1 Jan 3:24 - Dɔnɔn kə̂ Siki: Tar kə̂ aw arə təbbə

²⁴ Dəw kə̂ ngəm ndu lə Lubba nayn ddəw mə-kâra tə̂ kə Lubba ngaâ Lubba nayn ddəw mə-kâra tə̂ saa. Nɛ̂n kə̂ tɔju to Lubba dda mə-kâra kə je to Ndil-mə-nda kə̂ narəje.

1 Jan 3:24 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 10:38

A bbo maw dda kulaje le, a bbo ə-ndikije tə̂ kə tar ləm ang kara, maji karə kulaje le ə-ndikije tə̂. Yeenn bba a gərəje kə majɛ̂ to, əman kə Bɔ, n-to dəwje kə̂ kâra baa.»

Tar kə̂ Maji kə̂ Jan dda makəturu tə̂ 14:17

To Ndil tar kə̂ tɔkɔrɔ. Dəwje kə̂ duninya tə̂ nəənn asəje ta tɛɛ̂je məde tə̂ ang, mba dooeje ang ddəm n̂-gəreje ang ddəm. A sese, ə-gəreje, mba nee mbɔrse tə̂ ngaâ nâ to məse tə̂ kə ndɔ tɔyn.

Tar kə̂ Maji kə̂ Jan dda makəturu tə̂ 17:21

M-duji karə dede tɔyn n̂-ddeeje to dəwje kə̂ kâra baa. Bɔy, maji karə n̂-ddaje mə-kâra kə je, ddəw kâra baa tokə əi ə-dda mə-kâra səm ngaâ əman m-dda mə-kâra səi le. Maji karə n̂-ddeeje to dəwje kə̂ kâra baa ddəw mə-kâra tə̂ kə̂ n̂-ddaje kə je, bba karə dəwje kə̂ duninya tə̂ gərəje to əi â ulam.

1 Kɔrɛntinyɛje 3:16

Ə-gərəje ang wa? Ə-toje to kəy-polo Lubba ngaâ Ndil lə Lubba isi məse tə̂.

1 Kɔrɛntinyɛje 6:19

Wase ə-gərəje ang wa? Da-rɔse to kəy-to Ndil-mə-nda kə̂ to rɔse tə̂. Ndil-mə-nda kə̂ in rɔ Lubba tə̂. Da-rɔse to ləse njaa ang.

2 Kɔrɛntinyɛje 6:16

Ddi bba a mbɔn kəy-polo Lubba kə kɔrje naan tə̂ wa? Mba jeje, n-to kəy-polo Lubba kə̂ nje-kisi kəm baa. Lubba le njaa pa nan: «Mâ kisi horode tə̂ ddəm mâ nja horode tə̂ ddəm. Mâ to Lubba ləde ngaâ dâ toje to dəwje ləm.»

1 Tesalonisinyɛje 4:8

Yeenn bba bbo dəw kə̂ mbətə nduje nəənn a, to dəw â n̂-mbəte ang, Lubba kə̂ arəse Ndil-mə-nda laa â n̂-mbəte.

2 Timɔte 1:14

Maji karə ə-ngəm nɛ̂nje kə̂ maji kə̂ Lubba inya mə jii tə̂ le ddəw singa tə̂ lə Ndil-mə-nda kə̂ isi məje tə̂.

1 Jan 2:24

A sese, maji karə tar kə̂ ooje kunn-kute tə̂ njaa nayn məse tə̂. Bbo tar kə̂ ooje kunn-kute tə̂ le nayn məse tə̂ a, yeenn pa nan ə-naynje ddəw mə-kâra tə̂ kə Ngonn ddəm kə Bɔ ddəm.

1 Jan 2:3

Bbo n-ngəmje ndu lə Lubba a, yeenn tɔju to n-gərəje Lubba.

1 Jan 2:5

Dəw kə̂ ngəm tar lə Lubba məɛ̂ tə̂, ndiki lə Lubba to məɛ̂ tə̂ tɔkɔrɔ. Yeenn tɔju to n-ddaje saa mə-kâra.

1 Jan 2:6

Dəw kə̂ pa nan n̂-dda mə-kâra kə Lubba a, maji karə dəw le nja tokə Jeju nja.

1 Jan 3:22

Nɛ̂n tɔyn kə̂ n-dujuje a, ja kingaje jia tə̂, mba jaw ngəmje ndu laa ngaâ jaw ddaje nɛ̂n kə̂ məɛ̂ ndiki.

1 Jan 4:7

Ngakɔnʼmje kə̂ m-ndikise, maji karə n-ndikije naan horoje tə̂, mba ndiki in rɔ Lubba tə̂. Dəw kə̂ ndiki nje-marɛ̂ to dəw kə̂ Lubba uje ngaâ n̂-gərə Lubba.