1 Tesalonisinyɛje 1:6 - Dɔnɔn kə̂ Siki: Tar kə̂ aw arə təbbə

⁶ Sese le, ə-ddaje nɛ̂n tokə jeje ddəm ə-ddaje nɛ̂n tokə lə Əbbə-dəwje ddəm mba mə nɛ̂n-singaje tə̂ kə̂ ingase, ə-taaje tar le kə rɔ-nəəl kə̂ Ndil-mə-nda arəse.

1 Tesalonisinyɛje 1:6 ပူးပေါင်းရင်းမြစ်များ

Matiye 16:24

Yeenn bba, Jeju pa arə njê-njaje goe tə̂ nan: «Bbo dəw ndiki ta kuwa gom a, maji karə nəjə rɔɛ̂ ang, maji karə noto kakə-dəsə laa bba ta nuwa gom.

Tar kə̂ Maji kə̂ Jan dda makəturu tə̂ 8:12

Jeju təl pa tar arə dəwje kə̂ banya le bbay nan: «Əman â m-to lo-karɛ kə̂ dɔ nangə tə̂. Dəw kə̂ unn gom a, a nja lo ndul tə̂ ang. Nâ kinga lo-karɛ kə̂ aw arə təbbə.»

Kulaje 13:52

A njê-njaje go Əbbə-dəwje tə̂ kə̂ naynje bbe tə̂ kə̂ Antiyos eeje kə rɔ-nəəl nya ddəm Ndil-mə-nda ddusude ddəm.

Kulaje 5:41

Njê-kaw-kulaje le inje lo gangə sariya tə̂ lə Jiipije le teeje ddaka kə rɔ-nəəl, mba Lubba oode to dəwje kə̂ asə karə dula kəmde ndoo tə̂ mba ri Jeju.

Kulaje 9:31

Dɔ ndɔje tə̂ənn, ddekeke to mə Egilisije tə̂ tɔyn kə̂ toje nangə tə̂ kə̂ Jude, Galile kə Samari. Egilisi aw ubba singa kə kete kete, naw bbəəl Əbbə-dəwje ngaâ kɔr njê-mə-kunnje aw kə kete kete ddəw singa tə̂ lə Ndil-mə-nda.

Rɔmɛnje 15:13

Maji karə Lubba kə̂ aw dda bba dəwje aw undaje məde dɔ marə nɛ̂n tə̂ arə rɔ-nəəl kə mə-wul-lɔm ddusu məse ddəw mə-kunn tə̂. Baann bba â kundaje məse nya dɔ nɛ̂n tə̂ənn le ddəw singa-mɔngu tə̂ lə Ndil-mə-nda.

1 Kɔrɛntinyɛje 11:1

Maji karə ə-ndajimje tokə əman, maw ndaji Kristə le.

1 Kɔrɛntinyɛje 11:2

Mɔsu gajise mba aw oleje məse dɔm tə̂ kə ndɔ tɔyn ddəm aw ngəmje nɛ̂nje kə̂ m-tɔjuse kə ddəwe ddəm.

1 Kɔrɛntinyɛje 4:16

Yeenn bba, m-dujuse nya karə ə-ndajimje.

2 Kɔrɛntinyɛje 6:10

Dəwje aw ddaje arə rɔje nəəlje ang, a jaw jisi kə rɔ-nəəl kə ndɔ tɔyn. Dəwje aw oojeje to njê-ndooje, a jaw dda jarə dəwje nya aw ddeeje to njê-nɛ̂n-kingaje. Dəwje oojeje to marə nɛ̂n ləje goto, a jee kə nɛ̂n tɔyn.

2 Kɔrɛntinyɛje 8:5

N̂-ddaje nɛ̂n kə̂ uta dɔ ye kə̂ junda məje karə n̂-ddaje: Dunnje rɔde darə Əbbə-dəwje ngaâ dunnje rɔde darəjeje tɔ ddəw mə-ndiki tə̂ lə Lubba.

Galatəje 5:22

A nɛ̂nje kə̂ Ndil-mə-nda aw ddee nɛ̂n to: Ndiki naan, rɔ-nəəl, mə-wul-lɔm, tɔ-wur, mə-maji, dda maji kə dəwje, mə-kunn,

Epɛjinyɛje 5:1

Ə-toje to ngannje kə̂ Lubba ndikise nya. Yeenn a, maji karə ə-ndajɛ̂je.

Pilipinyɛje 3:17

Ngakɔnʼmje, maji karə sese tɔyn njaa ə-ndajije kula ddam. Jeje n-toje to nɛ̂n-kɔju-marɛ̂. Yeenn a, arəje kəmse to kə dɔ dəwje tə̂ kə̂ pa-nja ləde to tokə pa-nja ləm kə̂ n-nja nɛ̂n.

2 Tesalonisinyɛje 1:4

Nɛ̂ɛnn le dda arə jaw junda guje mbase, mba wurse kə̂ aw tɔje kə mə-kunn ləse kə̂ aw uwaje arəje ngəng mə nɛ̂n kəm-to-ndooje tə̂ kə mə nɛ̂n-singaje tə̂ kə̂ aw ingase le.

2 Tesalonisinyɛje 3:7

Sese njaa kara, ə-gərəje gusu kə̂ ta ndaji nɛ̂n nɛ̂n-ddaje ləje. Mba kar tə̂ kə̂ n-nayn horose tə̂ le, n-dabbə ang.

2 Tesalonisinyɛje 3:9

Tɔkɔrɔ, jee kə ddəw ta dujuse karə umanjeje njaa. A n-ndiki ta dda rɔje to nɛ̂n-kɔju-marɛ̂ karə ə-ndajijeje.

2 Timɔte 4:2

karə ila mbər tar lə Lubba, ə-təl dɔɛ̂ tə̂ kə kar tɔyn kə kar kə̂ maji ddəm maji ang ddəm. Maji karə ə-tɔjude majang ləde, ə-ndangəde, ə-dda arə dubbaje singa. Maji karə ə-tɔ wuri ddəwe tə̂ ta arə bbo nɛ̂n-tɔju ddai.

Ebərəje 10:34

Ngaâ ooje kəm-to-ndoo lə njê kə̂ dungude kəy-kula tə̂. A bbo duwa nɛ̂nje ləse n̂-taaje a, aw ndikije tə̂ kə rɔ-nəəl. Mba ə-gərəje to eeje kə nɛ̂n-kingaje kə̂ maji uta yejeenn ddəm nɛ̂n-kingaje kə̂ a toje kə ndɔ kə ndɔ ddəm.

1 Piyɛr 1:6

Mba yeenn bba, le to tar ləse ta karə ooje gar ndooje dang dang bbasinɛn nəənn mba marə gɔju kar njaa kara aw isije kə rɔ-nəəl.

1 Piyɛr 1:8

Ooje Jeju ang njaa, a ə-ndikeje. Bbasinɛn nəənn ooeje ang bbay njaa, a unnje məse arɛ̂je ngaâ aw ddaje rɔ-nəəl arə uta dɔɛ̂, rɔ-nəəl kə̂ asə pa ang.

1 Piyɛr 3:13

Bbo unnje rɔse tɔyn ta dda maji a, nân bba a ddase maji ang wa?

3 Jan 1:11

Ngokɔnʼm kə̂ m-ndikii nya, kula-dda kə̂ maji â ə-ndaji bbo kula-dda kə̂ maji ang â ə-ndaji ang. Dəw kə̂ dda maji to dəw lə Lubba. Dəw kə̂ dda maji ang gərə Lubba ang.