1 Tesalonisinyɛje 4:12 - Dɔnɔn kə̂ Siki: Tar kə̂ aw arə təbbə

¹² Baann bba pa-nja ləse a dda karə dəwje kə̂ ooje məde tə̂ ang bbəəlse. Ngaâ â ddeeje to nɛ̂n-koto dɔ dəw tə̂ ang.

1 Tesalonisinyɛje 4:12 ပူးပေါင်းရင်းမြစ်များ

Marke 4:11

Nilade tə̂ nan: «Sese, darə ə-gərəje tar kɔn-mbay lə Lubba kə̂ to tar kə̂ iya rɔɛ̂. A kəsə dəwje, gusu-tar â daw pa nɛ̂n tar darəde.

Rɔmɛnje 12:17

Nɛ̂n kə̂ maji ang kə̂ dəw dda kə se a, ə-ddaje saa tɔ ang. Ə-sangəje ddəw ta dda nɛ̂n kə̂ maji kəm dəwje tə̂ tɔyn.

Rɔmɛnje 13:13

Maji karə pa-nja ləje to gatə gatə tokə dəwje kə̂ aw njaje dann karâ. Jusaje nɛ̂n wase jayje koto jarə uta dɔɛ̂ ang. Maji karə n-ddaje kaya ang ddəm n-ddaje nɛ̂n kə ngabula ang ddəm. Jinyaje kɔl-naan ddəm jundaje mə kə naan ang ddəm.

Epɛjinyɛje 4:28

Maji karə nje-bboko inya bboko laa, a unn rɔɛ̂ dda kula kə jia mba kinga nɛ̂n kə ddəwe. Baann bba nâ kinga nɛ̂n mba kuman nɛ̂n njê kə̂ nɛ̂n dude.

Pilipinyɛje 4:8

Ngakɔnʼmje, tar kə̂ mâ kutu nɛ̂n dɔɛ̂ â nəənn: undaje kəjə ləse kə dɔ nɛ̂nje tə̂ kə̂ tɔkɔrɔ, nɛ̂n kə̂ asə karə dəwje ooje to nɛ̂n kə̂ ngəng kəmde tə̂, nɛ̂n kə̂ gatə gatə, nɛ̂n kə̂ to nɛ̂n-yərəw ang, nɛ̂n kə̂ asə karə dəw ndiki, nɛ̂n kə̂ maji kə̂ dəwje asəje ta piti, nɛ̂n tɔyn kə̂ maji, nɛ̂n kə̂ asə ta kɔsu gajɛ̂.

Kolosinyɛje 4:5

Maji karə ə-njaje horo dəwje tə̂ kə̂ ooje məde tə̂ ang kə kəm-karɛ. Arəje kar kə̂ Lubba inya arəse nday baa ang.

1 Tesalonisinyɛje 5:22

Majangje dang dang tɔyn njaa, maji karə ə-ngəmje rɔse ddəwe tə̂.

1 Timɔte 3:7

Maji karə n̂-to dəw kə̂ dəwje kə̂ toje to njê-mə-kunnje ang paje tar laa maji bba. Baann bba dəwje a nanɛnje saa ang ngaâ nâ koso mə bandə tə̂ lə Əsu ang.

1 Piyɛr 2:12

Arəje pa-nja ləse to kə majɛ̂ horo dəwje tə̂ kə̂ gərəje Lubba ang. Yeenn bba karə, bbo daw dundaje tar dɔse tə̂ baa mba marə nɛ̂n a, dâ kooje kula-ddase kə̂ maji ngaâ dâ kɔsuje nɛ̂n gaji Lubba ndɔ tə̂ kə̂ nâ tee dɔde tə̂.

1 Piyɛr 3:1

See dɛnɛ̂nje, sese kara maji karə ooje ta ngawsese. Yeenn bba karə, bbo marɛ̂je horode tə̂ mbətəje ta koo məde tə̂ kə Lubba kara, pa-nja ləse njaa a dda karə dooje məde tə̂ bbo â paje tar lə Lubba karəde ang ngaa,