1 Jan 2:7 - Dɔnɔn kə̂ Siki: Tar kə̂ aw arə təbbə

⁷ Ngakɔnʼmje kə̂ m-ndikise nya, ndu kə̂ m-dda makəturu tə̂ marəse nəənn to ndu kə̂ siki ang. To ndu kə̂ darəse ləw baa. Ndu kə̂ ləw le to tar kə̂ ooje kete mban.

1 Jan 2:7 ပူးပေါင်းရင်းမြစ်များ

Matiye 5:43

«Ooje tar kə̂ n̂-pa ləw nan: ‹Maji karə ə-ndiki nje-mari. A ə-mbətə nje-baan ləi.›

Tar kə̂ Maji kə̂ Jan dda makəturu tə̂ 13:34

Maw munn ndu kə̂ siki marəse: Maji karə ə-ndikije naan. Əsese tɔyn ə-ndikije naan tokə əman m-ndikise.

Kulaje 17:19

Duwaje Pɔl dawje saa Ayeropajə ngaâ n̂-dujeje nan: «Ja kasə gərə nɛ̂n-tɔju kə̂ siki kə̂ aw tɔju nəənn wa?

Ebərəje 6:9

Ngakɔnje kə̂ n-ndikise nya, jaw pa tar be njaa, a n-gərə to ə-naynje ddəw tə̂ kə̂ maji kə̂ to ddəw kinga kaji le.

1 Jan 2:24

A sese, maji karə tar kə̂ ooje kunn-kute tə̂ njaa nayn məse tə̂. Bbo tar kə̂ ooje kunn-kute tə̂ le nayn məse tə̂ a, yeenn pa nan ə-naynje ddəw mə-kâra tə̂ kə Ngonn ddəm kə Bɔ ddəm.

1 Jan 3:11

Tar kə̂ ooje kunn-kute tə̂ njaa nan: Maji karə n-ndikije naan horo naan tə̂.

1 Jan 3:2

Ngakɔnʼmje kə̂ m-ndikise, kə̂ bbasinɛn nəənn n-toje to ngann lə Lubba ngaa. Ndɔ kə̂ bara a, ja toje tokə baânn wa? Yeenn â n-gərəje ang bbay. A n-gərəje to ndɔ kə̂ Jeju-Kristə ddee a, ja toje tokə ne, mba ja kooeje se n̂-to tokə baânn wa!

1 Jan 3:21

Ngakɔnʼmje kə̂ m-ndikise nya, bbo kəjə ləje unda tar dɔje tə̂ ang a, məje a koso pɔn nɔn Lubba tə̂.

1 Jan 3:23

A ndu laa kə̂ narəje tokə be: Maji karə jooje məje tə̂ kə ri Ngonnɛ̂ Jeju-Kristə ngaâ n-ndikije naan horo naan tə̂ ddəw kâra baa kə ndu kə Kristə unn arəje le.

1 Jan 4:1

Ngakɔnʼmje kə̂ m-dikise, bbo dəw pa nan Ndil-mə-nda to rɔɛ̂ tə̂ a, ooje məse tə̂ kə tar laa le kə ngɔru ang. Maji karə ə-nanje dəw le ooje se ndil kə̂ to məɛ̂ tə̂ to Ndil lə Lubba njaa wa bba. Mba njê-kilaje mbər tar kə̂ tɔkɔrɔ ang banyaje dɔ nangə tə̂ nya.

1 Jan 4:11

Ngakɔnʼmje kə̂ m-ndikise, bbo Lubba ndikije baann a, maji karə jeje kara n-ndikije naan horoje tə̂.

1 Jan 4:21

Ndu kə̂ Kristə arəje â nəənn: Maji karə dəw kə̂ ndiki Lubba ndiki ngokɔɛ̂n tɔ.

1 Jan 4:7

Ngakɔnʼmje kə̂ m-ndikise, maji karə n-ndikije naan horoje tə̂, mba ndiki in rɔ Lubba tə̂. Dəw kə̂ ndiki nje-marɛ̂ to dəw kə̂ Lubba uje ngaâ n̂-gərə Lubba.