1 Jan 2:20 - Dɔnɔn kə̂ Siki: Tar kə̂ aw arə təbbə

²⁰ A sese, Ndil-mə-nda kə̂ Kristə arəse le isi məse tə̂ arə sese tɔyn ə-gərəje tar kə̂ tɔkɔrɔ.

1 Jan 2:20 ပူးပေါင်းရင်းမြစ်များ

Matiye 13:11

Jeju ilade tə̂ nan: «Sese, darə ə-gərəje tar kɔn-mbay kə̂ darâ kə̂ to tar kə̂ iya rɔɛ̂. A dede, darə n̂-gərəje ang.

Marke 1:24

«Jeju kə̂ Najarɛtə, ddi â ə-ndiki ta dda kə je wa? Ə-ddee ta tɔlje wa? M-gəri kə majɛ̂. Ə-to dəw kə̂ Lubba undai dang ngaâ ulai.»

Luku 4:18

«Ndil lə Əbbə-dəwje to dɔm tə̂, mba nungu ubbu dɔm tə̂ karə mila mbər Tar kə̂ Maji marə njê-ndooje. Nulam karə m-pa marə bbərəje to dâ teeje kɔ bbərə tə̂, karə m-pa marə njê-kəm-tɔje to dâ təlje kooje lo, nulam karə mɔru dəwje ndoo tə̂ kə ddang.

Luku 4:34

«Ya! Ddi â ə-ndiki rɔje tə̂ wa? Jeju kə̂ Najarɛtə! Ə-ddee ta tɔlje wa? M-gəri kə majɛ̂. Ə-to dəw kə̂ Lubba undai dang ngaâ ulai.»

Tar kə̂ Maji kə̂ Jan dda makəturu tə̂ 14:26

A Nje-kumanse kə̂ to Ndil-mə-nda kə̂ Bɔ a kulɛ̂ kə rim le, ne â nâ tɔjuse nɛ̂n tɔyn ngaâ nâ kole məse dɔ nɛ̂nje tə̂ tɔyn kə̂ m-pa marəse.

Tar kə̂ Maji kə̂ Jan dda makəturu tə̂ 16:13

Bbo Ndil tar kə̂ tɔkɔrɔ le ddee a, nâ tɔjuse nɛ̂n kə̂ tɔkɔrɔ tɔyn. Tar kə̂ məɛ̂ tə̂ njaa â nâ pa ang. Tarje tɔyn kə̂ noo â nâ pa ngaâ nâ pa nɛ̂nje kə̂ a ta ddeeje karəse.

Kulaje 10:38

Ə-gərəje ddəw kə̂ Lubba ula nɛ̂n singa-mɔngu kə Ndil-mə-nda dɔ Jeju kə̂ Najarɛtə tə̂ kə majɛ̂. Narə n̂-dda maji kə dəwje tɔyn kə lo lo ddəm naji dəwje tɔyn kə̂ Əsu uwade bbərə tə̂ ddəm mba Lubba ee saa.

Kulaje 3:14

Ə-mbətəje dəw kə̂ maji tɔyn, dəw kə̂ gatə gatə ngaâ ə-dujuje arə dɔru nje-tɔl dəwje kəy-kula tə̂ darəse.

1 Kɔrɛntinyɛje 2:15

A dəw kə̂ Ndil lə Lubba to rɔɛ̂ tə̂ gərə gəl nɛ̂nje tɔyn. A ne, dəw kə̂ nje-gərə gəle goto.

Ebərəje 1:9

Nɛ̂n kə̂ gatə gatə â ə-ndiki, a ə-mbətə majang. Mba yeenn bba, Lubba kə̂ to Lubba ləi le mbəri horo njê-marije tə̂ ngaâ ungu ubbu kusu dɔi tə̂.»

Ebərəje 8:11

Dəw kâra a tɔju nɛ̂n nje-bbe marɛ̂ ang ngaa ddəm ngokɔɛ̂n ang ngaa ddəm, ta pa nan: ‹Maji karə ə-gərə Əbbə-dəwje!› Dəw a pa baann ang ngaa. Mba dəwje tɔyn a gərəmje, unn kute dɔ njê kə̂ ngaji tə̂ ndərəng dɔ njê kə̂ tɔkə tə̂.

1 Jan 2:27

A sese, Ndil-mə-nda kə̂ Kristə arəse nayn kə se le, marə dəw kə̂ dang a tɔjuse nɛ̂n ang ngaa. Ndil-mə-nda kə̂ Kristə arəse le aw tɔjuse nɛ̂nje tɔyn. Naw tɔjuse tar kə̂ tɔkɔrɔ mba n̂-to Ndil tar kə̂ tɔkɔrɔ bbo nərə ngəm ang. Yeenn bba, maji karə ə-naynje ddəw mə-kâra tə̂ saa tokə Ndil-mə-nda tɔjuse.

1 Jan 4:13

Ddəw kə̂ n-gərəje nɛ̂n to n-naynje ddəw mə-kâra tə̂ kə Lubba ngaâ ne kâra n̂-nayn ddəw mə-kâra tə̂ kə je to tokə be: Narəje Ndil laa.

Judə 1:5

Ə-gərəje tar nɛ̂nje nəənn le tɔyn kə majɛ̂ kete mban, a m-ndiki ta kole məse dɔɛ tə̂ bbay: Əbbə-dəwje aji dəwje laa nangə tə̂ kə̂ Ejipitə bba goe tə̂ a, narə dəwje kə̂ ooje məde tə̂ saa ang oyje.

Apokalisi 3:7

Ə-dda makəturu ula nɛ̂n arə anjə kə̂ Egilisi tə̂ kə̂ Piladɛlpi ə-pa nan: Tar lə Dəw kə̂ maji tɔyn, ne kə̂ n̂-to Tɔkɔrɔ, ne kə̂ ngaw kele lə Dabbiti to jia tə̂, ne kə̂ n̂-təəyn ta-ddəw a, dəw kâra asə ta kutu ang, ne kə̂ nutu ta-ddəw a, dəw kâra asə ta təəyn ang.

Apokalisi 4:8

Bakə nɛ̂nje kə̂ sɔ kə̂ toje kəm baa le eeje misan misan. Kəmde to dɔ bakədeje tə̂ le ddəm kɔ bakədeje tə̂ le ddəm. Daw dɔsuje pa til kə kar, n̂-paje nan: «Əbbə-dəwje Lubba kə̂ Nje-singa-mɔngu maji tɔyn, maji tɔyn, maji tɔyn. Ne kə̂ n̂-to ləw, n̂-to bbasinɛn nəənn, kə̂ naw ddee.»