1 Jan 3:5 - Dɔnɔn kə̂ Siki: Tar kə̂ aw arə təbbə

⁵ A ə-gərəje to Jeju-Kristə ddee mba kɔru majangje lə dəwje, majang kâra to rɔɛ̂ tə̂ ang.

1 Jan 3:5 ပူးပေါင်းရင်းမြစ်များ

Matiye 1:21

Nâ kuju ngonn kə̂ dingaw, ta â kunda ria nan Jeju, mba ne â nâ kaji dəwje laa mə majangje tə̂ ləde.»

Luku 23:41

Sariya ləje to kə dɔgɔlɛ̂, mba to kuka nɛ̂nje kə̂ maji ang kə̂ n-dda â jinga. A ne, n̂-dda nɛ̂n kə̂ maji ang kâra ang.»

Luku 23:47

Nje-kɔn dɔ mbambaje oo nɛ̂njeenn le a, ɔsu gaji Lubba pa nan: «Tɔkɔrɔ njaa dəw nəənn to gatə gatə.»

Tar kə̂ Maji kə̂ Jan dda makəturu tə̂ 1:29

Lo-karɛ̂ kə̂ goe tə̂ a, Jan oo Jeju kə̂ aw ddee kə rɔɛ̂ tə̂ ngaâ pa nan: «Ngonn batə lə Lubba kə̂ to nje-kɔru majang lə dəwje kə̂ duninya tə̂ â nəənn.

Tar kə̂ Maji kə̂ Jan dda makəturu tə̂ 1:31

Əman, m-gəre kete ang. A m-ddee ta dda dəwje batɛm maann, ta dda karə dəwje kə̂ Ijarayɛl gəreje.»

Tar kə̂ Maji kə̂ Jan dda makəturu tə̂ 14:30

Mâ pa tar nya karəse ang ngaa. Mba nje-kɔn dɔ duninya nəənn aw ddee. Nubba singa tɛn dɔm tə̂ ang.

Tar kə̂ Maji kə̂ Jan dda makəturu tə̂ 8:46

Horose tə̂ nəənn, nan â, a kasə ta tɔjum to m-dda majang wa? Maw pa tar kə̂ tɔkɔrɔ a, ə-ndikije tə̂ kə tar ləm ang mba ddi wa?

2 Kɔrɛntinyɛje 5:21

Kristə dda majang kâra ang. A Lubba arə noto majang ləje. Yeenn bba karə n-ddeeje to dəwje kə̂ gatə gatə kəm Lubba tə̂ ddəw tə̂ lə Kristə.

1 Timɔte 1:15

Tar nəənn to tar kə̂ tɔkɔrɔ, maji karə dəwje tɔyn taaje tar nəənn ngəmje məde tə̂: Jeju-Kristə ddee dɔ nangə tə̂ mba kaji njê-nɛ̂n-ddaje kə̂ maji ang. Əman njaa m-to dəw kə̂ dda majang uta kəsə dəwje tɔyn.

1 Timɔte 3:16

Tɔkɔrɔ njaa, tar mə-kunn kə̂ n̂-tee kə gəle kə ddaka le to nɛ̂n kə̂ ngəng nya. Tarɛ̂ le tokə be: Kristə unn da-rɔ dəw, Ndil-mə-nda pa tar-naji laa nan n̂-to gatə gatə, anjəje ooeje, dəwje ilaje mbər tar laa horo gəl-dəwje tə̂, dəwje kə̂ dɔ nangə tə̂ unnje məde arɛ̂, Lubba unnɛ̂ aw saa darâ lo piti tə̂ laa.

Titə 2:14

Nunn rɔɛ̂ njaa narə yo mbaje, mba kɔruje mə majang tə̂ ngaâ ta toko nɛ̂n-yərəw ləje karə n-toje to dəwje laa njaa ddəm karə n-toje to dəwje kə̂ bbo dda kulaje kə̂ maji to məde tə̂ nya ddəm.

Ebərəje 1:3

Ddəw tə̂ lə Ngonn le â dəwje ooje piti lə Lubba kə̂ aw ndoko ngaâ n̂-to tokə Lubba njaa. Tar laa kə̂ ee kə singa nya aw dda arə nɛ̂nje tɔyn naynje kə lo-tode. N̂-toko majang lə dəwje ngaâ goe tə̂ a, naw nisi darâ dɔ ji-kɔl Lubba tə̂ kə̂ to nje-singa-mɔngu.

Ebərəje 4:15

Tɔkə nje-polo Lubba ləje le, nɛ̂nje kə̂ jubbaje singa tə̂ ang a, nasə ta koo ndoo kə je ddəwe tə̂. Mba n̂-nɛɛ̂n mə nɛ̂nje tə̂ tɔyn tokə jeje njaa tɔ, a ne n̂-dda majang kâra ang.

Ebərəje 7:26

Yeenn a, Jeju â to tɔkə nje-polo Lubba kə̂ maji karə jingaje. N̂-maji tɔyn, nɛ̂n-yərəw kâra ɔrɛ̂ ang, n̂-dda majang ang. Lubba undɛ̂ dang kə njê-nɛ̂n-ddaje kə̂ maji ang ngaâ aw undɛ̂ ddutu dara tə̂ nu.

Ebərəje 9:26

Mba bbo tokə baann a, nâ koo ndoo koy nɛ̂n gɔl banya nya, kunn-kute tə̂ kə̂ Lubba dda nɛ̂n duninya. A bbasinɛn nəənn, ddutu ndɔje tə̂ nəənn, Kristə ddee gɔl kâra baa to dɔbɔyn. Nunn rɔɛ̂ njaa narə to nɛ̂n-polo ta kɔru nɛ̂n majang kə ddang.

Ebərəje 9:28

Ddəw kâra baa, Kristə unn rɔɛ̂ arə to nɛ̂n-polo gɔl kâra baa ta kɔru nɛ̂n tar majang lə dəwje kə̂ banya. Nâ təl ddee kə̂ gɔl joo laa ta kaji dəwje kə̂ aw nginɛ̂nje, bbo ta kɔru tar majang ang ngaa.

1 Piyɛr 1:18

Nɛ̂n-ddaje lə kaseseje kə̂ to nɛ̂nje kə̂ baa â unnje goe. A ə-gərəje kə majɛ̂ to, Lubba uka dɔse bba tee nɛ̂n kə̂ se mə nɛ̂nje tə̂ənn le kə ddang. Andə wase narɛ kə̂ toje to nɛ̂nje kə̂ aw tuju â nuka nɛ̂n dɔse le ang.

1 Piyɛr 1:20

Lubba mbəre kete bba dda duninya ngaâ tɔjɛ̂ kə ddaka ddutu ndɔ tə̂ mba maji ləse.

1 Piyɛr 2:22

Kristə dda majang ang, nərə ngəm ndɔ kâra ang.

1 Piyɛr 2:24

Noto majangje ləje dɔɛ̂ tə̂ dɔ kakə-dəsə tə̂ mba karə jeje kə̂ jɔruje rɔje majang tə̂, ddəw koy tə̂ kə̂ joyje saa mban le jisije kəm baa mba dda nɛ̂n kə̂ gatə gatə. Ddəw doje tə̂ kə̂ ninga, najije rɔ-toje tə̂ ləje.

1 Piyɛr 3:18

Mba Kristə le njaa oy gɔl kâra baa mba majangje lə dəwje. Ne kə̂ n̂-to gatə gatə, noy mba dəwje kə̂ toje gatə gatə ang, mba kaw kə se rɔ Lubba tə̂. Dəwje tɔl da-rɔɛ̂, a Lubba ndole arə n̂-təl nisi kəm baa ddəw tə̂ lə Ndil-mə-nda.

1 Jan 1:2

Mba təbbə le tɔju rɔɛ̂ kə ddaka ngaâ jooe. N-to njê-pa tar-naji lə təbbə le ngaâ jaw jila mbər tar təbbə kə̂ to kə ndɔ kə ndɔ le jarəse. Təbbə kə̂ to kə ndɔ kə ndɔ le to mbɔr Bɔ tə̂ ləw ngaâ n̂-tɔjɛ̂ kə ddaka narəje.

1 Jan 1:7

A, bbo n-njaje lo-karɛ tə̂, tokə ne njaa kə̂ nee lo-karɛ tə̂ le a, mə-kâra to horoje tə̂ kə ngamarjeje ngaâ məsə Ngonnɛ̂ Jeju toko majang ləje tɔyn.

1 Jan 2:1

Ngannəm, m-pa tar nəənn makəturu tə̂ marəse mba karə ə-ddaje majang ang. A bbo marə dəw dda majang a, jee kə Nje-taa dɔ dəwje mbɔr Bɔy tə̂. Ria nan Jeju-Kristə kə̂ to gatə gatə.

1 Jan 2:2

Nunn rɔɛ̂ to nɛ̂n-polo mba toko nɛ̂n majang ləje. N̂-to nɛ̂n-polo mbaje kə karəje baa ang. N̂-to nɛ̂n-polo mba dəwje tɔyn kə̂ dɔ nangə tə̂ nəənn.

1 Jan 2:29

Bbo ə-gərəje to Kristə to gatə gatə a, maji karə ə-gərəje tɔ to, dəwje kə̂ ddaje nɛ̂n kə̂ gatə gatə toje to ngannje lə Lubba.

1 Jan 3:8

Dəw kə̂ nayn ddəw majang tə̂ to dəw lə Əsu, mba Əsu to nje-nɛ̂n-dda kə̂ maji ang kunn-kutu nɛ̂nje tə̂ njaa. Mba yeenn bba, Ngonn lə Lubba ddee ta tuju kula-dda lə Əsu.

Apokalisi 1:5

Maji karə Jeju-Kristə kə̂ to nje-tar-naji kə̂ gatə gatə, ne kə̂ n̂-to dɔngɔr dəw kə̂ ndol horo dəwje tə̂ kə̂ oyje ddəm n̂-to Mbay-dɔ-mbayje kə̂ nangə̂ nəənn ddəm n̂-dda kə se mə-maji ngaâ narə məse wul lɔm tɔ. Jeju-Kristə le ndikije ngaâ ɔruje mə majangje tə̂ ləje ddəw məse tə̂.