1 Timɔte 3:7 - Dɔnɔn kə̂ Siki: Tar kə̂ aw arə təbbə

⁷ Maji karə n̂-to dəw kə̂ dəwje kə̂ toje to njê-mə-kunnje ang paje tar laa maji bba. Baann bba dəwje a nanɛnje saa ang ngaâ nâ koso mə bandə tə̂ lə Əsu ang.

Maketuru le Lubba ke tar kabba

⁷ Maji kare dewje ke toje to nje-me-kunnje ang paje tar laa maji. Baann bba na koso me bande te le Esu kare ta rɔ-kul ddae ang.

1 Timɔte 3:7 ပူးပေါင်းရင်းမြစ်များ

Marke 4:11

Nilade tə̂ nan: «Sese, darə ə-gərəje tar kɔn-mbay lə Lubba kə̂ to tar kə̂ iya rɔɛ̂. A kəsə dəwje, gusu-tar â daw pa nɛ̂n tar darəde.

Kulaje 10:22

Dilaje tə̂ nan: «Kɔrnɛy kə̂ to nje-kɔn dɔ mbambaje â ulaje. N̂-to dəw kə̂ gatə gatə ngaâ naw bbəəl Lubba. Jiipije tɔyn aw paje tar laa maji. Anjə lə Lubba pa arɛ̂ karə n̂-bbari mə kəy tə̂ laa, karə noo tar kə̂ a ta pa karɛ̂.»

Kulaje 22:12

«Marə dingaw kə̂ ria nan Ananiyas ee nunn, n̂-to dəw kə̂ aw bbəəl Lubba, naw ngəm ndu lə Mɔyijə. Jiipije tɔyn kə̂ mə bbe tə̂ənn aw paje tar laa maji.

Kulaje 6:3

Be a, ngakɔnʼmje, maji karə ə-mbərəje dəwje siri horose tə̂ kə̂ dəwje aw paje tar ləde maji. Dəwje kə̂ Ndil-mə-nda kə kəm-karɛ ddusude arəje jinyaje kula nəənn jide tə̂.

1 Kɔrɛntinyɛje 10:32

Maji karə ə-ddaje marə nɛ̂n kə̂ a dda karə Jiipije wase Gɛrɛkəje wase Egilisi lə Lubba osoje ang.

1 Kɔrɛntinyɛje 5:12

Dəwje kə̂ toje to njê-mə-kunnje ang le to tar ləm ta gangə sariya dɔde tə̂ wa? Dede le Lubba â a gangə sariya dɔde tə̂. A maji karə ə-gangəje sariya dɔ dəwje tə̂ kə̂ lo mbɔn-naan tə̂ ləse tokə makəturu lə Lubba pa. Makəturu le pa nan: «Ɔruje dəw kə̂ maji ang horose tə̂ kə ddang.»

2 Kɔrɛntinyɛje 6:3

N-dda marə nɛ̂n jarə dəw tuka gɔlɛ̂ tə̂ oso kâra ang, bba karə dəw inga marə tar kə̂ maji ang ta pa dɔ kula tə̂ ləje le ang.

2 Kɔrɛntinyɛje 8:21

Mba jaw sangə ddəw ta dda nɛ̂n kə̂ maji kəm Əbbə-dəwje tə̂ kə karɛ̂ baa ang, kəm dəwje tə̂ tɔ.

Kolosinyɛje 4:5

Maji karə ə-njaje horo dəwje tə̂ kə̂ ooje məde tə̂ ang kə kəm-karɛ. Arəje kar kə̂ Lubba inya arəse nday baa ang.

1 Tesalonisinyɛje 4:12

Baann bba pa-nja ləse a dda karə dəwje kə̂ ooje məde tə̂ ang bbəəlse. Ngaâ â ddeeje to nɛ̂n-koto dɔ dəw tə̂ ang.

1 Tesalonisinyɛje 5:22

Majangje dang dang tɔyn njaa, maji karə ə-ngəmje rɔse ddəwe tə̂.

1 Timɔte 3:6

Maji karə dəw kə̂ dɔ Egilisi tə̂ to dəw kə̂ unn məɛ̂ arə Jeju goe əw bba. Baann ang a, nâ koo rɔɛ̂ bo nya ngaâ Lubba a gangə sariya dɔɛ̂ tə̂ tokə n̂-gangə sariya dɔ Əsu tə̂ le.

1 Timɔte 5:14

Yeenn bba m-ndiki karə dɛnɛ̂n-ndubbaje kə̂ naynje kə̂ singade bbay taaje ngaw, maji karə dujuje ngannje. N̂-tɔjuje ddəw kə̂ maji njê kə̂ mə kəy tə̂ ləde. Baann bba njê-baanje a kingaje ddəw ta nanɛn kə je ang.

1 Timɔte 6:9

A dəwje kə̂ ndikije ta ddee to njê-nɛ̂n-kingaje osoje mə nɛ̂n-kərə tə̂. Dosoje mə bandə tə̂ ddəw bbo nɛ̂nje tə̂ kə̂ maji ang dang dang kə̂ aw tuju dəwje ngaâ aw aw kə dəwje arə naynje kə kɔrɔ̂.

2 Timɔte 2:26

Dâ təlje kingaje kəjə kə̂ maji guku ngaâ dâ teeje mə bandə tə̂ lə Əsu kə̂ uwade arə daw ddaje nɛ̂n kə̂ məɛ̂ ndiki le.

Titə 2:5

darə n̂-ddaje nɛ̂n kə ddəwe, n̂-ngəmje rɔde, n̂-ddaje kula ngaw ləde, darə məde maji ngaâ dooje ta ngawdede. Baann bba dəwje a paje tar kə̂ maji ang dɔ tar tə̂ lə Lubba ang.

Titə 2:8

Maji karə tar-pa ləi to kə ddəwe bba karə dəw asə mayn səi ang. Baann bba karə rɔ-kul dda njê-baanje ləje, mba dâ kingaje marə nɛ̂n kə̂ maji ang tɛn ta pa dɔje tə̂ ang.

3 Jan 1:12

Demetrus to dəw kə̂ dəwje tɔyn paje tar laa maji. Tar kə̂ tɔkɔrɔ kə̂ naw nja ddəwe tə̂ kara pa tar-naji laa tɔ. Jeje kara jaw pa tar-naji laa kə majɛ̂. Ə-gərə to tar-naji ləje to tar kə̂ tɔkɔrɔ.