1 Jan 3:8 - Dɔnɔn kə̂ Siki: Tar kə̂ aw arə təbbə

⁸ Dəw kə̂ nayn ddəw majang tə̂ to dəw lə Əsu, mba Əsu to nje-nɛ̂n-dda kə̂ maji ang kunn-kutu nɛ̂nje tə̂ njaa. Mba yeenn bba, Ngonn lə Lubba ddee ta tuju kula-dda lə Əsu.

1 Jan 3:8 ပူးပေါင်းရင်းမြစ်များ

Matiye 12:28

A bbo Ndil lə Lubba â maw tubba nɛ̂n ndilje kə̂ maji ang a, yeenn tɔju to kɔn-mbay lə Lubba ddee ndərəng tee rɔse tə̂ ngaa.

Matiye 13:38

Ndɔɔ le to duninya nəənn. Ko kə̂ maji le to dəwje kə̂ mə Bbe-kɔn tə̂ le. A mu kə̂ maji ang le to dəwje kə̂ toje to lə Nje-mə-majang.

Matiye 4:3

Əsu ddee ngɔsi saa ngaâ pa nan: «Bbo ə-to Ngonn lə Lubba a, unn ndu arə ərje nəənn təlje nɛ̂n-kusa.»

Marke 1:24

«Jeju kə̂ Najarɛtə, ddi â ə-ndiki ta dda kə je wa? Ə-ddee ta tɔlje wa? M-gəri kə majɛ̂. Ə-to dəw kə̂ Lubba undai dang ngaâ ulai.»

Luku 10:18

Jeju ilade tə̂ nan: «Moo Satan kə̂ in darâ oso tokə lə ndi kə̂ aw təəl.

Tar kə̂ Maji kə̂ Jan dda makəturu tə̂ 12:31

Kar gangə sariya dɔ nangə tə̂ nəənn asə ngaa. Bbasinɛn, dâ tubba nje-kɔn dɔ duninya nəənn kə ddang.

Tar kə̂ Maji kə̂ Jan dda makəturu tə̂ 16:11

Nâ tɔjude karə n̂-gərəje nɛ̂n kə̂ ria nan sariya lə Lubba, mba Lubba gangə sariya dɔ nje-kɔn dɔ duninya tə̂ nəənn mban.

Tar kə̂ Maji kə̂ Jan dda makəturu tə̂ 8:44

Bɔsese to əsu le arə ə-ndikije ta dda nɛ̂n kə̂ bɔsese ndiki. N̂-to nje-tɔl dəwje kunn-kutu nɛ̂n tə̂ nu. Nar dɔ tar tə̂ kə̂ tɔkɔrɔ ndɔ kâra ang, mba tar kə̂ tɔkɔrɔ to məɛ̂ tə̂ ang. Bbo naw nərə ngəm a, to tarje kə̂ inje məɛ̂ tə̂ njaa â naw pa. Mba n̂-to nje-ngəm ddəm n̂-to bɔ ngəm ddəm.

Rɔmɛnje 16:20

Mbɔr ang a, Lubba kə̂ nje-karə mə-wul-lɔm a rii Satan nangə̂ kɔ gɔlse tə̂. Maji karə mə-maji lə Əbbəjeje Jeju nayn kə se.

Epɛjinyɛje 2:2

Aw unnje go kula-dda lə dəwje kə̂ duninya tə̂ nəənn. Aw ooje ta mbay le ndilje kə̂ maji ang kə̂ eeje mə ləl tə̂. Ne mbay le â n̂-to ndil kə̂ maji ang kə̂ aw dda kula rɔ dəwje tə̂ kə̂ aw mbətəje ta Lubba.

Kolosinyɛje 2:15

Lubba ɔru singa lə ndilje tɔyn kə̂ aw ɔnje mbay. N̂-tɔjude kəm dəwje tə̂ tɔyn ngaâ nuwade to bbərəje narə dɔsuje nja kə go kulɛ̂ go Ngonnɛ̂ tə̂ kə̂ tətə ddɔ le.

1 Timɔte 3:16

Tɔkɔrɔ njaa, tar mə-kunn kə̂ n̂-tee kə gəle kə ddaka le to nɛ̂n kə̂ ngəng nya. Tarɛ̂ le tokə be: Kristə unn da-rɔ dəw, Ndil-mə-nda pa tar-naji laa nan n̂-to gatə gatə, anjəje ooeje, dəwje ilaje mbər tar laa horo gəl-dəwje tə̂, dəwje kə̂ dɔ nangə tə̂ unnje məde arɛ̂, Lubba unnɛ̂ aw saa darâ lo piti tə̂ laa.

Ebərəje 2:14

Ngannje nəənn le toje tɔyn to dəwje. Yeenn bba Jeju kara ddee to dəw tokə dede tɔ. Baann bba ddəw koy tə̂ laa, n̂-guru singa Əsu kə̂ ee kə singa tɔl dəw,

Ebərəje 9:26

Mba bbo tokə baann a, nâ koo ndoo koy nɛ̂n gɔl banya nya, kunn-kute tə̂ kə̂ Lubba dda nɛ̂n duninya. A bbasinɛn nəənn, ddutu ndɔje tə̂ nəənn, Kristə ddee gɔl kâra baa to dɔbɔyn. Nunn rɔɛ̂ njaa narə to nɛ̂n-polo ta kɔru nɛ̂n majang kə ddang.

2 Piyɛr 2:4

Mba anjəje kə̂ ddaje majang le, Lubba inyade ddekeke njaa baann ang. Lubba ungude mə buwa tə̂ kə̂ il biti biti arə n̂-naynje tə̂ daw nginanje ndɔ sariya.

1 Jan 1:2

Mba təbbə le tɔju rɔɛ̂ kə ddaka ngaâ jooe. N-to njê-pa tar-naji lə təbbə le ngaâ jaw jila mbər tar təbbə kə̂ to kə ndɔ kə ndɔ le jarəse. Təbbə kə̂ to kə ndɔ kə ndɔ le to mbɔr Bɔ tə̂ ləw ngaâ n̂-tɔjɛ̂ kə ddaka narəje.

1 Jan 3:10

Nɛ̂n kə̂ kayn horo ngann lə Lubba kə ngann lə Əsu â nəənn: Dəw kə̂ to nje-nɛ̂n-dda kə̂ gatə gatə ang wase dəw kə̂ mbətə ngokɔɛ̂n to dəw lə Lubba ang.

1 Jan 3:5

A ə-gərəje to Jeju-Kristə ddee mba kɔru majangje lə dəwje, majang kâra to rɔɛ̂ tə̂ ang.

1 Jan 5:19

Jeje, n-gərəje to n-toje to dəwje lə Lubba, a duninya nəənn tɔyn to mə ji Nje-mə-majang tə̂.

Judə 1:6

Oleje məse dɔ tar tə̂ lə anjəje kə̂ ngəmje lo ləde kə̂ Lubba arəde ang, a tusuje lo ləde inyaje le, Əbbə-dəwje tɔde ungude lo tə̂ kə̂ il biti biti nyɔm mba ngəbbə nɛ̂n tɔkə ndɔ sariya.

Apokalisi 20:10

Ngaâ dila Əsu kə̂ nje-kərəde le mə ndakə puru kə supərə tə̂, lo tə̂ kə̂ da le kə nje-kila mbər tar kə̂ tɔkɔrɔ ang le eeje tə̂. Dâ kooje ndoo nya, kar kə til, bbal kə bbal.

Apokalisi 20:15

Dəw kə̂ dinga ria makəturu təbbə tə̂ le ang a, dilɛ̂ ndakə puru tə̂ le.