1 Tesalonisinyɛje 3:12 - Dɔnɔn kə̂ Siki: Tar kə̂ aw arə təbbə

¹² Maji karə Əbbə-dəwje dda arə ndiki kə̂ aw ndikije naan kə ndiki kə̂ aw ndikije nɛ̂n dəwje tɔyn aw kə kete kete, tokə ndiki kə̂ jaw ndikise le tɔ.

1 Tesalonisinyɛje 3:12 ပူးပေါင်းရင်းမြစ်များ

Matiye 22:39

Ndu kə̂ to joo laa kə̂ ngəng uta marɛ̂je â nəənn: «Maji karə ə-ndiki nje-mari tokə dâ rɔi njaa.»

Matiye 7:12

«Nɛ̂n tɔyn kə̂ ə-ndikije karə dəwje ddaje kə se a, maji karə ə-ddaje kə de tɔ. Yeenn â to nɛ̂n kə̂ Ndu lə Mɔyijə kə makəturuje lə njê-kilaje mbər tar lə Lubba ndikije karə dəwje ddaje.»

Luku 17:5

Njê-kaw-kulaje paje arə Əbbə-dəwje nan: «Ə-dda mə-kunn ləje arə bo.»

Rɔmɛnje 13:8

Arəje bbangə lə dəw to dɔse tə̂ ang. Maji karə ndiki kə̂ ta ndiki naan â to dɔse tə̂ to bbangə. Bbo dəw ndiki njê-marɛ̂je a, n̂-to dəw kə̂ dda nɛ̂n kə turu Ndu tɔyn mban.

2 Kɔrɛntinyɛje 9:10

Lubba kə̂ to nje-karə kandə-ko nje-nɛ̂n-dubbu ngaâ aw arɛ̂ nɛ̂n-kusa tɛɛ̂ le, a karəse kandə-ko tɔ. Nâ dda karə kandə-ko le banya ngaâ nâ dda karə nɛ̂n-dda ləse kə̂ gatə gatə banya.

Galatəje 5:22

A nɛ̂nje kə̂ Ndil-mə-nda aw ddee nɛ̂n to: Ndiki naan, rɔ-nəəl, mə-wul-lɔm, tɔ-wur, mə-maji, dda maji kə dəwje, mə-kunn,

Galatəje 5:6

Mba dəw kə̂ to lə Jeju-Kristə a, kuja ganja wase kuja ganja ang dda marə nɛ̂n kâra ang. Tɔkə nɛ̂n â to mə-kunn kə̂ aw dda bba dəw aw ndiki nje-marɛ̂.

Pilipinyɛje 1:9

Maw duju Lubba karə n̂-dda narə ndiki ləse aw kə kete kete, narə ə-gərəje nɛ̂n kə̂ gatə gatə ngaâ karə narə kəmse ɔru.

1 Tesalonisinyɛje 2:8

N-ndikise nya, n-to ngɔsi ta pa Tar kə̂ Maji lə Lubba karəse ddəm ta karə təbbə ləje njaa mbase ddəm. Mba ə-ddeeje to dəwje kə̂ n-ndikise nya.

1 Tesalonisinyɛje 4:1

Kəsə tar ləje tokə be: Ngakɔnje, n-tɔjuse ddəw kə̂ ta nja nɛ̂n karə nəəl kəm Lubba tə̂. To nɛ̂n kə̂ aw ddaje mban. A n-dujuse ddəm n-ndəjəse ddəm kə ri Əbbəjeje Jeju karə awje nɛ̂n kə kete kete.

1 Tesalonisinyɛje 5:15

Aaje kə majɛ̂ arə dəw kâra ila barə majang kə̂ dəw dda saa ang. A, maji karə ə-sangəje ddəw ta dda maji horose tə̂ ddəm ta dda maji kə dəwje tɔyn ddəm.

2 Tesalonisinyɛje 1:3

Ngakɔnje, to tar ləje ta karə wooyo Lubba kə kar tɔyn mbase. To nɛ̂n kə to kə dɔgɔlɛ̂ njaa. Mba mə-kunn ləse aw bo kə kete kete ngaâ aw ndikije naan kə kete kete.

Jakə 1:17

Nɛ̂nje tɔyn kə̂ maji kə̂ dəw inga baa, nɛ̂n-karə-baa kə̂ maji tɔyn inje darâ ji Lubba tə̂. Ne kə̂ n̂-dda nɛ̂nje tɔyn kə̂ aw ndokoje mə dara tə̂. Ne kə̂ n̂-turu ndɔ kâra ang ddəm n̂-tuka ndil ang ddəm mba n̂-yəkə ang.

2 Piyɛr 1:7

ngəm-rɔ mba Lubba le, ilaje ndiki naan tokə ngakɔn-naan njaa dɔɛ̂ tə̂. Ndiki naan tokə ngakɔn-naan le, ilaje ndiki dəwje tɔyn dɔɛ̂ tə̂.

2 Piyɛr 3:18

A maji karə ə-sangəje kə kete kete ddəw mə-maji tə̂ lə Əbbəjeje kə̂ Nje-kajije Jeju-Kristə ddəm ddəw gərə tə̂ kə̂ ə-gəreje ddəm. Maji karə piti to laa, bbasinɛn nəənn nyɔm kə ləw. Amɛnn!