1 Tesalonisinyɛje 4:11 - Dɔnɔn kə̂ Siki: Tar kə̂ aw arə təbbə

¹¹ Maji karə ə-sangəje ddəw ta kisi kə mə-wul-lɔm, ta undaje kəmse kə dɔ nɛ̂nje tə̂ ləse njaa, ta ə-ddaje kula kə jise njaa ddəw kâra baa kə ndu kə̂ junn jarəse.

1 Tesalonisinyɛje 4:11 ပူးပေါင်းရင်းမြစ်များ

Marke 13:34

Nɛ̂ɛnn a to tokə dəw kə̂ a ta kaw kə mba tə̂ ngaâ inya nɛ̂nje mə ji njê-kulaje tə̂ laa. Narə dəw kâra kâra kula laa karə dda. Nunn ndu narə nje-ngəm ta-kəy karə tibbi ang.

Kulaje 18:3

A kula laa kə kula lə Pɔl kə̂ aw dda to kâra baa. Kula le to kula dda tande. Yeenn bba, Pɔl le nayn rɔde tə̂ ngaâ daw ddaje kula le.

Kulaje 20:35

Kə ndɔ tɔyn, maw tɔjuse to, to maji ta dda kula tokə baann mba kuman nɛ̂n njê-ndooje, ta kole nɛ̂n məse dɔ tar tə̂ kə̂ Əbbə-dəwje Jeju njaa pa. Tar le nan: ‹Dəw kə̂ nje-karə nɛ̂n, rɔɛ̂ nəəle uta dəw kə̂ nje-taa nɛ̂n le.› »

Rɔmɛnje 12:11

Maji karə bbo kula lə Əbbə-dəwje ddase nya, bbo ə-dabbəje ang, undaje kəjə ləse kula tə̂ le kə mə-kâra.

Rɔmɛnje 15:20

Nɛ̂n kə̂ nəələm to lo kə̂ dəwje gərəje Kristə tə̂ ang bba m-ndiki ta kila mbər Tar kə̂ Maji le tə̂, mba m-ndiki ta kunn ta kula kə̂ dəw kə̂ dang â unda gɔlɛ̂ nangə̂ ang.

1 Kɔrɛntinyɛje 4:12

jaw joo ndoo ddəw kula tə̂ kə̂ jaw dda kə jije njaa. Dəwje tajijeje, a n-bbar tar kə̂ maji dɔde tə̂, n̂-ddaje kə je singa, a n-tɔ wurje,

2 Kɔrɛntinyɛje 5:9

Mba yeenn bba, le n-nayn mə da-rɔ tə̂ nəənn wase n-tee mə tə̂ kə ddang kara, nɛ̂n kə̂ n-ndiki to, karə nooje maji kəmɛ̂ tə̂.

Epɛjinyɛje 4:28

Maji karə nje-bboko inya bboko laa, a unn rɔɛ̂ dda kula kə jia mba kinga nɛ̂n kə ddəwe. Baann bba nâ kinga nɛ̂n mba kuman nɛ̂n njê kə̂ nɛ̂n dude.

1 Timɔte 2:2

Maji karə ə-dujuje Lubba mba tɔkə mbayje kə njê-kɔn-bbeje. Baann bba ja kisije ddekeke, ja kisije kə mə-wul-lɔm, karə pa-nja ləje to kə majɛ̂ ngaâ karə junn rɔje jarə Lubba.

1 Timɔte 5:13

Tɔ bbay, mba dingaje kula ta dda ang le a, n̂-ndoje ta kasə lo kə ta-kəy kəy. Dɔɛ̂ tə̂, n̂-təlje to njê-kundaje bula. Tar kə̂ osode tə̂ ang kara dilaje tade tə̂ baa baa. Tar kə̂ asə ta pa ang kara daw paje.

Titə 3:14

Maji karə kəsə njê-mə-kunnje kara unnje rɔde tɔyn ddaje kulaje kə̂ maji. Yeenn bba bbo marə nɛ̂n du a, dâ kasəje ta karə nɛ̂nje njangə baa kuman nɛ̂n ngaâ dâ toje to dəwje kə̂ kari baa ang.

1 Piyɛr 3:4

A maji karə ə-ddaje mandə ləse məse tə̂. Yeenn to mandə kə̂ a tuju ndɔ kâra ang ngaâ ta arəje kəjə ləse wul pee ddəm to ddekeke ddəm. Yeenn bba to nɛ̂n kə̂ ngəng kəm Lubba tə̂.

1 Piyɛr 4:15

Maji karə marə dəw kâra horose tə̂ oo ndoo mba dəw kə̂ n̂-tɔlɛ̂ ang, mba bboko ang, mba nɛ̂n-dda kə̂ maji ang ang, mba kula tɛɛ̂ tar tə̂ lə dəwje ang.