1 Tesalonisinyɛje 2:10 - Dɔnɔn kə̂ Siki: Tar kə̂ aw arə təbbə

¹⁰ Ə-toje to njê-tar-najije ləje, sese ddəm Lubba ddəm. Pa-nja ləje horose tə̂ see njê-mə-kunnje to pa-nja kə̂ nɛ̂n-yərəw ɔru ang, to pa-nja kə̂ gatə gatə, kə̂ tar to dɔɛ tə̂ ang.

1 Tesalonisinyɛje 2:10 ပူးပေါင်းရင်းမြစ်များ

Luku 23:41

Sariya ləje to kə dɔgɔlɛ̂, mba to kuka nɛ̂nje kə̂ maji ang kə̂ n-dda â jinga. A ne, n̂-dda nɛ̂n kə̂ maji ang kâra ang.»

Kulaje 20:18

N̂-ddee dingɛ̂je ngaâ n̂-pa narəde nan: «Ə-gərəje ddəw kə̂ maw nja nɛ̂n horose tə̂ kə majɛ̂, unn kute dɔngɔr ndɔ tə̂ kə̂ m-tee nɛ̂n horose tə̂ nangə tə̂ kə̂ Aji.

Kulaje 20:26

Yeenn bba m-pa marəse bbokənɛn: Tar məsəse a kuwa dɔm ang. Nɛ̂n kə̂ asə ta dda kə̂ m-dda ang goto.

Kulaje 24:16

Yeenn bba, kə̂ ndɔ tɔyn maw sangə ddəw karə kəjə kə̂ maji dɔrɔ â to məm tə̂ nɔn Lubba tə̂ ddəm nɔn dəwje tə̂ ddəm.

2 Kɔrɛntinyɛje 1:12

Nɛ̂n kə̂ jaw junda nɛ̂n guje to kəjə ləje kə̂ aw ɔru naji ləje pa-nja tə̂ ləje dɔ nangə tə̂ nəənn, uta tɔyn, pa-nja ləje horose tə̂. Lubba dda arə n-nja horose tə̂ kə mə-nda kayn ddəm jula nɛ̂n naan tə̂ ang ddəm. Nɛ̂ɛnn le to ddəw kəm-karɛ tə̂ lə dəwje ang, to ddəw mə-maji tə̂ lə Lubba.

2 Kɔrɛntinyɛje 11:11

M-pa tar baann mba ddi wa? Mba to ndiki â m-ndikise ang wa? Lubba gərə to m-ndikise.

2 Kɔrɛntinyɛje 11:31

Lubba kə̂ Bɔ Əbbə-dəwje Jeju, kə̂ dəwje aw piteje kə ndɔ kə ndɔ gərə to maw mərə ngəm ang.

2 Kɔrɛntinyɛje 4:2

Jaw mbətə nɛ̂n-rɔ-kulje kə̂ toje lo-kiyɛ̂ tə̂. Jaw jərə dəwje ang ddəm jaw turu tar lə Lubba ang ddəm. Jaw tɔju tar kə̂ tɔkɔrɔ bba karə kəm Lubba tə̂, dəwje tɔyn undaje kəjə ləde dɔje tə̂.

2 Kɔrɛntinyɛje 5:11

N-gərə nɛ̂n kə̂ to bbəəl Əbbə-dəwje kə majɛ̂. Ngaâ, n-sangə ddəw ta dda karə dəwje ndikije tə̂ kə tar ləje. Lubba gərəje kə majɛ̂ ngaâ munda məm to ə-gərəjeje kəjə tə̂ ləse kə majɛ̂ tɔ.

2 Kɔrɛntinyɛje 7:2

Maji karə unnje məse arəjeje. Jeje, n-dda dəw maji ang kâra ang, n-tuju dəw kâra ang, jərə dəw kâra jusɛ̂ ddəw gusu tə̂ ang.

1 Tesalonisinyɛje 1:5

mba Tar kə̂ Maji kə̂ jila mbəre bbeê ləse le, to tarje kə̂ baa ang. Jila mbər le kə singa-mɔngu kə̂ Ndil-mə-nda arəje ngaâ n-gərə to tar kə̂ jaw pa jarəse le to tar kə̂ tɔkɔrɔ. Ə-gərəje ddəw kə̂ jisi nɛ̂n horose tə̂ le kə majɛ̂, n-dda baann mba maji ləse.

1 Tesalonisinyɛje 2:5

Sese kara ə-gərəje kə majɛ̂, jaw pa tarje ta kərə nɛ̂n dəw ndɔ kâra ang ngaâ kəjə ləje to dɔ nɛ̂n-kinga tə̂ ndɔ kâra ang. Lubba njaa kara a kɔru naji ləje.

2 Tesalonisinyɛje 3:7

Sese njaa kara, ə-gərəje gusu kə̂ ta ndaji nɛ̂n nɛ̂n-ddaje ləje. Mba kar tə̂ kə̂ n-nayn horose tə̂ le, n-dabbə ang.

1 Timɔte 4:12

Maji karə dəw ooi to ngonn baa kəmɛ̂ tə̂ ang. A maji karə njê-mə-kunnje ooije to nɛ̂n-kɔju-marɛ̂ ddəw tar tə̂ kə̂ tai tə̂, ddəw kula-ddai tə̂, ddəw ndiki tə̂ kə̂ ə-ndiki dəwje, ddəw məi tə̂ kə̂ unn arə Jeju kə ddəw rɔi tə̂ kə̂ aw ngəm kə majɛ̂.

2 Timɔte 3:10

A əi, ə-gərə nɛ̂n-tɔjuje ləm, pa-nja ləm, nɛ̂nje kə̂ bboe to məm tə̂ ta dda, mə-kunn ləm, kore-wur ləm, ndiki kə̂ m-ndiki dəwje kə kuwa kə̂ muwa marə ngəng.

1 Piyɛr 5:3

Maji karə ə-sirije dəwje kə̂ banya kə̂ Lubba inyade jise tə̂ le ang. Ə-ddeeje to nɛ̂n-kɔju-marɛ̂ kəmde tə̂.