1 Tesalonisinyɛje 2:12 - Dɔnɔn kə̂ Siki: Tar kə̂ aw arə təbbə

¹² N-ndəjəse, n-dda jarə ubbaje singa ngaâ n-dujuse nya karə pa-nja ləse to tokə ye kə̂ Lubba ndiki, ne kə̂ n̂-bbarse karə andəje mə Bbe-kɔn tə̂ laa, karə ingaje Piti laa saa.

1 Tesalonisinyɛje 2:12 ပူးပေါင်းရင်းမြစ်များ

Rɔmɛnje 8:28

N-gərəje to nɛ̂nje tɔyn aw mbɔnje naan ta dda maji kə dəwje kə̂ ndikije Lubba, dede kə̂ Lubba bbarde ddəw nɛ̂n tə̂ kə̂ n̂-gɔl tokə kete.

Rɔmɛnje 8:30

Njê kə̂ Lubba undade dang tokə kete le n̂-bbarde tɔ. Njê kə̂ n̂-bbarde le narə n̂-ddeeje gatə gatə kəmɛ̂ tə̂. Njê kə̂ narə ddeeje gatə gatə kəmɛ̂ tə̂ le narə dingaje piti laa tɔ.

1 Kɔrɛntinyɛje 1:9

Lubba kə̂ to gatə gatə, ne kə̂ n̂-bbarse karə ə-ddaje mə-kâra kə Ngonnɛ̂ Jeju-Kristə kə̂ to Əbbəjeje le.

2 Kɔrɛntinyɛje 4:6

Mba Lubba kə̂ pa nan: «Maji karə lo ndoko lo tə̂ kə̂ ndul» le, ne njaa n̂-ndoko məje tə̂, ta dda karə joo ndoko laa kə̂ aw ndoko kəm Kristə tə̂.

Galatəje 5:16

Mba yeenn bba, m-pa marəse, arəje Ndil-mə-nda tɔjuse ddəw a, â ddaje nɛ̂n ddəw bbo tə̂ kə̂ da-rɔ tə̂ ang.

Epɛjinyɛje 4:1

Yeenn bba, əman kə̂ dilam kəy-kula tə̂ mba Əbbə-dəwje, m-dujuse nya karə pa-nja ləse to pa-nja lə dəwje kə̂ Lubba bbarde njaa.

Epɛjinyɛje 5:2

Ə-ndikije njê-marəse tokə Kristə ndikije ngaâ unn təbbə laa arə Lubba to nɛ̂n-karə-baa ddəm to nɛ̂n-polo kə̂ tokə dukann kə̂ ətə maji ddəm.

Epɛjinyɛje 5:8

Ləw, aw njaje lo ndul tə̂, a bbasinɛn aw njaje lo-karɛ tə̂ ddəw mə-kâra tə̂ kə̂ ə-ddaje kə Əbbə-dəwje. Yeenn a, maji karə ə-njaje tokə dəwje kə̂ aw njaje lo-karɛ tə̂.

Pilipinyɛje 1:27

A maji karə pa-nja ləse dda mə-kâra kə Tar kə̂ Maji lə Kristə le. Baann bba karə bbo m-ddee ta koose wase mee horose tə̂ ang njaa kara, moo tamse. Maji karə dəwje paje arəm nan aw uwaje arəje ngəng ddəw kəjə tə̂ kə kâra baa. Ngaâ məse to kâra baa bba aw ddaje nɛ̂n ddɔ tokə dəwje kə̂ kâra baa, mba mə-kunn kə̂ ddee ddəw Tar tə̂ kə̂ Maji le.

Kolosinyɛje 1:10

Yeenn bba pa-nja ləse a to tokə ye kə̂ Əbbə-dəwje ndiki ngaâ â ddaje nɛ̂n kə̂ nəəle kə ndɔ tɔyn. Â ddaje kulaje kə̂ maji dang dang ngaâ â gərəje Lubba kə kete kete.

Kolosinyɛje 2:6

Ə-taaje Jeju-Kristə to Əbbəsese mban. Yeenn a, maji karə ə-naynje ddəw mə-kâra tə̂ kə̂ ə-ddaje saa le.

1 Tesalonisinyɛje 4:1

Kəsə tar ləje tokə be: Ngakɔnje, n-tɔjuse ddəw kə̂ ta nja nɛ̂n karə nəəl kəm Lubba tə̂. To nɛ̂n kə̂ aw ddaje mban. A n-dujuse ddəm n-ndəjəse ddəm kə ri Əbbəjeje Jeju karə awje nɛ̂n kə kete kete.

1 Tesalonisinyɛje 4:12

Baann bba pa-nja ləse a dda karə dəwje kə̂ ooje məde tə̂ ang bbəəlse. Ngaâ â ddeeje to nɛ̂n-koto dɔ dəw tə̂ ang.

1 Tesalonisinyɛje 5:24

Ne kə̂ n̂-bbarse le naw dda nɛ̂n kə turu ndue. Ne â nâ dda nɛ̂njeenn.

2 Tesalonisinyɛje 1:10

Nɛ̂ɛnn le a to kar tə̂ kə̂ nâ ddee nɛ̂n karə dəwje laa walɛ̂je, karə dəwje kə̂ ooje məde tə̂ saa ɛɛ̂je kə koko. Sese kara â keeje horode tə̂ tɔ, mba ooje məse tə̂ kə tar kə̂ n-pa jarəse le.

2 Timɔte 1:9

Lubba kə̂ ajije njaa bbarje karə n-ddee to dəwje laa. Mba kula kə̂ maji kə̂ n-dda bba n̂-bbar nɛ̂n je ang. N̂-bbarje mba to nɛ̂n kə̂ n̂-gɔl kete ta dda ddəm mba mə-maji laa ddəm. N̂-dda kə je mə-maji le ddəw tə̂ lə Jeju-Kristə kete bba duninya to.

1 Piyɛr 2:9

A sese, ə-toje to dəwje kə̂ Lubba mbərəse, ə-toje to njê-poloje lə tɔkə mbay. Ə-toje to gəl-dəwje kə̂ majije tɔyn, dəwje kə̂ Lubba uka dɔse ta karə ilaje mbər nɛ̂nje kə̂ maji nya kə̂ n̂-dda, ne kə̂ n̂-bbarse narə inje lo ndul tə̂ ə-teeje lo-karɛ tə̂ kə̂ dum dɔ dəwje le.

1 Piyɛr 3:9

Dəw ddase maji ang a, ilaje barɛ̂ ang, dəw tajise a, ə-tajɛ̂je ang. Tar kə̂ Maji â ə-bbarje dɔ dəwje tə̂. Yeenn njaa â Lubba bbarse mbɛɛ̂. Baann bba Lubba a bbar tar kə̂ maji dɔse tə̂.

1 Piyɛr 5:10

A kooje ndoo mba gɔju kar bbay. A Lubba kə̂ to nje-dda mə-maji nya kə̂ bbarse ddəw tə̂ lə Jeju-Kristə karə ingaje piti kə̂ to kə ndɔ kə ndɔ le, a dda karə ə-təlje ə-ddeeje maji uta, nâ karə gɔlse uwa nangə, nâ karə ubbaje singa ngaâ nâ karə marə nɛ̂n yəkəse ang.

2 Piyɛr 1:3

Ddəw singa-mɔngu tə̂ lə Lubba, Lubba le arəje nɛ̂n tɔyn karə n-naynje nɛ̂n kəm baa bba karə junn rɔje jarɛ̂. Narə n-gəre ne kə̂ n̂-bbarje karə jinga piti laa ddəm n-dda nɛ̂n-ddaje laa kə̂ maji ddəm.

1 Jan 2:6

Dəw kə̂ pa nan n̂-dda mə-kâra kə Lubba a, maji karə dəw le nja tokə Jeju nja.

3 Jan 1:6

N̂-paje tar ndiki kə̂ ə-ndiki dəwje lo mbɔn-naan tə̂ lə njê-mə-kunnje. Maji karə umande mba tə̂ ləde kə daw dawje tə̂ kə gusu kə̂ a karə Lubba rɔ-nəəl.