1 Tesalonisinyɛje 2:13 - Dɔnɔn kə̂ Siki: Tar kə̂ aw arə təbbə

¹³ Jaw jarə wooyo Lubba kə ndɔ tɔyn mba kar kə̂ jila mbər tar lə Lubba jarəse le, ooje ngaâ ə-taaje to tar lə Lubba njaa, bbo to tar lə dəwje ang. Tar le aw dda kula məse tə̂, see njê-mə-kunnje.

1 Tesalonisinyɛje 2:13 ပူးပေါင်းရင်းမြစ်များ

Matiye 10:20

Mba, sese njaa â paje tar le ang, Ndil lə Bɔsese â a kunda tar le tase tə̂ karə ə-paje.

Matiye 10:40

«Bbo dəw taase kə rɔɛ̂ tə̂ a, əman njaa n̂-taam. A dəw kə̂ taam kə rɔɛ̂ tə̂ a, taa dəw kə̂ ulam tɔ.

Luku 11:28

A Jeju ilɛ̂ tə̂ nan: «Uta tɔyn, maji arə dede kə̂ dooje tar lə Lubba a, ngəmje.»

Luku 5:1

Marə ndɔ Jeju ar mbɔr dangə maann tə̂ kə̂ Jenejarɛtə. Dəwje kə̂ banya gukuje dɔɛ̂ ngaâ daw dubbaje naan mba koo tar lə Lubba kə̂ naw pa.

Luku 8:11

Gusu-tar nəənn le, gəle tokə be: «Kandə-ko le to tar lə Lubba.

Luku 8:21

A nilade tə̂ nan: «Kɔnʼmje kə ngakɔnʼmje â toje to nje kə̂ ooje tar lə Lubba, a ddaje nɛ̂n kula.»

Tar kə̂ Maji kə̂ Jan dda makəturu tə̂ 15:3

Nɛ̂nje kə̂ m-tɔjuse ddaje arə ə-ddeeje maji tɔyn mban.

Tar kə̂ Maji kə̂ Jan dda makəturu tə̂ 17:17

Maji karə ə-dda arə n̂-ddeeje maji tɔyn ddəw tar tə̂ kə̂ tɔkɔrɔ: Tar ləi to tar kə̂ tɔkɔrɔ.

Tar kə̂ Maji kə̂ Jan dda makəturu tə̂ 17:19

Ngaâ, m-ngəm rɔm dang mbade, bba karə dede kara n̂-ngəmje rɔde dang ddəw tar tə̂ kə̂ tɔkɔrɔ.

Kulaje 10:33

Kar tə̂ənn njaa mula mari, a ə-ndiki tə̂ â ə-ddee nəənn. Bbasinɛn, jeje tɔyn jee nɔn Lubba tə̂ ta koo tar kə̂ Əbbə-dəwje unda tai tə̂ karə ə-pa arəje.»

Kulaje 13:48

Dəwje kə̂ toje to Jiipije ang ooje tar le a, rɔde nəəlde nya ngaâ dɔsuje gaji tar lə Əbbə-dəwje. Dəwje kə̂ Lubba mbərəde tokə kete karə dinga təbbə kə̂ to kə ndɔ kə ndɔ ddeeje to njê-mə-kunnje.

Kulaje 16:14

Marə dɛnɛ̂n le kâra to dəw kə̂ Tiyatir, ria nan Lidi. N̂-to nje-labbə kubbu kə̂ kasɛ kə̂ narɛ̂ ngəng ngaâ naw polo Lubba. Noo tarje kə̂ jaw pa ngaâ Əbbə-dəwje unda məɛ̂ arə n̂-tuka mbia noo nɛ̂n tarje kə̂ Pɔl aw pa le.

Kulaje 17:11

Kəjə lə Jiipije kə̂ Bərə maji uta kəjə lə njê kə̂ Tesalonikə arə n̂-taaje tar le kə ngɔru baa. Ndɔ kâra kâra daw disaje makəturu lə Lubba ta gərə se tar kə̂ Pɔl aw pa le to kə dɔgɔlɛ̂ njaa wa?

Kulaje 17:32

Dooje tar ndol lə dəwje kə̂ oyje kə̂ Pɔl pa le a, marɛ̂je kokoje nɛ̂n. A marɛ̂je paje nan: «Marə ndɔ bba ja təl koo tar ləi dɔ tar tə̂ nəənn bbay.»

Kulaje 2:41

Dəwje kə̂ ndikije tar tə̂ laa le ingaje batɛm. Ndɔɛ̂ tə̂ənn kɔr dəwje asə nɛ̂n kə̂ doro mota ddeeje unguje dɔ kɔr njê-mə-kunnje tə̂ kə̂ kete.

Kulaje 8:14

Njê-kaw-kulaje kə̂ Jerujalɛm tə̂ ooje nan dəwje kə̂ Samari taaje tar lə Lubba. Yeenn bba dulaje Piyɛr kə Jan darəde.

Rɔmɛnje 10:17

Yeenn a, mə-kunn ddee ddəw tar tə̂ kə̂ dəw aw oo, tar le to tar lə Kristə.

2 Kɔrɛntinyɛje 3:18

Jeje tɔyn kə̂ marə nɛ̂n ɔnn kəmje ang, ndoko lə Əbbə-dəwje aw təəl rɔje tə̂ tokə lə nɛ̂n-koo-rɔ. N̂-turuje narə n-to tokə laa, jaw ndoko kə kete kete tokə lə Əbbə-dəwje kə̂ to Ndil.

Galatəje 4:14

Rɔm kə̂ tom le asə karə dəw oom ang. A ə-yabbəmje ang ddəm ə-sangəmje ang ddəm. Ə-taamje kə rɔse tə̂ tokə m-to marə anjə lə Lubba, tokə m-to Jeju-Kristə le njaa.

Kolosinyɛje 1:6

Tar kə̂ Maji nəənn le aw andə kandə aw nɛ̂n kə kete kete dɔ nangə tə̂ tɔyn. Kar kə̂ Tar le tee bbeê ləse le to tokə baann tɔ, unn kute ndɔ tə̂ kə̂ ooje nɛ̂n tar mə-maji kə̂ tɔkɔrɔ kə̂ Lubba dda kə se le.

Ebərəje 4:12

Mba tar kə̂ tee ta Lubba tə̂ to kəm baa ngaâ ee kə singa. Tar le aw dda kula uta tɔkə kiya kə̂ tɛɛ̂ to ər joo kəm. Ddəw kâra baa tokə tɔkə kiya kə̂ tɛɛ̂ to ər joo kəm aw kayn horo mənrə-rɔje kə ubbuje kə̂ mə singa tə̂ le, tar lə Lubba aw andə dəw ndərəng bbəngəre tə̂. Tar le aw tee kə nɛ̂nje kə̂ dəw aw dda bboe məɛ̂ tə̂ ddəm aw əjə ddəm.

Ebərəje 4:2

Mba ndu Lubba kə̂ unn ngaâ dila mbəre darə kajejedede le dila mbəre darəje tɔ. A Tar kə̂ Maji nəənn kə̂ dooje le dda marə nɛ̂n kâra rɔde tə̂ ang, mba dəwje kə̂ ooje tar le ooje nɛ̂n məde tə̂ ang ddəm.

Jakə 1:18

Nujuje tokə siki kə mə-ndiki laa, ddəw tar tə̂ kə̂ tɔkɔrɔ, bba karə n-toje to dəwje kə̂ Lubba undade kete nɔn nɛ̂nje tə̂ tɔyn kə̂ n̂-dda.

1 Piyɛr 1:23

Sese le dujuse tokə siki, ddəw tar tə̂ lə Lubba kə̂ a nayn kəm baa kə ndɔ kə ndɔ. Tar le to tokə kandə-ko kə̂ a tuju ndɔ kâra ang. A nayn nyɔm kə ləw.

1 Piyɛr 1:25

a tar lə Əbbə-dəwje to kə ndɔ kə ndɔ.» Tar le to Tar kə̂ Maji kə̂ dila mbəre darəse le.

1 Piyɛr 2:2

Maji karə ə-ddaje bbo tar lə Lubba tokə ngann əngutayje aw ddaje bbo kay mba kə̂ n̂-pole məɛ̂ ang. Yeenn bba â sangəje ddəwe tə̂ mba kinga nɛ̂n kaji,

2 Piyɛr 3:2

Maji karə oleje məse dɔ tarje tə̂ lə njê-kilaje mbər tar lə Lubba kə̂ unnje rɔde tɔyn arɛ̂je, oleje məse dɔ ndu tə̂ kə̂ Əbbə-dəwje kə̂ to Nje-kaji-dəwje unn ngaâ njê-kaw-kulaje pa arəse le.

1 Jan 3:3

Dəw kə̂ unda məɛ̂ dɔ Kristə tə̂, toko nɛ̂n-yərəw laa kə ddang tokə Kristə kə̂ nɛ̂n-yərəw kâra ɔrɛ̂ ang le.