1 Jan 4:6 - Dɔnɔn kə̂ Siki: Tar kə̂ aw arə təbbə

⁶ A Jeje, n-toje to ənga Lubba. Dəw kə̂ gərə Lubba aw oo tar ləje. Dəw kə̂ to ənga Lubba ang a koo tar ləje ang. Ddəw nɛ̂n tə̂ kə̂ baann bba ja gərəje nɛ̂n Ndil tar kə̂ tɔkɔrɔ kə ndil tar kə̂ tɔkɔrɔ ang.

1 Jan 4:6 ပူးပေါင်းရင်းမြစ်များ

Luku 10:22

Bɔy inya nɛ̂nje tɔyn mə jim tə̂. Dəw kâra gərə Ngonn le ang. Bɔ kâra baa â gəre. Dəw gərə Bɔ le ang. Ngonn le kâra baa â gəre, a dəw kə̂ Ngonn le ndiki ta tɔjɛ̂ Bɔ le bba a gərə Bɔ le tɔ.»

Tar kə̂ Maji kə̂ Jan dda makəturu tə̂ 10:16

Marə batəje ləm toje bbay kə̂ eeje mə singa tə̂ nəənn ang. Dede kara, to tar ləm ta ddee kə de. Dâ kooje ndum. Baann bba kusu batəje a to kâra baa ngaâ nje-ngəmde a to kâra baa tɔ.

Tar kə̂ Maji kə̂ Jan dda makəturu tə̂ 10:27

Batəje ləm ooje ndum. Əman, m-gərəde ngaâ dunnje gom.

Tar kə̂ Maji kə̂ Jan dda makəturu tə̂ 10:3

Nje-ngəm ta-ddəw ɔru tɛɛ̂ arɛ̂ ngaâ batəje ooje ndue. N̂-bbar batəje laa kə ride kâra kâra ngaâ n̂-tee kə de ddaka.

Tar kə̂ Maji kə̂ Jan dda makəturu tə̂ 13:20

Tɔkɔrɔ m-pa marəse: Dəw kə̂ taa dəw kə̂ mulɛ̂ kə rɔɛ̂ tə̂, nayn to əman njaa n̂-taam kə rɔɛ̂ tə̂ənn. Ngaâ, dəw kə̂ taam kə rɔɛ̂ tə̂ to dəw kə̂ taa dəw kə̂ ulam kə rɔɛ̂ tə̂ tɔ.»

Tar kə̂ Maji kə̂ Jan dda makəturu tə̂ 14:17

To Ndil tar kə̂ tɔkɔrɔ. Dəwje kə̂ duninya tə̂ nəənn asəje ta tɛɛ̂je məde tə̂ ang, mba dooeje ang ddəm n̂-gəreje ang ddəm. A sese, ə-gəreje, mba nee mbɔrse tə̂ ngaâ nâ to məse tə̂ kə ndɔ tɔyn.

Tar kə̂ Maji kə̂ Jan dda makəturu tə̂ 15:26

«Lubba a karə mula kə Nje-kumanse marəse. N̂-to Ndil tar kə̂ tɔkɔrɔ kə̂ in rɔ Bɔ tə̂ bba ddee. Nâ kɔru naji ləm.

Tar kə̂ Maji kə̂ Jan dda makəturu tə̂ 16:13

Bbo Ndil tar kə̂ tɔkɔrɔ le ddee a, nâ tɔjuse nɛ̂n kə̂ tɔkɔrɔ tɔyn. Tar kə̂ məɛ̂ tə̂ njaa â nâ pa ang. Tarje tɔyn kə̂ noo â nâ pa ngaâ nâ pa nɛ̂nje kə̂ a ta ddeeje karəse.

Tar kə̂ Maji kə̂ Jan dda makəturu tə̂ 18:37

Pilatə duje nan: «Yeenn a, ə-to tɔkə mbay wa?» Jeju ilɛ̂ tə̂ nan: «Əi njaa ə-pa. M-to tɔkə mbay. Nɛ̂n kə̂ dujum mbɛɛ̂ ngaâ nɛ̂n kə̂ m-ddee duninya tə̂ mbɛɛ̂ â nəənn: M-ddee ta kɔru naji lə tar kə̂ tɔkɔrɔ. Dəw kə̂ to ənga tar kə̂ tɔkɔrɔ aw oo tar kə̂ maw pa.»

Tar kə̂ Maji kə̂ Jan dda makəturu tə̂ 20:21

Jeju təl pa arəde bbay nan: «Mə-wul-lɔm ee kə se. Ddəw kâra baa tokə Bɔy ulam le, əman kara mulase tɔ.»

Tar kə̂ Maji kə̂ Jan dda makəturu tə̂ 8:19

Parijinyɛje dujeje nan: «Bɔije le ee dda wa?» Jeju ilade tə̂ nan: «Ə-gərəmje ang ddəm ə-gərəje Bɔmje ang ddəm. Mba bbo ə-gərəmje a, â gərəje Bɔmje tɔ.»

Tar kə̂ Maji kə̂ Jan dda makəturu tə̂ 8:23

Jeju ilade tə̂ nan: «Sese, ə-toje to dəwje kə̂ nangə̂ nəənn, a əman m-to dəw kə̂ darâ. Ə-toje to dəwje kə̂ duninya tə̂ nəənn, a əman, m-to dəw kə̂ duninya tə̂ nəənn ang.

Rɔmɛnje 1:1

Əman Pɔl kə̂ m-to bbərə-kula lə Jeju-Kristə, Lubba bbarəm undam dang to nje-kaw-kula karə mila mbər Tar kə̂ Maji laa marə dəwje.

Rɔmɛnje 11:8

Ddəw kâra baa tokə n̂-dda tarɛ̂ makəturu tə̂ nan: «Lubba dda arə kəjə ləde ndol ang, kəmde oo lo ang, mbide oo tar ang. N̂-dda kə de tokə baann ndərəng bbokənɛn.»

1 Kɔrɛntinyɛje 14:37

Bbo marə dəw oo rɔɛ̂ to nje-kila mbər tar lə Lubba wase oo to Ndil tɔjɛ̂ marə nɛ̂n a, maji karə n̂-gərə to tar kə̂ makəturu tə̂ kə̂ maw dda marəse nəənn to ndu kə̂ Əbbəjeje â unn.

2 Kɔrɛntinyɛje 10:7

Maji karə aaje nɛ̂n kə̂ to kəmse tə̂ ddaka baa nəənn ooje: Bbo dəw əjə to n̂-to dəw lə Kristə a, maji karə n̂-gərə kə majɛ̂ to, jeje kara n-to dəwje lə Kristə tɔ.

2 Tesalonisinyɛje 1:8

Nâ ddee dann ndɔn-puru tə̂ kə̂ aw ɔn ta kila barə dɔ dəwje tə̂ kə̂ gərəje Lubba ang ngaâ mbətəje ta dda nɛ̂n kə turu ndu Tar kə̂ Maji lə Əbbə-dəwje Jeju.

1 Timɔte 4:1

Ndil-mə-nda pa kə majɛ̂ nan, ddutu ndɔje a, marə dəwje a kinyaje ddəw mə-kunn mba nayn go ndilje tə̂ kə̂ njê-ngəmje ngaâ dâ kunnje go nɛ̂n-tɔju lə ndilje kə̂ maji ang le.

2 Piyɛr 3:2

Maji karə oleje məse dɔ tarje tə̂ lə njê-kilaje mbər tar lə Lubba kə̂ unnje rɔde tɔyn arɛ̂je, oleje məse dɔ ndu tə̂ kə̂ Əbbə-dəwje kə̂ to Nje-kaji-dəwje unn ngaâ njê-kaw-kulaje pa arəse le.

1 Jan 4:1

Ngakɔnʼmje kə̂ m-dikise, bbo dəw pa nan Ndil-mə-nda to rɔɛ̂ tə̂ a, ooje məse tə̂ kə tar laa le kə ngɔru ang. Maji karə ə-nanje dəw le ooje se ndil kə̂ to məɛ̂ tə̂ to Ndil lə Lubba njaa wa bba. Mba njê-kilaje mbər tar kə̂ tɔkɔrɔ ang banyaje dɔ nangə tə̂ nya.

1 Jan 4:4

See ngannje kə̂ ngaji kə̂ ə-toje to ənga Lubba, aalje dɔ njê-kilaje mbər tar kə̂ toje to njê-ngəmjeenn le mban, mba Ndil kə̂ to məse tə̂ ubba singa nya uta ndil kə̂ duninya tə̂ nəənn.

1 Jan 4:8

Dəw kə̂ ndiki nje-marɛ̂ ang to dəw kə̂ nayn gərə Lubba ang bbay, mba Lubba to ndiki.

1 Jan 5:19

Jeje, n-gərəje to n-toje to dəwje lə Lubba, a duninya nəənn tɔyn to mə ji Nje-mə-majang tə̂.

Judə 1:17

A see ngakɔnʼmje kə̂ m-ndikise, maji karə oleje məse dɔ tar tə̂ lə njê-kaw-kulaje lə Əbbəjeje Jeju-Kristə kə̂ paje arəse ləw.