1 Tesalonisinyɛje 3:10 - Dɔnɔn kə̂ Siki: Tar kə̂ aw arə təbbə

¹⁰ Til kə kar, jaw duju Lubba nya karə ɔru ddəw arə jaw joose, bba karə ingaje nɛ̂n kə̂ du mə-kunn tə̂ ləse.

1 Tesalonisinyɛje 3:10 ပူးပေါင်းရင်းမြစ်များ

Luku 2:37

N̂-tɔ wure nisi to dɛnɛ̂n-ndubba ndərəng bbal kuje asə dɔjijoo gire sɔ. Ninya kəy-polo Lubba ndɔ kâra ang, naw dda kula lə Lubba til kə kar ddəw kɔku rɔɛ̂ nɛ̂n-kusa tə̂ kə duju Lubba tə̂.

Kulaje 26:7

Gəl-dəwje ləje kə̂ dɔku gire joo undaje məde to nɛ̂n kə̂ Lubba unn ndue ta dda a ddee to nɛ̂n kə̂ tɔkɔrɔ. Yeenn bba daw poloje Lubba til kə kar, a singade ɔru ang. Tɔkə mbay, əman kara munda məm dɔ nɛ̂n tə̂ənn le tɔ. Mba yeenn bba Jiipije undaje nɛ̂n tar dɔm tə̂.

2 Kɔrɛntinyɛje 1:15

M-gərə to nɛ̂ɛnn a to tokə baann njaa. Ngaâ m-ndiki ta kaw rɔse tə̂ kete, karə tar kə̂ maji to dɔse tə̂ to gɔl joo laa.

2 Kɔrɛntinyɛje 1:24

To kɔn bba jaw jɔn dɔse ddəw mə-kunn tə̂ ləse ang. Uwaje mə-kunn ləse arəje ngəng mban. Yeenn bba n-ndiki ta karə jeje ddəm sese ddəm n-ddaje kula kə naan jarə rɔse nəəlse.

2 Kɔrɛntinyɛje 13:11

Ta kutu nɛ̂n dɔɛ̂ a, ngakɔnʼmje, maji karə isije kə rɔ-nəəl. Ə-sangəje ddəw ta ddee maji tɔyn. Ə-ndəjəje naan bba karə rɔse oy njururu ang, ooje ta naan, isije kə mə-wul-lɔm. A Lubba kə̂ nje-ndiki dəwje ddəm nje-karə mə-wul-lɔm ddəm a nayn kə se.

2 Kɔrɛntinyɛje 13:9

Kar tɔyn kə̂ jeje jee kə singa ang, â bbo sese eeje nɛ̂n a, rɔje nəəlje. Nɛ̂n kə̂ jaw duju Lubba to, karə ə-ddeeje to dəwje kə̂ maji tɔyn.

Pilipinyɛje 1:25

A m-gərə maji to mâ nayn kəm baa ta kisi mbɔrse tə̂ tɔyn mba kumanse karə kula le nja kə kete ddəm mba karə ingaje rɔ-nəəl ddəw mə-kunn tə̂ le ddəm.

Kolosinyɛje 1:28

Kristə le â jaw jila mbər laa. Jaw jarə ndəjə dəwje tɔyn ngaâ jaw tɔjude nɛ̂n dəwje tɔyn ddəw kəm-karɛ tə̂ dang dang, karə dəwje tɔyn sangəje ddəw tə̂ lə Kristə.

Kolosinyɛje 4:12

Epaparas kə̂ to dəw kə̂ bbeê ləse ddase lapiya. Ne kə̂ n̂-to bbərə-kula lə Jeju-Kristə le naw dda ddɔ mba tar ləse kə ndɔ tɔyn, ddəw duju Lubba tə̂ bba karə uwaje arəje ngəng, karə ə-ddeeje maji tɔyn, bba karə unnje rɔse tɔyn ta dda nɛ̂n tɔyn kə̂ mə Lubba ndiki.

1 Tesalonisinyɛje 3:11

Maji karə Bɔjeje Lubba njaa kə Əbbəjeje Jeju, dɔruje ddəw darə jaw tee rɔse tə̂!

2 Tesalonisinyɛje 1:11

Mba yeenn bba, jaw duju Lubba kə ndɔ tɔyn mba tar ləse, karə narə pa-nja ləse to lə dəwje kə̂ ne njaa n̂-bbarde. Jaw duju karə ddəw singa-mɔngu tə̂ laa, narəse singa karə ə-ddaje nɛ̂nje tɔyn kə̂ maji kə̂ ə-ndikije ta dda ngaâ karə ə-ddaje kulaje ddəw mə-kunn tə̂ ləse.

2 Timɔte 1:3

Marə wooyo nya Lubba kə̂ maw pole kə kəjə kə̂ maji tɔyn go kamjedede tə̂. Kar tɔyn kə̂ maw duju Lubba, maw pa saa tar mbai til kə kar.

Pilemɔn 1:22

Maji karə ə-gɔl lo-to arəm tɔ, mba munda məm to, ddəw duju tə̂ kə̂ aw dujuje Lubba le mbɔr ang a, nâ təl səm rɔse tə̂.

Apokalisi 4:8

Bakə nɛ̂nje kə̂ sɔ kə̂ toje kəm baa le eeje misan misan. Kəmde to dɔ bakədeje tə̂ le ddəm kɔ bakədeje tə̂ le ddəm. Daw dɔsuje pa til kə kar, n̂-paje nan: «Əbbə-dəwje Lubba kə̂ Nje-singa-mɔngu maji tɔyn, maji tɔyn, maji tɔyn. Ne kə̂ n̂-to ləw, n̂-to bbasinɛn nəənn, kə̂ naw ddee.»

Apokalisi 7:15

Mba yeenn bba, darje nɔn ngende-mbay tə̂ lə Lubba daw poleje til kə kar mə kəy tə̂ kə̂ daw pole tə̂. Ne kə̂ nisi ngende-mbay tə̂ le, nâ ngəmde.