1 Kɔrɛntinyɛje 9:26 - Dɔnɔn kə̂ Siki: Tar kə̂ aw arə təbbə

²⁶ Yeenn bba maw mayn ngɔru baa njaa baann ang. M-to tokə nje-kunda kutu-bɔn kə̂ aa dəw kə majɛ̂ bba undɛ̂ bbo unda ləl baa ang.

1 Kɔrɛntinyɛje 9:26 ပူးပေါင်းရင်းမြစ်များ

Matiye 11:12

Unn kute dɔ ndɔ tə̂ lə Jan-Batisi ndərəng bbasinɛn, Bbe-kɔn kə̂ darâ to nɛ̂n kuwa kə singa ngaâ njê-singaje â aw sangəje ddəw ta kuwa taa.

Luku 13:24

«Maji karə ə-ddaje singa andəje kə ta-ddəw kə̂ ngaji. Mba, m-pa marəse: Dəwje nya a sangəje ddəw ta kandə. A dâ kasəje ang.

1 Kɔrɛntinyɛje 14:9

Ddəw kâra baa, bbo ndɔn-tar kə̂ aw paje le kandɛ̂ goto a, dəw a gərə nɛ̂n kə̂ aw paje tokə baânn wa? Nayn to aw paje tar mə ləl tə̂ baa.

2 Kɔrɛntinyɛje 5:1

N-gərə, da-rɔje kə̂ nangə̂ nəənn kə̂ tokə kəy-kam baa to nɛ̂n kə̂ aw tuju. A marə kəy ləje kə̂ Lubba dda darâ to. To kəy kə̂ ji dəw â dda ang ngaâ a nayn kə ndɔ kə ndɔ.

2 Kɔrɛntinyɛje 5:8

Tɔkɔrɔ njaa, rɔje oy njururu ang bbay ngaâ n-ndiki nya ta kinya da-rɔje nəənn le ta kaw kisi mbɔr Əbbə-dəwje tə̂.

Galatəje 2:2

Maw nunn, mba Lubba â pa arəm karə maw. Lo tə̂ənn, mɔru gəl Tar kə̂ Maji kə̂ maw mila mbəre marə dəwje kə̂ toje to Jiipije ang le. Mɔru gəle marə tɔkəje kə̂ dɔ Egilisi tə̂ marə mbɔn-naan tə̂ kə̂ m-dda kə de dang tɔ. M-dda baann mba m-ndiki karə kulaje ləm kə̂ takənɛn kə yəje kə̂ bbokənɛn kara toje to kulaje kə̂ baa ang.

Epɛjinyɛje 6:12

To dəw â jaw ddaje ddɔ saa ang. Jaw ddaje ddɔ kə ndilje kə̂ aw ɔnje mbay, njê-singaje kə̂ duninya tə̂ nəənn kə̂ to lo ndul tə̂ kə ndilje kə̂ maji ang kə̂ mə dara tə̂.

Pilipinyɛje 1:21

Mba kə̂ kəjə tə̂ ləm, kisi kə təbbə to Kristə, a koy to kinga nɛ̂n.

Kolosinyɛje 1:29

Mba yeenn bba maw dda kula ddəm maw dda ddɔ ddəm ddəw singa tə̂ kə̂ Kristə arəm ngaâ aw dda kula rɔm tə̂ ngəng nya.

2 Timɔte 1:12

Gəle kə̂ nəənn le bba maw moo nɛ̂n ndoo. A rɔ-kule ddam ang, mba m-gərə dəw kə̂ munn məm marɛ̂ le kə majɛ̂ ngaâ m-gərə kə majɛ̂ to nee kə singa ta ngəm nɛ̂n kə̂ ninya mə jim tə̂ ndərəng ddutu ndɔ tə̂.

2 Timɔte 2:5

Ddəw kâra baa, dəwje kə̂ aw taje naan ddəw marə nɛ̂nje tə̂ tokə lə kayn ngɔru, dəw kə̂ ayn ngɔru le kə ddəwe bba a kinga kuka laa.

2 Timɔte 4:7

M-dda ddɔ kə̂ maji, mayn ngɔru m-tee mban, m-ngəm mə-kunn ləm.

Ebərəje 12:1

Jeje, dəwje nya kə̂ ddaje nɛ̂n ddəw mə-kunn tə̂ le gukujeje. Yeenn a, maji karə n-mbətəje nɛ̂nje tɔyn kə̂ aw ɔɔyjeje, uta tɔyn majang kə̂ aw unguje mə bandə tə̂ laa kə ngɔru baa, ta jaynje ngɔru kə̂ Lubba dujuje karə jaynje le bbo jinyaje ddəwe ang.

Ebərəje 4:1

Ndu Lubba kə̂ unn ta karə jandə lo kuwa-rɔ tə̂ kə̂ n̂-gɔl mba tar ləje le nayn baa bbay. Yeenn a, maji karə kəmje kətərə bba karə dəw kâra horose tə̂ dda tokə nɛ̂ɛnn le due to du ang.

1 Piyɛr 5:1

Bbasinɛn, m-ndiki ta ndəjə dəwje kə̂ dɔ Egilisi tə̂ kə̂ toje horose tə̂. Əman kə̂ m-to dəw kə̂ dɔ Egilisi tə̂ marde tɔ le, m-to nje-tar-naji ndooje kə̂ Kristə oo. Mâ kinga piti kə̂ Lubba a tee nɛ̂n kə̂ ddaka le tɔ.

2 Piyɛr 1:10

Mba yeenn bba, ngakɔnʼmje, maji karə ə-ddaje singa nya mba nayn ddəw bbar tə̂ kə̂ Lubba bbarse kə mbərə kə̂ n̂-mbərəse le kə majɛ̂. Bbo ə-ddaje tokə baann a, â kosoje mə majang tə̂ ndɔ kâra ang.