1 Tesalonisinyɛje 4:4 - Dɔnɔn kə̂ Siki: Tar kə̂ aw arə təbbə

⁴ Maji karə dəw kâra kâra gərə ta ngəm rɔɛ̂ karə maji tɔyn ddəm, ula pa-nja laa naan tə̂ ang ddəm.

1 Tesalonisinyɛje 4:4 ပူးပေါင်းရင်းမြစ်များ

Kulaje 9:15

A Əbbə-dəwje pa nan: «Aw, mba dəw le to dəw kə̂ mundɛ̂ dang karə n̂-dda narə dəwje kə̂ toje to Jiipije ang kə tɔkə mbayje ləde kə ngann Ijarayɛlje gərəje rim.

Rɔmɛnje 1:24

Mba yeenn bba, Lubba tusude inyade arə daw ddaje kula yərəw kə̂ məde ndiki. Yeenn bba, dede njaa n̂-ddaje kula yərəw kə da-rɔde njaa horo naan tə̂ arə to nɛ̂n-rɔ-kul.

Rɔmɛnje 12:1

Ngakɔnʼmje, Lubba tɔju maji laa kə̂ n̂-dda kə je. Yeenn bba, m-walse nya karə unnje da-rɔse njaa arəje Lubba tokə nɛ̂n-polo kə̂ to kəm baa, nɛ̂n kə̂ dunda dang ngaâ maji kəm Lubba tə̂. Yeenn â to gusu kə̂ tɔkɔrɔ kə̂ ta polo nɛ̂n Lubba.

Rɔmɛnje 6:19

Munn nɛ̂n-kɔju-marɛ̂ dɔ dəwje tə̂ bba maw pa nɛ̂n tar nəənn, mba ə-gərəje nɛ̂n tɔyn kə majɛ̂ ang bbay. Dɔngɔr, unnje rɔse tɔyn tokə lə bbərəje ə-ddaje nɛ̂n kula yərəw kə nɛ̂n kə ngabula. Nɛ̂njeenn le aw ddaje arə aw mbətəje ta Lubba. Yeenn a, bbasinɛn maji karə unnje rɔse tɔyn to bbərəje ə-ddaje nɛ̂n kula kə̂ gatə gatə bba karə isije to dəwje kə̂ ngəmje rɔde dang mba Lubba.

1 Kɔrɛntinyɛje 6:15

Ə-gərəje to da-rɔse to barkəm-rɔ Kristə ang wa? Mâ kunn barkəm-rɔ Kristə karə təl to barkəm-rɔ dɛnɛ̂n nje-kaya wa? Baann ang!

1 Kɔrɛntinyɛje 7:2

A ta karə dəw ngəm rɔɛ̂ ddəw kaya tə̂, maji karə dingawje kâra kâra tɔyn taaje dɛnɛ̂n ngaâ dɛnɛ̂nje kâra kâra tɔyn taaje ngaw.

1 Kɔrɛntinyɛje 7:9

Bbo dasəje ta tɔ bbo kə̂ da-rɔ tə̂ ang a, maji karə n̂-taaje dɛnɛ̂n wase n̂-taaje ngaw. Yeenn maji uta karə bbo kə̂ da-rɔ tə̂ ɔnde to puru.

2 Kɔrɛntinyɛje 4:7

A nɛ̂n-kinga kə̂ ngəng nəənn le to rɔje tə̂ tokə jo anji, bba karə dəwje gərəje to singa-mɔngu kə̂ garɛ̂ goto nəənn le in rɔ Lubba tə̂ bbo in rɔje tə̂ ang.

Pilipinyɛje 4:8

Ngakɔnʼmje, tar kə̂ mâ kutu nɛ̂n dɔɛ̂ â nəənn: undaje kəjə ləse kə dɔ nɛ̂nje tə̂ kə̂ tɔkɔrɔ, nɛ̂n kə̂ asə karə dəwje ooje to nɛ̂n kə̂ ngəng kəmde tə̂, nɛ̂n kə̂ gatə gatə, nɛ̂n kə̂ to nɛ̂n-yərəw ang, nɛ̂n kə̂ asə karə dəw ndiki, nɛ̂n kə̂ maji kə̂ dəwje asəje ta piti, nɛ̂n tɔyn kə̂ maji, nɛ̂n kə̂ asə ta kɔsu gajɛ̂.

Ebərəje 13:4

Maji karə dingawje kə dɛnɛ̂nje tɔyn bbəəlje go taa-naan ləde ngaâ dəwje kə̂ taaje naan ngəmje rɔde arə naan. Mba Lubba a gangə sariya dɔ njê-kayaje tə̂ kə njê-ddaje lo-to-majang ang tə̂.

1 Piyɛr 3:7

See dingawje, sese kara, maji karə kisi tə̂ ləse kə dɛnɛ̂nje ləse, ə-gərəje to dɛnɛ̂n to tokə ka kə̂ tɔ laa ɔn ang. Maji karə ə-waljede, mba dâ kingaje kə se təbbə kə̂ tɔkɔrɔ kə̂ Lubba a karəse kə mə-maji laa le tɔ. Baann bba karə bbo aw dujuje Lubba a, marə nɛ̂n ɔku ddəwe ang.