1 Jan 4:8 - Dɔnɔn kə̂ Siki: Tar kə̂ aw arə təbbə

⁸ Dəw kə̂ ndiki nje-marɛ̂ ang to dəw kə̂ nayn gərə Lubba ang bbay, mba Lubba to ndiki.

1 Jan 4:8 ပူးပေါင်းရင်းမြစ်များ

2 Kɔrɛntinyɛje 13:11

Ta kutu nɛ̂n dɔɛ̂ a, ngakɔnʼmje, maji karə isije kə rɔ-nəəl. Ə-sangəje ddəw ta ddee maji tɔyn. Ə-ndəjəje naan bba karə rɔse oy njururu ang, ooje ta naan, isije kə mə-wul-lɔm. A Lubba kə̂ nje-ndiki dəwje ddəm nje-karə mə-wul-lɔm ddəm a nayn kə se.

Epɛjinyɛje 2:4

A Lubba oo kəm-to-ndoo ləje nya, mba n̂-ndikije nya.

Ebərəje 12:29

Mba Lubba ləje to tokə puru kə̂ aw ɔn nɛ̂n tɔyn.

1 Jan 1:5

Tar kə̂ joo tɛɛ̂ tə̂ bba n-ndiki ta pa karəse tokə be: Lubba to lo-karɛ, lo ndul ngaji to rɔɛ̂ tə̂ ang.

1 Jan 2:4

Bbo marə dəw pa nan n̂-gərə Lubba, a n̂-ngəm nduje laa ang a, n̂-to nje-ngəm ngaâ tar kə̂ tɔkɔrɔ to məɛ̂ tə̂ ang.

1 Jan 2:9

Dəw kə̂ pa nan nee lo-karɛ tə̂ ngaâ naw mbətə ngokɔɛ̂n a, n̂-nayn lo ndul tə̂ bbay.

1 Jan 3:10

Nɛ̂n kə̂ kayn horo ngann lə Lubba kə ngann lə Əsu â nəənn: Dəw kə̂ to nje-nɛ̂n-dda kə̂ gatə gatə ang wase dəw kə̂ mbətə ngokɔɛ̂n to dəw lə Lubba ang.

1 Jan 3:6

Dəw kə̂ nayn ddəw mə-kâra tə̂ saa a, maji karə n̂-dda majang ang ngaa. Dəw kə̂ nayn aw dda majang to dəw kə̂ oo Kristə ang ddəm gərə Kristə ang ddəm.

1 Jan 4:16

Jeje, n-gərəje ndiki kə̂ Lubba ndikije ngaâ jooje məje tə̂ kə ndiki le. Lubba to ndiki. Dəw kə̂ nayn ddəw ndiki tə̂, nayn ddəw mə-kâra tə̂ kə Lubba ddəm Lubba nayn ddəw mə-kâra tə̂ saa ddəm.

1 Jan 4:7

Ngakɔnʼmje kə̂ m-ndikise, maji karə n-ndikije naan horoje tə̂, mba ndiki in rɔ Lubba tə̂. Dəw kə̂ ndiki nje-marɛ̂ to dəw kə̂ Lubba uje ngaâ n̂-gərə Lubba.