1 Timɔte 6:18 - Dɔnɔn kə̂ Siki: Tar kə̂ aw arə təbbə

¹⁸ Maji karə ə-pa arə n̂-ddaje maji, n̂-ddaje kula kə̂ maji nya, arə dɔsuje ngar kə mə-kâra ngaâ n̂-kaynje dəwje dəbbə nɛ̂n-kingaje ləde.

Maketuru le Lubba ke tar kabba

¹⁸ E-pa are n̂-ddaje maji, n̂-ddaje kula ke maji nya, are dɔsuje ngar ke me kara ngaa n̂-kaynje debbe ne-kingaje lede dewje.

1 Timɔte 6:18 ပူးပေါင်းရင်းမြစ်များ

Matiye 5:42

Bbo dəw duji nɛ̂n a, arɛ̂. Ngaa bbo dəw duju ta tunain nɛ̂n a, ɔkɛ̂ ang.»

Luku 12:21

Dəw kə̂ mbɔn nɛ̂n-kingaje mba tar dɔɛ̂ njaa bbo mba Lubba ang, dəw le to tokə lə mbə le tɔ.»

Luku 3:11

Nilade tə̂ nan: «Maji karə dəw kə̂ kubbu laa kə̂ taar ee joo a, unn kâra arə dəw kə̂ kubbu due, dəw kə̂ nɛ̂n-kusa laa to a, dda tokə baann tɔ.»

Kulaje 10:38

Ə-gərəje ddəw kə̂ Lubba ula nɛ̂n singa-mɔngu kə Ndil-mə-nda dɔ Jeju kə̂ Najarɛtə tə̂ kə majɛ̂. Narə n̂-dda maji kə dəwje tɔyn kə lo lo ddəm naji dəwje tɔyn kə̂ Əsu uwade bbərə tə̂ ddəm mba Lubba ee saa.

Kulaje 11:29

Njê-njaje go Jeju tə̂ ooje ta naan karə dəw kâra kâra unn nɛ̂n kə̂ asə singɛ̂ mba kula nɛ̂n karə duman nɛ̂n njê-mə-kunnje kə̂ Jude.

Kulaje 9:36

Mə bbe tə̂ kə̂ Jope, marə dɛnɛ̂n kə̂ to nje-nja go Jeju tə̂ ee tə̂ənn. Ria nan Tabita. Daw bbar Tabita le kə ndɔn-tar gerekə nan Dɔrkas. Kandə ri le nan: Dul. Kula kə̂ maji dɔrɔ â n̂-dda ngaâ naw narə nɛ̂n njê-ndooje naw numan nɛ̂n de tɔ.

Rɔmɛnje 12:13

Maji karə umanje njê-mə-kunnje kə̂ nɛ̂n dude, ə-taaje njê-mbaje kə̂ awje rɔse tə̂ kə rɔ-nəəl.

Rɔmɛnje 12:8

Dəw kə̂ Lubba arɛ̂ gusu karə n̂-ndəjə dəwje a, maji karə n̂-ndəjə dəwje. Maji karə dəw kə̂ to nje-nɛ̂n-karə, arə nɛ̂n kə mə-kâra. Maji karə dəw kə̂ nje-tɔju ddəw dəwje, tɔju kə dɔgɔlɛ̂, dəw kə̂ aw dda maji kə dəwje, dda kə rɔ-nəəl.

1 Kɔrɛntinyɛje 16:2

Kə ndɔ-kuwa-rɔ kâra kâra tɔyn, maji karə dəw kâra kâra unn marə nɛ̂n ngəm dang kə̂y laa, mba karə ndɔ kə̂ m-tee bba unnje kutu mbɔn nɛ̂n-karə-baa le ang.

2 Kɔrɛntinyɛje 8:12

Bbo dəw ee kə kəjə kə̂ maji ta karə nɛ̂n nɛ̂n kə̂ to jia tə̂ a, Lubba a koo nɛ̂n le maji kəmɛ̂ tə̂. Nɛ̂n kə̂ to ji dəw tə̂ ang â Lubba a duju ang.

2 Kɔrɛntinyɛje 8:9

Mba ə-gərəje mə-maji lə Əbbəjeje Jeju-Kristə kə̂ to nje-nɛ̂n-kinga, bba təl dda rɔɛ̂ to nje-ndoo mba tar ləse, bba karə ndoo laa dda arə ə-ddeeje to njê-nɛ̂n-kingaje.

Galatəje 6:10

Yeenn a, kar kə̂ jee kə ddəw bbay nəənn, maji karə n-ddaje maji kə dəwje tɔyn. Uta tɔyn, n-dda maji kə ngakɔnje njê-mə-kunnje.

Epɛjinyɛje 4:28

Maji karə nje-bboko inya bboko laa, a unn rɔɛ̂ dda kula kə jia mba kinga nɛ̂n kə ddəwe. Baann bba nâ kinga nɛ̂n mba kuman nɛ̂n njê kə̂ nɛ̂n dude.

1 Timɔte 5:10

Maji karə ria bbar mba kula-ddaje kə̂ maji: Maji karə n̂-to dəw kə̂ ngəm ngannɛ̂, dəw kə̂ ngəm njê-mbaje, nje-toko gɔl dəwje lə Lubba. Maji karə n̂-to dəw kə̂ aw aa dəwje kə̂ nɛ̂n kəm-to-ndoo oso dɔde tə̂ oo. Maji karə n̂-to dəw kə̂ dda marə kulaje kə̂ maji dang dang.

Titə 2:14

Nunn rɔɛ̂ njaa narə yo mbaje, mba kɔruje mə majang tə̂ ngaâ ta toko nɛ̂n-yərəw ləje karə n-toje to dəwje laa njaa ddəm karə n-toje to dəwje kə̂ bbo dda kulaje kə̂ maji to məde tə̂ nya ddəm.

Titə 3:8

Tar nəənn to tar kə̂ asə karə dəw unda məɛ̂ dɔɛ tə̂. M-ndiki ta karə ar dɔɛ tə̂ nya, mba karə dəwje tɔyn kə̂ undaje məde dɔ Lubba tə̂ unnje rɔde mba dda kulaje kə̂ maji uta. Yeenn to nɛ̂n kə̂ kura ngaâ aw dda maji kə dəwje.

Ebərəje 13:16

Maji karə məse oy ta dda maji kə naan ang ddəm ta kɔsu naan ngar ang ddəm. Mba nɛ̂n-poloje kə̂ baann â nəəl kəm Lubba tə̂.

Jakə 2:5

Ngakɔnʼmje kə̂ m-ndikise nya, ooje tar nəənn: Lubba mbərə dəwje kə̂ dəwje kə̂ duninya tə̂ nəənn oojede to njê-ndooje, ta karə n̂-ddeeje to njê-nɛ̂n-kingaje ddəw mə-kunn tə̂ ddəm ta karə Bbe-kɔn kə̂ Lubba unn ndue ta karə dəwje kə̂ ndikeje le ddee to ləde ddəm.

1 Piyɛr 3:11

Maji karə nayn majang ta n̂-dda maji, Maji karə n̂-sangə mə-wul-lɔm ta n̂-nayn ddəwe tə̂.

1 Jan 3:17

Bbo dəw inga nɛ̂nje kə̂ dɔ nangə tə̂ nəənn ngaâ gərə to nɛ̂n du ngokɔɛ̂n, a numɛ̂n ang a, dəw le a pa nan n̂-ndiki Lubba tokə baânn wa?

3 Jan 1:11

Ngokɔnʼm kə̂ m-ndikii nya, kula-dda kə̂ maji â ə-ndaji bbo kula-dda kə̂ maji ang â ə-ndaji ang. Dəw kə̂ dda maji to dəw lə Lubba. Dəw kə̂ dda maji ang gərə Lubba ang.