1 Timɔte 1:15 - Dɔnɔn kə̂ Siki: Tar kə̂ aw arə təbbə

¹⁵ Tar nəənn to tar kə̂ tɔkɔrɔ, maji karə dəwje tɔyn taaje tar nəənn ngəmje məde tə̂: Jeju-Kristə ddee dɔ nangə tə̂ mba kaji njê-nɛ̂n-ddaje kə̂ maji ang. Əman njaa m-to dəw kə̂ dda majang uta kəsə dəwje tɔyn.

Maketuru le Lubba ke tar kabba

¹⁵ Tar neenn to tar ke tɔkɔrɔ, maji kare dewje tɔyn taaje tar neenn ngemje mede te: Jeju kiriste ddee dɔ nange te mba kaji nje-ddaje majang. Ma njaa m-to dew ke dda majang uta kese dewje tɔyn.

1 Timɔte 1:15 ပူးပေါင်းရင်းမြစ်များ

Matiye 1:21

Nâ kuju ngonn kə̂ dingaw, ta â kunda ria nan Jeju, mba ne â nâ kaji dəwje laa mə majangje tə̂ ləde.»

Matiye 18:10

«Aaje kə majɛ̂! Dang bba ə-yabbəje marə dəw kâra horo dəwje tə̂ kə̂ tɛn nəənn ang. M-pa marəse, anjəje ləde aw arje kə ndɔ tɔyn nɔn Bɔmje tə̂ darâ. [

Matiye 18:11

Mba Ngonn lə dəw ddee ta kaji dəwje kə̂ naynje kə kɔrɔ̂.]

Matiye 20:28

Ddəw kâra baa, Ngonn lə dəw ddee karə dəwje ddaje kula arɛ̂ ang. N̂-ddee ta dda kula karə dəwje, ta kunn rɔɛ̂ to nɛ̂n-kuka dɔ dəwje tokə banya.»

Matiye 9:13

Yeenn a, maji karə awje aw sangəje ta gərə kandə tar kə̂ Lubba pa nəənn. Tar le nan: «Koo kəm-to-ndoo lə naan â m-ndiki bbo nɛ̂n-polo â m-ndiki ang. Mba dəwje kə̂ gatə gatə â m-ddee ta bbarde ang. M-ddee mba njê-nɛ̂n-ddaje kə̂ maji ang.»

Marke 2:17

Jeju oo tar ləde le ngaâ pa nan: «Dəwje kə̂ rɔde to kə majɛ̂ aw ndikije ta koo nje-karə-kuman ang. Dəwje kə̂ rɔde tode bba. Dəwje kə̂ gatə gatə â m-ddee ta bbarde ang. M-ddee mba njê-nɛ̂n-ddaje kə̂ maji ang.»

Luku 15:2

Parijinyɛje kə njê-gərəje-Ndu aw nyuruje nan: «Dəw nəənn aw uwa njê-nɛ̂n-ddaje kə̂ maji ang kə rɔɛ̂ tə̂ ngaâ usa nɛ̂n kə de.»

Luku 19:10

Mba Ngonn lə dəw ddee ta sangə dəwje kə̂ naynje kə kɔrɔ̂ mba kajide.»

Luku 5:32

Dəwje kə̂ gatə gatə â m-ddee ta bbarde ang. Njê-nɛ̂n-ddaje kə̂ maji ang â m-ddee ta bbarde karə n̂-turuje məde.»

Tar kə̂ Maji kə̂ Jan dda makəturu tə̂ 1:12

A dəwje tɔyn kə̂ tɛɛ̂je kə rɔde tə̂ ngaâ ooje məde tə̂ saa, dede le, narəde singa karə n̂-ddeeje to ngann lə Lubba.

Tar kə̂ Maji kə̂ Jan dda makəturu tə̂ 1:29

Lo-karɛ̂ kə̂ goe tə̂ a, Jan oo Jeju kə̂ aw ddee kə rɔɛ̂ tə̂ ngaâ pa nan: «Ngonn batə lə Lubba kə̂ to nje-kɔru majang lə dəwje kə̂ duninya tə̂ â nəənn.

Tar kə̂ Maji kə̂ Jan dda makəturu tə̂ 12:47

«Bbo dəw oo tarje ləm, â bbo n̂-dda nɛ̂n kula ang a, əman â mâ gangə sariya dɔɛ̂ tə̂ ang. Mba m-ddee ta kaji dəwje kə̂ dɔ nangə tə̂, bbo m-ddee ta gangə sariya dɔde tə̂ ang.

Tar kə̂ Maji kə̂ Jan dda makəturu tə̂ 3:36

Dəw kə̂ oo məɛ̂ tə̂ kə Ngonn ee kə təbbə kə̂ to kə ndɔ kə ndɔ. A dəw kə̂ mbətə ta koo məɛ̂ tə̂ kə Ngonn a kinga təbbə le ang. Wungu lə Lubba nayn dɔɛ̂ tə̂.»

Kulaje 11:1

Njê-kaw-kulaje kə njê-mə-kunnje kə̂ eeje nangə tə̂ kə̂ Jude ooje nan dəwje kə̂ toje to Jiipije ang kara taaje tar lə Lubba tɔ.

Kulaje 11:18

Dəwje le ooje tarjeenn le a, əwje rɔde ngaâ ɔsuje gaji Lubba paje nan: «Lubba arə ddəw dəwje kə̂ toje to Jiipije ang karə n̂-turuje məde mba kinga nɛ̂n təbbə tɔ.»

Kulaje 3:26

Sese â Lubba unn Nje-kula laa dɔngɔr ulɛ̂ karə n̂-bbar Tar kə̂ Maji dɔse tə̂, karə nɔruse kâra kâra tɔyn mə nɛ̂n-ddaje tə̂ ləse kə̂ maji ang.»

Rɔmɛnje 11:14

karə bbo ddəw to a, mə dda ngakɔnʼmje Jiipije bba karə marɛ̂je turuje məde arə Lubba ajide.

Rɔmɛnje 5:6

Tɔkɔrɔ, ləw kə̂ ddəw goto bbay le, kar kə̂ Lubba ɔju asə a, Kristə oy mba njê-nɛ̂n-ddaje kə̂ maji ang.

1 Kɔrɛntinyɛje 15:9

Mba m-to tɛn baa horo njê-kaw-kulaje tə̂ tɔyn. Masə karə n̂-bbarəm to nje-kaw-kula ang, mba mula kəm Egilisi lə Lubba ndoo tə̂.

Epɛjinyɛje 3:8

Əman, m-to tɛn baa nya horo dəwje tə̂ lə Lubba tɔyn. A n̂-dda səm mə-maji karə mila mbər tar lə Kristə, kə̂ to nɛ̂n-kinga kə̂ uta nɛ̂n-kingaje tɔyn marə dəwje kə̂ toje to Jiipije ang.

1 Timɔte 1:13

A əman kə̂ ləw m-to nje-tuju ria, mula kəm dəwje laa ndoo tə̂, m-tajide le, Lubba oo kəm-to-ndoo ləm, mba moo məm tə̂ saa ang arə m-gərə dɔm nɛ̂n tə̂ kə̂ m-dda le ang.

1 Timɔte 1:19

ddəw kunda məi dɔ Lubba tə̂ kə ddəw ngəm kəjə kə̂ maji tə̂. Marə dəwje kə̂ ooje məde tə̂ mban ngaâ eeje kə kəjə kə̂ maji le təlje inyaje kəjə kə̂ maji le ngaâ dosoje ddəw mə-kunn tə̂ ləde.

1 Timɔte 3:1

Tar kə̂ tɔkɔrɔ â nəənn. Bbo marə dəw ndiki ta ddee to dəw kə̂ dɔ Egilisi tə̂ a, to kula kə̂ maji nya njaa â n̂-ndiki ta dda.

1 Timɔte 4:9

Tar nəənn to tar kə̂ tɔkɔrɔ, maji karə dəwje tɔyn taaje ngəmje məde tə̂ kə majɛ̂.

1 Timɔte 6:13

Munn ndu nəənn mari nɔn gɔl Lubba tə̂ kə̂ arə təbbə nɛ̂nje tɔyn ddəm nɔn gɔl Jeju-Kristə tə̂ kə̂ pa tar-naji kə̂ tɔkɔrɔ nɔn gɔl Pɔnsə Pilatə tə̂ ddəm.

2 Timɔte 2:11

Tar nəənn to tar kə̂ tɔkɔrɔ: Bbo joyje saa kâra baa a, ja kisije kəm baa saa kâra baa tɔ.

Titə 3:8

Tar nəənn to tar kə̂ asə karə dəw unda məɛ̂ dɔɛ tə̂. M-ndiki ta karə ar dɔɛ tə̂ nya, mba karə dəwje tɔyn kə̂ undaje məde dɔ Lubba tə̂ unnje rɔde mba dda kulaje kə̂ maji uta. Yeenn to nɛ̂n kə̂ kura ngaâ aw dda maji kə dəwje.

Ebərəje 7:25

Mba yeenn bba, dəwje kə̂ aw ddeeje ngɔsi kə Lubba ddəw tə̂ laa le, nasə ta kajide nyɔm kə ləw. Mba n̂-nayn kəm baa kə ndɔ tɔyn arə nasə ta duju Lubba mba tar ləde.

1 Jan 3:5

A ə-gərəje to Jeju-Kristə ddee mba kɔru majangje lə dəwje, majang kâra to rɔɛ̂ tə̂ ang.

1 Jan 3:8

Dəw kə̂ nayn ddəw majang tə̂ to dəw lə Əsu, mba Əsu to nje-nɛ̂n-dda kə̂ maji ang kunn-kutu nɛ̂nje tə̂ njaa. Mba yeenn bba, Ngonn lə Lubba ddee ta tuju kula-dda lə Əsu.

1 Jan 5:11

Tar-naji le tokə be: Lubba arəje təbbə kə̂ to kə ndɔ kə ndɔ ngaâ təbbə le to rɔ Ngonnɛ̂ tə̂.

Apokalisi 21:5

Ngaâ dəw kə̂ isi ngende-mbay tə̂ le pa nan: «Oo! M-dda nɛ̂nje tɔyn tokə siki ngaa.» N̂-pa nan: «Uja tarje nəənn makəturu tə̂. Mba tarje ləm to tarje kə̂ tɔkɔrɔ ngaâ asəje karə dəw unda məɛ̂ dɔɛ tə̂.»

Apokalisi 22:6

Goe tə̂ a, anjə le pa arəm nan: «Tarje nəənn to tarje kə̂ tɔkɔrɔ ngaâ asə karə dəw unda məɛ̂ dɔɛ tə̂. Əbbə-dəwje Lubba kə̂ arə Ndil laa ddee dɔ njê-kilaje mbər tar tə̂ laa ula anjə laa karə tɔju njê-kulaje laa nɛ̂n kə̂ nayn ngɔsi baa ta ddee.»

Apokalisi 5:9

Daw dɔsuje pa kə̂ siki nan: «Asə ta taa makəturu le, ta kɔru nɛ̂n kə̂ n̂-lətə nɛ̂n tɛɛ̂. Mba n̂-tɔli to nɛ̂n-polo. Ə-ndoko dɔ dəwje tɔyn kə məsəi arə Lubba, dəwje kə̂ gəlde to dang dang tɔyn, njê kə̂ ndɔn-tarje ləde to dang dang tɔyn, kə njê kə̂ isije nangəje tə̂ ləde kâra kâra tɔyn.