1 Timɔte 4:15 - Dɔnɔn kə̂ Siki: Tar kə̂ aw arə təbbə

¹⁵ Nɛ̂ɛnn â maji karə unda məi dɔɛ̂ tə̂. Maji karə unn rɔi ila kula tə̂ ləi. Yeenn bba dəwje tɔyn a kooje kula ləi kə̂ aw kə kete kete le.

Maketuru le Lubba ke tar kabba

¹⁵ Neenn a, maji kare unda mei dɔe te. Maji kare unn rɔi ila kula te lei. Yeenn bba dewje tɔyn a kooje to kula lei aw ke kete kete.

1 Timɔte 4:15 ပူးပေါင်းရင်းမြစ်များ

Matiye 5:16

Ddəw kâra baa, arəje ndoko ləse to kəm dəwje tə̂ tɔyn. Yeenn bba dâ koo kula-ddase kə̂ maji ngaâ dâ kɔsu nɛ̂n gaji Bɔsese kə̂ isi darâ.»

Kulaje 6:4

A Jeje, ja kunnje rɔje mba kula duju Lubba kə kula tɔju tar lə Lubba.»

1 Kɔrɛntinyɛje 16:15

Ngakɔnʼmje, ə-gərəje to Ɛstepanas de kə njê kə̂ kə̂y laa n̂-toje to dəwje kə̂ Akay kə̂ dɔngɔr kə̂ ooje məde tə̂ ngaâ dumanje njê-mə-kunnje nya.

2 Kɔrɛntinyɛje 4:14

N-gərə to, Lubba kə̂ ndol Əbbə-dəwje Jeju le, a ndolje saa tɔ. Ngaâ nâ karə jeje kə se jar nɔɛ̂n tə̂ kâra baa.

2 Kɔrɛntinyɛje 8:5

N̂-ddaje nɛ̂n kə̂ uta dɔ ye kə̂ junda məje karə n̂-ddaje: Dunnje rɔde darə Əbbə-dəwje ngaâ dunnje rɔde darəjeje tɔ ddəw mə-ndiki tə̂ lə Lubba.

1 Timɔte 4:14

Ndil-mə-nda ari gusu. Ə-dda ngar kə gusu le ang. Inga gusu le go tarje tə̂ kə̂ njê-kilaje mbər tar lə Lubba paje ngaâ dəwje kə̂ dɔ Egilisi tə̂ mbɔnje naan ilaje jide dɔi tə̂.

1 Timɔte 4:16

Ə-ngəm rɔi kə majɛ̂, unda kəmi dɔ nɛ̂n-tɔju tə̂ ləi. Ə-nayn ddəwe tə̂ kə ndɔ tɔyn, mba bbo ə-dda tokə baann a, əi njaa â kaji rɔi ddəm â kaji dəwje kə̂ aw ooje tar ləi ddəm.

1 Timɔte 4:6

Bbo ə-tɔju nɛ̂nje kə̂ m-pa mari nəənn njê-mə-kunnje a, â to nje-kula lə Jeju-Kristə kə̂ tɔkɔrɔ. Baann bba, â tɔju to ə-to dəw kə̂ aw ubba singa ddəw tar mə-kunn tə̂ ddəm ddəw nɛ̂n-tɔju tə̂ kə̂ tɔkɔrɔ kə̂ unn goe le ddəm.

Titə 2:14

Nunn rɔɛ̂ njaa narə yo mbaje, mba kɔruje mə majang tə̂ ngaâ ta toko nɛ̂n-yərəw ləje karə n-toje to dəwje laa njaa ddəm karə n-toje to dəwje kə̂ bbo dda kulaje kə̂ maji to məde tə̂ nya ddəm.