ənn le.

Galatəje 5:21

dda bbo nɛ̂n lə dəw, kay koto kə kusa nɛ̂n karə uta dɔɛ̂ kə marə nɛ̂nje kə̂ baann. M-pa marəse kete mban, a m-təl m-pa bbay, dəwje kə̂ aw ddaje nɛ̂nje kə̂ baann le. Bbe-kɔn lə Lubba a to ləde ang.

Epɛjinyɛje 4:17

Mba yeenn bba, nɛ̂n kə̂ m-dujuse nya kə ri Əbbə-dəwje â nəənn: Dəwje kə̂ gərəje Lubba ang le arəje pa-nja ləse to tokə ləde ang. Kəjəje ləde aw aw kə de nɛ̂nje tə̂ kə̂ baa.

Epɛjinyɛje 4:28

Maji karə nje-bboko inya bboko laa, a unn rɔɛ̂ dda kula kə jia mba kinga nɛ̂n kə ddəwe. Baann bba nâ kinga nɛ̂n mba kuman nɛ̂n njê kə̂ nɛ̂n dude.

Epɛjinyɛje 5:6

Aaje kə majɛ̂ arəje dəw ərəse kə tarje kə̂ baa baa ang. Nɛ̂nje kə̂ baann â aw dda arə wungu aw ɔn Lubba dɔ dəwje tə̂ kə̂ aw ddaje dɔ-kətərə saa.

1 Tesalonisinyɛje 2:11

Ə-gərəje to, n-dda nɛ̂n kə se kâra kâra tɔyn tokə bɔ aw dda kə ngannɛ̂.

2 Tesalonisinyɛje 1:8

Nâ ddee dann ndɔn-puru tə̂ kə̂ aw ɔn ta kila barə dɔ dəwje tə̂ kə̂ gərəje Lubba ang ngaâ mbətəje ta dda nɛ̂n kə turu ndu Tar kə̂ Maji lə Əbbə-dəwje Jeju.

Ebərəje 13:4

Maji karə dingawje kə dɛnɛ̂nje tɔyn bbəəlje go taa-naan ləde ngaâ dəwje kə̂ taaje naan ngəmje rɔde arə naan. Mba Lubba a gangə sariya dɔ njê-kayaje tə̂ kə njê-ddaje lo-to-majang ang tə̂.

Ebərəje 2:6

A marə dəw pa makəturu tə̂ lə Lubba nan: «Lubba, dəw to ddi bba aw əjə dɔɛ̂ tə̂ wa? Dəw to ddi bba aw aa lo kə dɔɛ̂ tə̂ wa?

Jakə 2:6

A sese, aw ooje nje-ndoo to dəw ang kəmse tə̂. Njê-nɛ̂n-kingaje â aw ddaje singa kə se ang wa? Dede â daw dawje kə se nɔn gɔl njê-gangəje sariya tə̂ ang wa?

Jakə 5:4

Ooje, ndu-nɔn lə njê-kujaje ko-ndɔɔ ləse kə̂ ukajede ang le aw bbar. Nɔn lə njê-kulaje le bbar mbi Əbbə-dəwje tə̂ kə̂ Nje-singa-mɔngu.