1 Timɔte 6:9 - Dɔnɔn kə̂ Siki: Tar kə̂ aw arə təbbə

⁹ A dəwje kə̂ ndikije ta ddee to njê-nɛ̂n-kingaje osoje mə nɛ̂n-kərə tə̂. Dosoje mə bandə tə̂ ddəw bbo nɛ̂nje tə̂ kə̂ maji ang dang dang kə̂ aw tuju dəwje ngaâ aw aw kə dəwje arə naynje kə kɔrɔ̂.

Maketuru le Lubba ke tar kabba

⁹ A dewje ke ndikije ta ddee to nje-ne-kingaje osoje me ne-kere te, bbo neje ke maji ang dang dang ddade are dosoje me bande te ngaa dosoje me bbo neje te ke maji ang dang dang ke aw tuju dewje ngaa aw unda dewje ta yo te.

1 Timɔte 6:9 ပူးပေါင်းရင်းမြစ်များ

Matiye 13:22

A marə dəwje toje tokə nangə kə̂ konnje ubbaje tə̂ le. Dooje tar le kə majɛ̂, a kəjə-tarje mba nɛ̂nje kə̂ nangə̂ nəənn kə bbo nɛ̂n-kingaje kə̂ aw ərəde ore dɔ tar le kə nangə̂ arə tar le andə ang.

Matiye 19:22

Basan le oo tar le a, rɔɛ̂ nəəle ang ngaâ ɔtu mba nɛ̂n-kingaje laa banya nya.

Matiye 26:15

ngaâ pa arəde nan: «Bbo mila Jeju jise tə̂ a, ddi bba â karəmje wa?» Tɔkə njê-poloje Lubba arɛ̂je kandə narɛ dɔmota.

Matiye 6:19

«Ə-mbɔnje nɛ̂n-kingaje kə dɔ naan tə̂ duninya tə̂ nəənn ang, mba duninya tə̂ nəənn, sɔlɔlɔ kə mbɔrkasɛ a tujuje nɛ̂n-kingaje le ngaâ njê-bbokoje a tətə ta-kəy mba bboko.

Marke 4:19

a kəjə-tar mba nɛ̂nje kə̂ nangə̂ nəənn, kəm-nda nɛ̂n-kingaje kə bbo nɛ̂nje dang dang kə̂ aw ərə dəw andəje məde tə̂ ngaâ ore tar le kə nangə̂ arə andə ang.

Luku 12:21

Dəw kə̂ mbɔn nɛ̂n-kingaje mba tar dɔɛ̂ njaa bbo mba Lubba ang, dəw le to tokə lə mbə le tɔ.»

Luku 21:35

tokə lə bandə kə̂ aw uwa da, mba ndɔ le a ddee busu dɔ dəwje tə̂ tɔyn kə̂ dɔ nangə tə̂.

Kulaje 8:20

A Piyɛr ilɛ̂ tə̂ nan: «Maji karə oy kə narɛ ləi tɔyn, mba əjə to â kasə ndoko nɛ̂n kə̂ Lubba aw arə dəw baa kə narɛ.

Epɛjinyɛje 4:22

maji karə inyaje pa-nja ləse kə̂ ləw. Inyaje da-rɔ kə ləw kə̂ bbo kə̂ to tə̂ aw dda arə aw tuju.

1 Timɔte 1:9

N-gərə to dəw kə̂ gatə gatə â Ndu to mbɛɛ̂ ang. Ndu to mba njê-kaalje-ta, njê-dɔ-ngəngje kə njê kə̂ mbətəje Lubba, njê-nɛ̂n-ddaje kə̂ maji ang kə njê kə̂ bbəəlje Lubba ang ddəm bbəəlje nɛ̂n lə Lubba ang ddəm njê-tɔlje bɔdede wase kɔndede kə njê-tɔlje ngamarədeje,

1 Timɔte 3:7

Maji karə n̂-to dəw kə̂ dəwje kə̂ toje to njê-mə-kunnje ang paje tar laa maji bba. Baann bba dəwje a nanɛnje saa ang ngaâ nâ koso mə bandə tə̂ lə Əsu ang.

1 Timɔte 6:10

Mba, bbo narɛ â to ngira nɛ̂nje kə̂ maji ang tɔyn. Marə dəwje kə̂ isije kə bbo narɛ inyaje mə-kunn ləde ddəw əw. Yeenn bba dede njaa n̂-darje dɔde nɛ̂n kəm-to-ndooje tə̂ dang dang.

1 Timɔte 6:17

Maji karə unn ndu arə njê-nɛ̂n-kingaje kə̂ bbokənɛn nəənn arə dɔsuje gaji rɔde baa ang. Maji karə dundaje məde kə dɔ nɛ̂n-kingaje tə̂ ang, mba to nɛ̂nje kə̂ a ndayje. A maji karə dundaje məde dɔ Lubba tə̂ kə̂ aw arəje nɛ̂n tɔyn arə uta dɔɛ̂ karə jisi nɛ̂n kə majɛ̂.

2 Timɔte 2:26

Dâ təlje kingaje kəjə kə̂ maji guku ngaâ dâ teeje mə bandə tə̂ lə Əsu kə̂ uwade arə daw ddaje nɛ̂n kə̂ məɛ̂ ndiki le.

Titə 2:12

Mə-maji laa le tɔjuje karə jinyaje pa-nja ləje kə̂ maji ang kə bbo nɛ̂nje kə̂ nangə̂ nəənn, mba karə kisi ləje to kə dɔgɔlɛ̂ ddəm gatə gatə ddəm ngaâ karə juwaje tar lə Lubba jarəje ngəng.

2 Piyɛr 2:3

Bbo nɛ̂n-kinga a ddade nya ngaâ dâ kərəjese taa nɛ̂n nɛ̂nje ləse. A sariya kə̂ dɔde tə̂ to ngɔsi ngɔsi ləw baa ngaâ mbɔr ang a, dâ kubbaje tuju.

Judə 1:11

Nɛ̂n-wungu a ddee dɔde tə̂, mba n̂-ddaje nɛ̂n tokə lə Kayn. Dərəje ngəm tokə lə Balaam mba kinga nɛ̂n narɛ, n̂-ddaje dɔ-ngəng tokə lə Kore.