1 Tesalonisinyɛje 3:6 - Dɔnɔn kə̂ Siki: Tar kə̂ aw arə təbbə

⁶ A bbasinɛn Timɔte le in rɔse tə̂ təl ngaa. N̂-pa tar kə̂ maji dɔ mə-kunn tə̂ ləse kə dɔ ndiki tə̂ kə̂ to məse tə̂ narəje. N̂-pa narəje nan aw əjəjeje dɔje tə̂ kə ndɔ tɔyn ngaâ maal kooje aw ddase tokə jeje kara maal təl koose aw ddaje le tɔ.

1 Tesalonisinyɛje 3:6 ပူးပေါင်းရင်းမြစ်များ

Kulaje 16:1

Pɔl tee Dɛrbə kə Listərə. Marə nje-nja go Jeju tə̂ kə̂ ria nan Timɔte ee mə bbe tə̂ənn le. Kɔɛ̂nje to Jiipi ngaâ to nje-mə-kunn, a bɔɛ̂je to Gɛrɛkə.

Kulaje 18:1

Go nɛ̂nje tə̂ənn le a, Pɔl ɔtu Atɛnn aw Kɔrɛntə.

Kulaje 18:5

Silas de kə Timɔte dinje Maseduwann n̂-teeje a, Pɔl unn rɔɛ̂ tɔyn mba tɔju tar lə Lubba. N̂-pa narə Jiipije nan Jeju le njaa to Mesi.

1 Kɔrɛntinyɛje 11:2

Mɔsu gajise mba aw oleje məse dɔm tə̂ kə ndɔ tɔyn ddəm aw ngəmje nɛ̂nje kə̂ m-tɔjuse kə ddəwe ddəm.

1 Kɔrɛntinyɛje 13:13

Bbasinɛn nɛ̂nje kə̂ mota nəənn naynje bbay: mə-kunn, kunda-mə dɔ nɛ̂n tə̂ kə ndiki. A horo nɛ̂nje tə̂ kə̂ mota nəənn, ndiki â utade tɔyn.

Galatəje 5:6

Mba dəw kə̂ to lə Jeju-Kristə a, kuja ganja wase kuja ganja ang dda marə nɛ̂n kâra ang. Tɔkə nɛ̂n â to mə-kunn kə̂ aw dda bba dəw aw ndiki nje-marɛ̂.

Pilipinyɛje 1:8

Tɔkɔrɔ Lubba kara gərə ndiki kə̂ m-dikise nya tokə Jeju-Kristə ndikise nya le tɔ.

Kolosinyɛje 1:4

Joo tar məse kə̂ unnje arəje Jeju-Kristə kə tar ndiki kə̂ aw ndikije dəwje lə Lubba tɔyn le.

Kolosinyɛje 4:18

M-ddase lapiya, əman Pɔl njaa muja lapiya nəənn makəturu tə̂ kə jim. Maji karə oleje məse to m-nayn kəy-kula tə̂ bbay. Mə-maji lə Lubba nayn kə se.

1 Tesalonisinyɛje 1:3

Kəm Lubba tə̂ kə̂ to Bɔjeje, jaw jole məje dɔ kulaje tə̂ kə̂ aw ddaje ddəw mə-kunn tə̂ ləse kə dɔ ndiki tə̂ ləse kə̂ aw dda kula. Jole məje dɔ məse tə̂ kə̂ aw undaje dɔ Əbbəjeje Jeju-Kristə tə̂ arəje ngəng le tɔ.

1 Tesalonisinyɛje 2:17

Ngakɔnje, jinya naan mba gɔju kar. Ja kooje naan ang, a məje tə̂ jinyase ang. A n-dda singa nya tɔ ta təl koose, mba maal təl koose ddaje nya.

1 Tesalonisinyɛje 2:9

Ngakɔnje, oleje məse dɔ kulaje tə̂ ləje kə dɔ ndoo tə̂ kə̂ joo. Til kə kar, n-dda kula bba ta ddee to nɛ̂n-koto dɔ dəw tə̂ kâra horose tə̂ ang. Baann â jila nɛ̂n mbər Tar kə̂ Maji lə Lubba jarəse.

1 Tesalonisinyɛje 3:7

Yeenn bba ngakɔnjeje, mə nɛ̂n-singaje tə̂ tɔyn kə mə nɛ̂n kəm-to-ndooje tə̂ tɔyn kə̂ aw ingajeje, jaw jubba singa mba mə-kunn ləse.

2 Tesalonisinyɛje 1:3

Ngakɔnje, to tar ləje ta karə wooyo Lubba kə kar tɔyn mbase. To nɛ̂n kə to kə dɔgɔlɛ̂ njaa. Mba mə-kunn ləse aw bo kə kete kete ngaâ aw ndikije naan kə kete kete.

1 Timɔte 1:5

Nɛ̂n kə̂ maw sangə ddəw ndu tə̂ kə̂ munn nəənn to karə ə-ndikije naan kə mə kə̂ nda, karə eeje kə kəjə kə̂ maji, karə ooje məse tə̂ tɔkɔrɔ kə Lubba.

2 Timɔte 1:3

Marə wooyo nya Lubba kə̂ maw pole kə kəjə kə̂ maji tɔyn go kamjedede tə̂. Kar tɔyn kə̂ maw duju Lubba, maw pa saa tar mbai til kə kar.

Pilemɔn 1:5

Mba maw moo tam ndiki kə̂ aw ndiki njê-mə-kunnje ddəm məi kə̂ unn arə Əbbə-dəwje Jeju ngaâ ə-nayn ddəwe tə̂ le ddəm.

Ebərəje 13:3

Maji karə əjəje dɔ dəwje tə̂ kə̂ toje kəy-kula tə̂ tokə nɛ̂n kə̂ sese njaa â ə-toje kəy-kula tə̂ le kə de tɔ. Maji karə əjəje dɔ dəwje tə̂ kə̂ daw ddade maji ang tokə nɛ̂n kə̂ sese njaa â daw ddase maji ang tɔ.

Ebərəje 13:7

Maji karə oleje məse dɔ dəwje tə̂ kə̂ tɔjujese ddəw ləw ngaâ ndajije tar lə Lubba kə̂ pa dɔ Jeju tə̂ arəse le. Əjəje dɔ kisi tə̂ ləde ndərəng koy tə̂ ləde, ta ə-ndajije mə-kunn ləde.

1 Jan 3:23

A ndu laa kə̂ narəje tokə be: Maji karə jooje məje tə̂ kə ri Ngonnɛ̂ Jeju-Kristə ngaâ n-ndikije naan horo naan tə̂ ddəw kâra baa kə ndu kə Kristə unn arəje le.