1 Piyɛr 4:11 - Dɔnɔn kə̂ Siki: Tar kə̂ aw arə təbbə

¹¹ Dəw kə̂ gusu pa tar to rɔɛ̂ tə̂ a, maji karə tar lə Lubba â n̂-pa. Dəw kə̂ gusu dda kula karə dəwje to rɔɛ̂ tə̂ a, maji karə n̂-dda kula le kə singa kə̂ Lubba arɛ̂. Yeenn bba karə Lubba inga piti mə nɛ̂nje tə̂ tɔyn ddəw tə̂ lə Jeju-Kristə. Lubba kə̂ piti kə singa-mɔngu to laa kə ndɔ kə ndɔ. Amɛnn!

1 Piyɛr 4:11 ပူးပေါင်းရင်းမြစ်များ

Matiye 6:13

Inya arə marə nɛ̂n nanje ang. A ɔruje ji Nje-mə-majang tə̂. [Mba əi njaa kɔn-mbay, singa-mɔngu kə piti toje to ləi kə ndɔ kə ndɔ! Amɛnn.]

Tar kə̂ Maji kə̂ Jan dda makəturu tə̂ 13:31

Kar kə̂ Judas tee ddaka a, Jeju pa nan: «Bbasinɛn Ngonn lə dəw inga piti ngaâ Lubba inga piti ddəw tə̂ laa tɔ.»

Kulaje 7:38

Kar kə̂ dəwje kə̂ Ijarayɛl aw mbɔnje naan mə kɔr tə̂ le Mɔyijə tɔ â ar horo kajejedede tə̂ kə anjə kə̂ aw pa saa tar dɔ ddingiri tə̂ kə̂ Sinayi. Ne â ninga tarje kə̂ aw arə təbbə dəwje mba ndaji karəje.

Rɔmɛnje 11:36

Tɔkɔrɔ, nɛ̂nje tɔyn inje rɔɛ̂ tə̂, nɛ̂nje tɔyn toje to laa ngaâ nɛ̂nje tɔyn toje ddəw tə̂ laa. Maji karə piti to laa kə ndɔ kə ndɔ Amɛnn!

Rɔmɛnje 12:3

Lubba dda səm mə-maji nya. Mba yeenn bba, m-ndəjəse kâra kâra tɔyn karə ooje rɔse bo uta dɔɛ̂ ang. A, maji karə dəw oo rɔɛ̂ ngaji baa asə kəm mə-kunn kə̂ Lubba arə dəw kâra kâra.

Rɔmɛnje 16:27

Lubba kâra baa â to nje-kəm-karɛ, piti to laa ddəw tə̂ lə Jeju-Kristə kə ndɔ kə ndɔ! Amɛnn!

Rɔmɛnje 3:2

Nɛ̂n kə̂ maji to mə nɛ̂nje tə̂ nya njaa. Dɔngɔr njaa kara, Jiipije â Lubba inya tarje laa mə jide tə̂.

1 Kɔrɛntinyɛje 10:31

Yeenn bba, bbo aw usaje nɛ̂n, aw ayje nɛ̂n wase nɛ̂n ddi bba aw ddaje kara, maji karə ə-ddaje nɛ̂n tɔyn mba kɔsu nɛ̂n gaji Lubba.

1 Kɔrɛntinyɛje 12:4

Gusuje dang dang banyaje nya. A Ndil kə̂ nje-karə gusujeenn le kâra baa.

1 Kɔrɛntinyɛje 3:10

Lubba dda səm mə-maji arə m-ddee to dəw kə̂ gərə gusu kɔsu kəy. Mungu gɔl kəy nangə̂ ngaâ marə dəw ɔsu kəy le dɔɛ tə̂. A maji karə dəw kâra kâra kə̂ aw ɔsu kəy le aa ddəw kə̂ naw nɔsu nɛ̂n kə majɛ̂ bba.

1 Kɔrɛntinyɛje 6:20

Lubba uka dɔse kə gatə kə̂ ngəng nya. Yeenn a, unnje da-rɔse le ɔsuje nɛ̂n gaji Lubba.

2 Kɔrɛntinyɛje 2:17

Mba dəwje nya ddaje tar lə Lubba to nɛ̂n-kinga narɛ ləde. A jeje n-toje tokə ləde ang. Jula nɛ̂n naan tə̂ ang. Lubba â ulaje arə jaw pa tar le nɔn Lubba tə̂, ddəw mə-kâra tə̂ kə̂ n-dda kə Kristə.

2 Kɔrɛntinyɛje 9:13

Dâ kooje nɛ̂n kə̂ ə-ddaje nəənn le ngaâ dâ kɔsuje gaji Lubba mba aw ddaje nɛ̂n kə turu ndu Tar kə̂ Maji lə Kristə ddəm mba mə-kâra kə̂ aw ddaje kə de ddəm kə kəsə dəwje lə Lubba tɔyn ddəm ddəw nɛ̂n tə̂ kə̂ aw arəjede le.

Epɛjinyɛje 1:19

M-duju Lubba tɔ karə ə-gərəje singa-mɔngu kə̂ bo uta dɔɛ̂, kə̂ Lubba ngəm mba tar le jee njê-mə-kunnje. Singa-mɔngu laa kə̂ bo le njaa â

Epɛjinyɛje 4:29

Maji karə tar kə̂ maji ang kâra tee tase tə̂ ang. Tar kə̂ maji kə̂ a kuman dəw, kə̂ aw arə singa dəw ngaâ a dda maji kə dəwje kə̂ aw ooje tar kə̂ aw paje, tarje kə̂ baann â ta ə-paje.

Epɛjinyɛje 5:20

Maji karə arəje wooyo Lubba kə̂ Bɔ kə kar tɔyn mba nɛ̂nje tɔyn kə ri Əbbəjeje Jeju-Kristə.

Epɛjinyɛje 6:10

Ta kutu nɛ̂n dɔɛ̂ a, maji karə ingaje singa ddəw mə-kâra tə̂ kə̂ ə-ddaje kə Əbbə-dəwje, ddəw singa-mɔngu tə̂ laa kə̂ bo nya.

Pilipinyɛje 1:11

Jeju-Kristə a dda karə kulaje kə̂ gatə gatə dɔrɔ â ə-ddaje. Â kɔsuje gaji Lubba ngaâ â piteje ddəw nɛ̂nje tə̂ənn le.

Pilipinyɛje 2:11

ngaâ karə dəwje tɔyn paje kə tade nan Jeju-Kristə to Əbbə-dəwje mba kɔsu nɛ̂n gaji Lubba kə̂ Bɔ.

Kolosinyɛje 4:6

Maji karə tar kə̂ tase tə̂ maji to maji dɔrɔ ngaâ nəəl dəwje. Maji karə ə-gərəje gusu kə̂ â kilaje nɛ̂n tar tə̂ lə dəwje kâra kâra.

1 Tesalonisinyɛje 2:4

A Lubba nanje oo bba inya Tar kə̂ Maji laa le mə jije tə̂. Yeenn bba jaw pa tar lə Lubba mba nəəl nɛ̂n kəm dəwje tə̂ ang. Jaw pa mba nəəl nɛ̂n kəm Lubba tə̂ kə̂ aw nan məje.

1 Timɔte 1:17

Asə karə dəwje tɔyn ndɔyje ri tɔkə mbay kə̂ nje-kisi kə ndɔ kə ndɔ ngaâ piteje, ne kə̂ noy ang, ne kə̂ kəm dəw ooe ang, Lubba kə̂ kâra baa, Amɛnn.

1 Timɔte 6:16

Lubba kə̂ nje-kisi kə ndɔ kə ndɔ, ne kə̂ nisi lo tə̂ kə̂ ndoko kə̂ dəw tee tə̂ ang. Dəw kâra ooe ang ddəm dəw kâra asə ta kooe ang ddəm. Maji karə piti kə singa-mɔngu toje to laa kə ndɔ kə ndɔ. Amɛnn.

Titə 2:1

A əi Titə, maji karə ə-tɔju nɛ̂n kə̂ to ddəw kâra baa kə nɛ̂n-tɔju kə̂ to gatə gatə.

Titə 2:15

Maji karə ə-pa tar tokə baann, arə ndəjə arə dubbaje nɛ̂n singa ta ə-ndangəde kə ndu kə̂ mɔngu. Ə-dda arə dəw kâra dabbi ang.

Ebərəje 13:7

Maji karə oleje məse dɔ dəwje tə̂ kə̂ tɔjujese ddəw ləw ngaâ ndajije tar lə Lubba kə̂ pa dɔ Jeju tə̂ arəse le. Əjəje dɔ kisi tə̂ ləde ndərəng koy tə̂ ləde, ta ə-ndajije mə-kunn ləde.

Ebərəje 5:12

Kuru lo əw nya karə ə-ddeeje to njê-nɛ̂n-tɔjuje ngaa. A sese le tɔ bbay â ə-ndikije karə n̂-təl n̂-tɔjuse dɔngɔr nɛ̂nje kə̂ dɔ tar tə̂ lə Lubba wa? Ə-ddeeje to dəwje kə̂ ndikije ta kil mba bbay, bbo asəje ta kusa nɛ̂n kə̂ kətərə ang.

Jakə 1:19

Ngakɔnʼmje kə̂ m-ndikise nya, maji karə ə-gərəje nɛ̂n nəənn: Maji karə dəw kâra kâra tuka mbia kə ngɔru oo nɛ̂n tar. A, n̂-pa tar kə ngɔru baa ang ddəm n̂-dda wungu kə ngɔru baa ang ddəm

Jakə 1:26

Bbo marə dəw oo rɔɛ̂ to nje-polo Lubba, â bbo n̂-ngəm tɛɛ̂ ang a, naw nərə rɔɛ̂, polo Lubba laa to nɛ̂n kə̂ baa.

1 Piyɛr 2:12

Arəje pa-nja ləse to kə majɛ̂ horo dəwje tə̂ kə̂ gərəje Lubba ang. Yeenn bba karə, bbo daw dundaje tar dɔse tə̂ baa mba marə nɛ̂n a, dâ kooje kula-ddase kə̂ maji ngaâ dâ kɔsuje nɛ̂n gaji Lubba ndɔ tə̂ kə̂ nâ tee dɔde tə̂.

1 Piyɛr 2:5

Sese njaa kara, ə-toje tokə lə ərje kə̂ naynje kəm baa tɔ, yeenn a, maji karə unnje rɔse kə̂ to ər le ə-ddaje nɛ̂n kəy lə Ndil-mə-nda. Baann bba a ddeeje to njê-poloje Lubba kə̂ dundade dang mba kula laa, ta kunn nɛ̂n-polo ddəw Ndil tə̂ karɛ̂, nɛ̂n-polo kə̂ maji kəmɛ̂ tə̂ ddəw tə̂ lə Jeju-Kristə.

1 Piyɛr 4:10

Sese kâra kâra tɔyn, Lubba arəse gusu dang dang. Yeenn a, maji karə umanje nɛ̂n naan. Baann bba â ddeeje to njê-ngəmje nɛ̂nje dang dang kə̂ maji kə̂ Lubba inya jise tə̂ ddəw mə-maji tə̂ laa.

1 Piyɛr 4:16

A bbo dəw oo ndoo mba ddee kə̂ n̂-ddee to dəw lə Kristə a, narə rɔ-kul ddɛɛ̂ ang. Maji karə nɔsu gaji Lubba mba ri Kristə kə̂ to dɔɛ̂ tə̂ le.

1 Piyɛr 5:11

Maji karə singa-mɔngu to laa kə ndɔ kə ndɔ Amɛnn!