1 Tesalonisinyɛje 4:13 - Dɔnɔn kə̂ Siki: Tar kə̂ aw arə təbbə

¹³ Ngakɔnje, n-ndiki ta karə ə-gərəje tar dɔ dəwje tə̂ kə̂ oyje, bba karə uwaje ndoo tokə lə kəsə dəwje ang. Mba dede dundaje məde dɔ marə nɛ̂n tə̂ kâra ang.

1 Tesalonisinyɛje 4:13 ပူးပေါင်းရင်းမြစ်များ

Matiye 27:52

Ta buwa-yoje təəyn ngaâ dəwje kə̂ ooje məde tə̂ kə Lubba bba oyje ndolje.

Tar kə̂ Maji kə̂ Jan dda makəturu tə̂ 11:24

Martə ilɛ̂ tə̂ nan: «M-gərə to ddutu ndɔ a, nâ ndol ndɔ kin tə̂ lə dəwje kə̂ oyje.»

Kulaje 13:36

«Kar tə̂ kə̂ Dabbiti isi nɛ̂n kəm baa le, n̂-dda nɛ̂n tɔyn kə̂ Lubba ndiki ta karə n̂-dda n̂-tunga. Goe tə̂ a, noy, n̂-dubbe mbɔr kɛɛ̂jedede tə̂ ngaâ da-rɔɛ̂ tuju.

Kulaje 7:60

Goe tə̂ a, Etiyɛnn le ungu məkəjə-gɔlɛ̂ nangə̂ ngaâ uru əkii kə taar nan: «Əbbəmje, unda tar majang nəənn dɔde tə̂ ang.» Go tar tə̂ənn njaa a, noy.

Kulaje 8:2

Dəwje kə̂ aw bbəəlje Lubba dubbuje Etiyɛnn ngaâ n̂-nɔɛ̂nje nya.

Rɔmɛnje 1:13

Ngakɔnʼmje, m-ndiki ta karə ə-gərəje to m-gɔl məm tə̂ gɔl banya nya ta kaw rɔse tə̂. A minga ddəw ang ndərəng bbokənɛn. M-ndiki karə kula ləm dda arə ə-sangəje nya bbe ləse, tokə kula ləm kə̂ dda arə kəsə gəl-dəwje sangəje le.

1 Kɔrɛntinyɛje 10:1

Ngakɔnʼmje, m-ndiki kole məse dɔ nɛ̂n tə̂ kə̂ inga kajejedede dɔ ndɔ tə̂ lə Mɔyijə. Dede tɔyn njaa mum ɔru nɔnde ngaâ dede tɔyn n̂-gangəje ba-katə.

1 Kɔrɛntinyɛje 12:1

Ngakɔnʼmje, m-ndiki karə ə-gərəje tar dɔ gusuje tə̂ kə̂ Ndil-mə-nda aw arə dəwje le kə majɛ̂.

1 Kɔrɛntinyɛje 15:6

Goe tə̂ a, n̂-tee ninga njê-mə-kunnje kə̂ kɔrde uta kɔr min naan tə̂ kâra baa. Marɛ̂je nya horode tə̂ isije kəm baa bbay, a marɛ̂je oyje mban.

2 Kɔrɛntinyɛje 1:8

Ngakɔnʼmje, n-ndiki ta karə ə-gərəje tar ndoo kə̂ joo nangə tə̂ kə̂ Aji le. Dula kəmje ndoo tə̂ darə uta singaje arə jəjə to ja nayn kəm baa ang.

Epɛjinyɛje 2:12

Oleje məse to, dɔ ndɔɛ̂ tə̂ənn, ə-gərəje Kristə ang, â kasəje ta ddee to ngann njê-bbeje kə Ijarayɛlje ang. Nɛ̂nje kə̂ Lubba unn ndue ta karə dəwje kə̂ Ijarayɛl ddəw dɔnɔn tə̂ kə̂ nɔsu kə de kara oose ang. Nɛ̂n kə̂ undaje məse dɔɛ tə̂ kâra goto. Eeje kə Lubba dɔ nangə tə̂ nəənn ang.

Epɛjinyɛje 2:3

Ləw, jeje tɔyn njaa jee horo dəwje tə̂ənn le mba jaw nja ddəw bbo kə̂ da-rɔ tə̂: Jaw dda nɛ̂nje ddəw bbo kə̂ da-rɔje tə̂ kə ddəw kəjəje tə̂ ləje kə̂ maji ang. Jeje kara, n-to ddəw kâra baa kə kəsə dəwje kə̂ asə karə wungu lə Lubba to dɔde tə̂.

1 Tesalonisinyɛje 4:14

Bbo jooje məje tə̂ to Jeju oy ngaâ Lubba ndole a, jooje məje tə̂ tɔ to Lubba a ndol dəwje kə̂ ooje məde tə̂ kə Jeju bba oyje, karə disije kə Jeju kâra baa.

1 Tesalonisinyɛje 4:15

Ddəw kâra baa tokə Əbbə-dəwje pa le, nɛ̂n kə̂ n-pa jarəse â nəənn: Jeje kə̂ ja naynje kəm baa ndərəng ndɔ ddee tə̂ lə Əbbə-dəwje, ja kaw kete karə dəwje kə̂ oyje le ang.

1 Tesalonisinyɛje 5:10

Kristə le oy mba tar ləje bba karə, le jisije kəm baa wase joyje njaa kara, jisije kəm baa saa ndɔ tə̂ kə̂ nâ ddee.

1 Tesalonisinyɛje 5:6

Yeenn a, maji karə n-tibbije tokə lə kəsə dəwje ang. Maji karə bbi ɔru kəmje ang ta n-gərəje dɔjije.

2 Piyɛr 3:4

Dâ paje nan: «Jeju kə̂ unn ndue nan na təl ddee le ee dda wa? Mba kajejedede oyje, a ləw baa njaa nɛ̂nje tɔyn naynje kə lo-tode tokə ye kə̂ kunn-kutu nɛ̂nje tə̂ le.»

2 Piyɛr 3:8

A ngakɔnʼmje kə̂ m-ndikise nya, marə nɛ̂n to kə̂ ta karə məse oy ang: Kəm Əbbə-dəwje tə̂, ndɔ kâra to tokə bbal doro kâra, a bbal doro kâra to tokə ndɔ kâra.