1 Jan 5:20 - Dɔnɔn kə̂ Siki: Tar kə̂ aw arə təbbə

²⁰ Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.

1 Jan 5:20 ပူးပေါင်းရင်းမြစ်များ

Matiye 13:11

Jeju ilade tə̂ nan: «Sese, darə ə-gərəje tar kɔn-mbay kə̂ darâ kə̂ to tar kə̂ iya rɔɛ̂. A dede, darə n̂-gərəje ang.

Luku 21:15

mba mâ karəse tar kəm-karɛ kə̂ a gangə singa njê-baanje ləse ddəm dâ kasəje ta mayn ang ddəm.

Luku 24:45

Yeenn ngaâ n̂-təəyn nɛ̂n-gərə ləde narə n̂-gərəje nɛ̂nje kə̂ Makəturu lə Lubba pa le.

Tar kə̂ Maji kə̂ Jan dda makəturu tə̂ 1:18

Dəw kâra oo Lubba ang. A Ngonn-kâra kə̂ to Lubba kə̂ isi mbɔr Bɔɛ̂je tə̂ le dda arə dəwje gəreje.

Tar kə̂ Maji kə̂ Jan dda makəturu tə̂ 10:30

Əman kə Bɔmje, n-to dəwje kə̂ kâra baa.»

Tar kə̂ Maji kə̂ Jan dda makəturu tə̂ 14:20

Ndɔɛ̂ tə̂ənn le â gərəje to mee mə Bɔ tə̂, sese kara eeje məm tə̂ ngaâ əman mee məse tə̂.

Tar kə̂ Maji kə̂ Jan dda makəturu tə̂ 14:23

Jeju ilɛ̂ tə̂ nan: «Bbo dəw ndikim a, nâ dda nɛ̂n kə turu ndum. Bɔmje a ndike ngaâ əman je kə Bɔy ja kaw rɔɛ̂ tə̂, ja dda bbe rɔɛ̂ tə̂.

Tar kə̂ Maji kə̂ Jan dda makəturu tə̂ 14:6

Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa.

Tar kə̂ Maji kə̂ Jan dda makəturu tə̂ 14:9

Jeju ilɛ̂ tə̂ nan: «Pilipi, ləw baa kə̂ mee kə se nəənn njaa, ə-nayn ə-gərəm ang bbay wa? Dəw kə̂ oom a, oo Bɔ. A ə-pa nan m-tɔjuse Bɔ tokə baânn wa?

Tar kə̂ Maji kə̂ Jan dda makəturu tə̂ 15:4

Maji karə ə-naynje rɔm tə̂ tokə əman m-nayn rɔse tə̂ le. Bbo barkəm binyə nayn dɔ kakɛ̂ tə̂ ang a, nâ kandə kə dɔ rɔɛ̂ njaa ang. Ddəw kâra baa, bbo ə-naynje rɔm tə̂ ang a, â kasəje ta kandə ang tɔ.

Tar kə̂ Maji kə̂ Jan dda makəturu tə̂ 17:14

M-pa tar ləi marəde ngaâ duninya mbətəde mba n̂-toje to dəwje kə̂ duninya tə̂ nəənn ang, ddəw kâra baa tokə əman m-to dəw kə̂ duninya tə̂ nəənn ang le.

Tar kə̂ Maji kə̂ Jan dda makəturu tə̂ 17:25

Bɔ kə̂ gatə gatə, dəwje kə̂ duninya tə̂ gərije ang. A əman m-gəri ngaâ njê-njaje gom tə̂ nəənn gərəje to əi â ulam.

Tar kə̂ Maji kə̂ Jan dda makəturu tə̂ 17:3

Təbbə kə̂ to kə ndɔ kə ndɔ le, to karə n̂-gərije, əi kâra baa kə̂ ə-to Lubba kə̂ tɔkɔrɔ ddəm Jeju-Kristə kə̂ ulɛ̂ ddəm.

Tar kə̂ Maji kə̂ Jan dda makəturu tə̂ 20:28

Toma le ilɛ̂ tə̂ nan: «Əbbəmje, Lubba ləm!»

Tar kə̂ Maji kə̂ Jan dda makəturu tə̂ 8:42

Jeju pa arəde nan: «Bbo Lubba to Bɔsese a, â ndikimje. Mba min rɔ Lubba tə̂ bba m-ddee. Əman njaa m-ddee kə dɔm baa ang, ne â nulam.

Kulaje 20:28

Maji karə undaje kəmse dɔ rɔse tə̂ kə dɔ nɛ̂n-kuulje tə̂ kə̂ Ndil-mə-nda undase karə ə-ngəmjede. Ə-ngəmje Egilisi kə̂ Lubba ndoko kə məse njaa le.

Rɔmɛnje 9:5

Lubba dda arə ddəw kuju tə̂, Mesi kə̂ to Lubba kə̂ ee dɔ nɛ̂nje tə̂ tɔyn, in gəl kadedeje tə̂ kə̂ to Abaraham, Ijakə kə Jakobbo. Maji karə dəwje ɔsuje gajɛ̂ kə ndɔ kə ndɔ! Amɛnn!

1 Kɔrɛntinyɛje 1:30

Ddəw mə-maji tə̂ lə Lubba â ə-ddaje nɛ̂n mə-kâra kə Jeju-Kristə kə̂ to kəm-karɛ kə̂ in rɔ Lubba tə̂. Kristə le dda arə n-ddeeje gatə gatə kəm Lubba tə̂, narə n-ngəm rɔje dang ngaâ nɔruje mə-majang tə̂.

2 Kɔrɛntinyɛje 4:6

Mba Lubba kə̂ pa nan: «Maji karə lo ndoko lo tə̂ kə̂ ndul» le, ne njaa n̂-ndoko məje tə̂, ta dda karə joo ndoko laa kə̂ aw ndoko kəm Kristə tə̂.

2 Kɔrɛntinyɛje 5:17

Mba yeenn bba, bbo dəw dda mə-kâra kə Kristə a, dəw le ddee to dəw kə̂ n̂-ddɛɛ̂ tokə siki ngaa. Nɛ̂nje kə̂ ləw ndayje mban, a ooje: Nɛ̂n kə̂ siki ddee ngaa.

Epɛjinyɛje 3:18

Baann bba sese kə kəsə njê-mə-kunnje tɔyn â kasəje ta gərə ndiki lə Kristə kə̂ uta dɔɛ̂, kə̂ kɔnyɛ̂ goto le.

Pilipinyɛje 3:9

ngaâ m-dda mə-kâra saa. M-ddee gatə gatə mba məm kə̂ munn marə Kristə bbo mba ngəm kə̂ m-ngəm ndu lə Mɔyijə le ang. Lubba â to nje-karə ddəw dəw karə ddee to dəw kə̂ gatə gatə, tokə dəw le unn məɛ̂ arɛ̂.

1 Timɔte 3:16

Tɔkɔrɔ njaa, tar mə-kunn kə̂ n̂-tee kə gəle kə ddaka le to nɛ̂n kə̂ ngəng nya. Tarɛ̂ le tokə be: Kristə unn da-rɔ dəw, Ndil-mə-nda pa tar-naji laa nan n̂-to gatə gatə, anjəje ooeje, dəwje ilaje mbər tar laa horo gəl-dəwje tə̂, dəwje kə̂ dɔ nangə tə̂ unnje məde arɛ̂, Lubba unnɛ̂ aw saa darâ lo piti tə̂ laa.

Titə 2:13

N-ddaje tokə baann n-nginanje nɛ̂n ndɔ kisi kə rɔ-nəəl ləje kə̂ jundaje məje dɔɛ̂ tə̂ le. To ndɔ kə̂ tɔkə Lubba ləje kə̂ to Nje-kajije Jeju-Kristə a ddee kə piti laa.

Ebərəje 1:8

A n̂-pa narə Ngonnɛ̂ nan: «Ə-to Lubba, kɔn-mbay ləi a to kə ndɔ kə ndɔ. Ngaâ, kɔn-mbay ləi to kɔn-mbay kə̂ gatə gatə.

1 Jan 2:23

Dəw kə̂ mbətə Ngonn, mbətə Bɔ tɔ. Dəw kə̂ taa Ngonn kə rɔɛ̂ tə̂, taa Bɔ kə rɔɛ̂ tə̂ tɔ.

1 Jan 2:24

A sese, maji karə tar kə̂ ooje kunn-kute tə̂ njaa nayn məse tə̂. Bbo tar kə̂ ooje kunn-kute tə̂ le nayn məse tə̂ a, yeenn pa nan ə-naynje ddəw mə-kâra tə̂ kə Ngonn ddəm kə Bɔ ddəm.

1 Jan 2:6

Dəw kə̂ pa nan n̂-dda mə-kâra kə Lubba a, maji karə dəw le nja tokə Jeju nja.

1 Jan 4:14

Jooe kə kəmje ngaâ n-pa tar-naji laa jarə dəwje nan Lubba kə̂ Bɔ ula Ngonnɛ̂ to Nje-kaji-dəwje kə̂ duninya tə̂.

1 Jan 4:16

Jeje, n-gərəje ndiki kə̂ Lubba ndikije ngaâ jooje məje tə̂ kə ndiki le. Lubba to ndiki. Dəw kə̂ nayn ddəw ndiki tə̂, nayn ddəw mə-kâra tə̂ kə Lubba ddəm Lubba nayn ddəw mə-kâra tə̂ saa ddəm.

1 Jan 4:2

Ddəw kə̂ â gərəje nɛ̂n Ndil lə Lubba tokə be: Dəw kə̂ pa kə tɛɛ̂ nan Jeju-Kristə unn da-rɔ dəw bba ddee a, Ndil kə̂ in rɔ Lubba tə̂ to məɛ̂ tə̂.

1 Jan 5:1

Bbo dəw ndiki tə̂ məɛ̂ tə̂ nan Jeju to Kristə a, dəw le to Ngonn lə Lubba. Dəw kə̂ ndiki Lubba kə̂ Nje-kuju Jeju le ndiki Jeju kə̂ Lubba uje le tɔ.

1 Jan 5:15

Bbo n-gərəje məje tə̂ to naw noo tar ləje a, nɛ̂n tɔyn kə̂ n-dujuje jia tə̂, n-gərəje to jingaje nɛ̂n le watə mban.

1 Jan 5:18

Jeje, n-gərəje to dəwje kə̂ Lubba ujude ddaje majang ang ngaa. Jeju kə̂ Lubba uje ngəm dəwje le arə Nje-mə-majang inga ddəw ləde ang.

1 Jan 5:5

Nân bba tətə duninya nəənn kə ddɔ wa? Dəw kə̂ ndiki tə̂ məɛ̂ tə̂ nan Jeju to Ngonn lə Lubba â tətə ddɔ le.

Apokalisi 15:3

Daw dɔsuje pa lə Mɔyijə kə̂ to nje-kula lə Lubba ddəm pa lə Ngonn batə ddəm nan: «Əbbə-dəwje Lubba kə̂ Nje-singa-mɔngu, nɛ̂nje kə̂ ə-dda bo nya ddəm kura ləde dum dɔ dəwje ddəm! Tɔkə mbay lə gəl-dəwje, nɛ̂n kə̂ aw dda to gatə gatə ddəm to nɛ̂n kə̂ tɔkɔrɔ ddəm.

Apokalisi 19:11

Goe tə̂ a, moo dara təəyn, a moo sunda kə̂ nda. Dəw kə̂ aal sunda le ria nan: «Dəw kə̂ aw dda nɛ̂n kə dɔgɔlɛ̂, Dəw kə̂ tɔkɔrɔ.» Naw gangə sariya ngaâ naw dda ddɔ ddəw nɛ̂n tə̂ kə̂ gatə gatə.

Apokalisi 3:14

«Ə-dda makəturu ula nɛ̂n arə anjə kə̂ ee Egilisi tə̂ kə̂ Lawodise ə-pa nan: «Tar kə̂ Dəw kə̂ ria nan Amɛnn, ne kə̂ n̂-to nje-tar-naji kə̂ gatə gatə ddəm kə̂ tɔkɔrɔ ddəm ne kə̂ nee kunn-kutu nɛ̂nje tə̂ kə̂ Lubba dda n̂-pa â nəənn:

Apokalisi 3:7

Ə-dda makəturu ula nɛ̂n arə anjə kə̂ Egilisi tə̂ kə̂ Piladɛlpi ə-pa nan: Tar lə Dəw kə̂ maji tɔyn, ne kə̂ n̂-to Tɔkɔrɔ, ne kə̂ ngaw kele lə Dabbiti to jia tə̂, ne kə̂ n̂-təəyn ta-ddəw a, dəw kâra asə ta kutu ang, ne kə̂ nutu ta-ddəw a, dəw kâra asə ta təəyn ang.

Apokalisi 6:10

Daw duruje əkii kə taar nan: «Əbbə-dəwje, əi kə̂ ə-maji tɔyn ngaâ ə-to dəw kə̂ tɔkɔrɔ, â nginan ndərəng ndɔ kə̂ dda bba â gangə sariya dɔ dəwje tə̂ kə̂ dɔ nangə tə̂ nəənn, ta kila barə ləje mba tɔl kə̂ n̂-tɔlje le wa?»