Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Tesalonisinyɛje 4:1 - Dɔnɔn kə̂ Siki: Tar kə̂ aw arə təbbə

1 Kəsə tar ləje tokə be: Ngakɔnje, n-tɔjuse ddəw kə̂ ta nja nɛ̂n karə nəəl kəm Lubba tə̂. To nɛ̂n kə̂ aw ddaje mban. A n-dujuse ddəm n-ndəjəse ddəm kə ri Əbbəjeje Jeju karə awje nɛ̂n kə kete kete.

အခန်းကိုကြည့်ပါ။ ကော်ပီ




1 Tesalonisinyɛje 4:1
44 ပူးပေါင်းရင်းမြစ်များ  

Barkəm-rɔje tɔyn kə̂ toje rɔm tə̂, a andəje ang, naw tuka kə ddang. A naw gangə dɔ barkəm-rɔje tɔyn kə̂ aw andəje karə dandəje uta ye kə̂ kete bbay.


Mba miyase marə nɛ̂n ang, m-tɔjuse nɛ̂n tɔyn kə̂ Lubba gɔl ta dda.


Dəwje kə̂ aw njaje ddəw bbo kə̂ da-rɔde tə̂ a kasəje ta nəəl kəm Lubba tə̂ ang.


Nɛ̂n kə̂ moo ta Əbbəmje tə̂ ngaâ m-tɔjuse â nəənn: Əbbə-dəwje Jeju unn mapa tile tə̂ kə̂ n̂-labbɛ̂ nɛ̂n le,


Ngakɔnʼmje, m-ndiki ta kole məse dɔ Tar tə̂ kə̂ Maji kə̂ mila mbəre marəse ngaâ ə-taaje, aw uwaje arə ngəng le.


Yeenn a, ngakɔnʼmje kə̂ m-ndikise nya, uwaje arə ngəng, arəje nɛ̂n yəkəse ang. Ə-ddaje arə kula lə Əbbə-dəwje aw kə kete kete bbo inyaje ddəwe ang, mba ə-gərəje kə majɛ̂ to kula kə̂ aw ddaje ddəw mə-kâra tə̂ kə Əbbə-dəwje a to baa ang.


Əman Pɔl, maw dujuse marə nɛ̂n kə ri Kristə kə̂ wul pee ddəm to nje-mə-maji ddəm. Aw paje nan, bbo misi horose tə̂ a m-wul, â bbo misi ddəw əw kə se a, maw nya dɔse tə̂ nya.


Ta kutu nɛ̂n dɔɛ̂ a, ngakɔnʼmje, maji karə isije kə rɔ-nəəl. Ə-sangəje ddəw ta ddee maji tɔyn. Ə-ndəjəje naan bba karə rɔse oy njururu ang, ooje ta naan, isije kə mə-wul-lɔm. A Lubba kə̂ nje-ndiki dəwje ddəm nje-karə mə-wul-lɔm ddəm a nayn kə se.


Mba yeenn bba, le n-nayn mə da-rɔ tə̂ nəənn wase n-tee mə tə̂ kə ddang kara, nɛ̂n kə̂ n-ndiki to, karə nooje maji kəmɛ̂ tə̂.


Jaw dda kula kə Lubba le. Mba yeenn bba n-walse nya karə mə-maji kə̂ Lubba dda kə se le to baa ang.


Ngakɔnʼmje, sese kə̂ Ndil-mə-nda aw tɔjuse ddəw le bbo ingaje marə dəw dɔ majang tə̂ a, maji karə ə-təlje saa ddəw tə̂ kə̂ maji kə ndu kə̂ wul pee. A aa rɔi kə majɛ̂ mba əi kara, nɛ̂n a kasə ta nain tɔ.


Yeenn bba, əman kə̂ dilam kəy-kula tə̂ mba Əbbə-dəwje, m-dujuse nya karə pa-nja ləse to pa-nja lə dəwje kə̂ Lubba bbarde njaa.


A sese, nɛ̂nje kə̂ n̂-tɔjuse dɔ Kristə tə̂ toje tokə baann ang.


Yeenn a, maji karə isije to mbəje ang. A maji karə ə-sangəje ta gərə nɛ̂n kə̂ mə Əbbəjeje ndiki karə ə-ddaje.


A maji karə pa-nja ləse dda mə-kâra kə Tar kə̂ Maji lə Kristə le. Baann bba karə bbo m-ddee ta koose wase mee horose tə̂ ang njaa kara, moo tamse. Maji karə dəwje paje arəm nan aw uwaje arəje ngəng ddəw kəjə tə̂ kə kâra baa. Ngaâ məse to kâra baa bba aw ddaje nɛ̂n ddɔ tokə dəwje kə̂ kâra baa, mba mə-kunn kə̂ ddee ddəw Tar tə̂ kə̂ Maji le.


Maw duju Lubba karə n̂-dda narə ndiki ləse aw kə kete kete, narə ə-gərəje nɛ̂n kə̂ gatə gatə ngaâ karə narə kəmse ɔru.


Yeenn bba, maw mayn ngɔru ta tee kɔnyɛ̂ tə̂, mba kinga kuka kə̂ Lubba bbarje karə jinga darâ ddəw tə̂ lə Jeju-Kristə.


Yeenn bba pa-nja ləse a to tokə ye kə̂ Əbbə-dəwje ndiki ngaâ â ddaje nɛ̂n kə̂ nəəle kə ndɔ tɔyn. Â ddaje kulaje kə̂ maji dang dang ngaâ â gərəje Lubba kə kete kete.


Ə-taaje Jeju-Kristə to Əbbəsese mban. Yeenn a, maji karə ə-naynje ddəw mə-kâra tə̂ kə̂ ə-ddaje saa le.


Maji karə Əbbə-dəwje dda arə ndiki kə̂ aw ndikije naan kə ndiki kə̂ aw ndikije nɛ̂n dəwje tɔyn aw kə kete kete, tokə ndiki kə̂ jaw ndikise le tɔ.


Mba ə-gərəje nduje kə̂ Əbbə-dəwje Jeju arə n-pa jarəse mban.


Ngakɔnje, n-dujuse bbay karə ə-bbəəlje dəwje kə̂ aw ddaje kula horose tə̂, dede kə̂ Əbbə-dəwje undade karə n̂-tɔjuse ddəw, karə n̂-ndəjəse le.


Ngakɔnje, to tar ləje ta karə wooyo Lubba kə kar tɔyn mbase. To nɛ̂n kə to kə dɔgɔlɛ̂ njaa. Mba mə-kunn ləse aw bo kə kete kete ngaâ aw ndikije naan kə kete kete.


Ngakɔnje, tar kə̂ ɔju dɔ ddee lə Əbbəjeje Jeju-Kristə kə tar mbɔn-naan ləje rɔɛ̂ tə̂ le, nɛ̂n kə̂ jaw dujuse â nəənn:


Ngakɔnje, ta kutu nɛ̂n dɔɛ̂ a, maji karə ə-dujuje Lubba mbaje bba karə tar lə Əbbə-dəwje taa lo njangə baa ngaâ karə dəwje pitije tar le tokə dəwje aw pitije bbeê ləse le.


A see ngakɔnje, maji karə ə-ddaje maji kə dəwje bbo arəje rɔse nyase ddəwe tə̂ ang.


M-duji nya kəm Lubba tə̂ kə kəm Jeju-Kristə tə̂ kə kəm anjəje tə̂ kə̂ n̂-mbərəde, karə ə-dda nɛ̂n kə turu nduje kə̂ mari. Ɔru kəm dəw ang, ə-dda kə dəwje tɔyn ddəw kâra baa.


Maw duji kəm Lubba tə̂ kə kəm Jeju-Kristə tə̂ kə̂ a gangə sariya dɔ dəwje tə̂ kə̂ isije kəm baa ddəm dəwje tə̂ kə̂ oyje ddəm, maw duji kə ri Kristə kə̂ a təl ddee kɔn-mbay,


Bbo dəw unn məɛ̂ ang a, ddəw kə̂ nâ nəəl nɛ̂n kəm Lubba tə̂ goto. Maji karə dəw kə̂ aw ddee ngɔsi kə Lubba gərə to Lubba to ngaâ naw nuka dəwje kə̂ aw sangɛ̂je.


Maji karə məse oy ta dda maji kə naan ang ddəm ta kɔsu naan ngar ang ddəm. Mba nɛ̂n-poloje kə̂ baann â nəəl kəm Lubba tə̂.


Ngakɔnʼmje, m-dujuse karə ə-tɔje wurse ooje nɛ̂n ndəjəje nəənn. Mba makəturu kə̂ mula nɛ̂n marəse nəənn ngal ang.


A maji karə ə-sangəje kə kete kete ddəw mə-maji tə̂ lə Əbbəjeje kə̂ Nje-kajije Jeju-Kristə ddəm ddəw gərə tə̂ kə̂ ə-gəreje ddəm. Maji karə piti to laa, bbasinɛn nəənn nyɔm kə ləw. Amɛnn!


Nɛ̂n tɔyn kə̂ n-dujuje a, ja kingaje jia tə̂, mba jaw ngəmje ndu laa ngaâ jaw ddaje nɛ̂n kə̂ məɛ̂ ndiki.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ