1 Kɔrɛntinyɛje 9:23 - Dɔnɔn kə̂ Siki: Tar kə̂ aw arə təbbə

²³ Maw dda nɛ̂njeenn tɔyn ɔju dɔ Tar kə̂ Maji, mba kinga nɛ̂n nɛ̂n kə̂ maji kə̂ a ddee ddəwe tə̂.

1 Kɔrɛntinyɛje 9:23 ပူးပေါင်းရင်းမြစ်များ

Marke 8:35

Mba dəw kə̂ ndiki ta ngəm təbbə laa, təbbə laa le a nayn kə kɔrɔ̂. A dəw kə̂ təbbə laa nayn kə kɔrɔ̂ mbam ddəm mba Tar kə̂ Maji ddəm a kaji təbbə laa le.

Rɔmɛnje 11:17

Ngann Ijarayɛlje toje tokə kakə olibə kə̂ maji kə̂ n̂-dubbu ndɔɔ̂, kə̂ n̂-tuka marə barkəmɛ̂je. A əi, ə-to tokə barkəm olibə kə̂ muû, kə̂ dunn dɔsu turu ye tə̂ kə̂ maji le. Bbasinɛn, nɛ̂nje kə̂ maji kə̂ ngann Ijarayɛlje aw ingaje, əi aw inga tɔ, tokə barkəm kakə kə̂ dɔsu kar marɛ̂ tə̂ aw inga singa ddəw ngira kakə tə̂ le.

1 Kɔrɛntinyɛje 9:12

Bbo marə dəwje asəje ta duju nɛ̂n jise tə̂ a, jeje jasə ta duju nɛ̂n jise tə̂ utade ang wa? A jeje n-dda tokə baann ang. N-tɔ wurje nɛ̂n tə̂ tɔyn, mba n-ndiki ta dda marə nɛ̂n kutu nɛ̂n ddəw Tar kə̂ Maji lə Kristə ang.

1 Kɔrɛntinyɛje 9:22

Bbo misi kə dəwje kə̂ mə-kunn ləde sangə ang a, m-dda tokə dəw kə̂ mə-kunn laa sangə ang, mba kinga nɛ̂n de. M-dda rɔm tokə lə dəwje tɔyn marə dəwje tɔyn karə bbo ddəw to a, marɛ̂je kâra kâra ingaje kaji.

1 Kɔrɛntinyɛje 9:24

Ə-gərəje kə majɛ̂ to, horo dəwje tə̂ tɔyn kə̂ aw aynje ngɔru natâ mba kuta nɛ̂n naan, dəw kâra baa â a kinga kuka. Yeenn a, aynje ngɔru kə gusu kə̂ â kingaje nɛ̂n kuka.

2 Kɔrɛntinyɛje 2:4

Makəturu kə̂ kete le, m-dda marəse kə mə-kɔn kə maann-nɔn, wurum a ta ti. Ta dda karə rɔse nəəlse ang bba m-dda nɛ̂n makəturu le marəse ang. M-dda karə ə-gərəje to m-ndikise nya.

Galatəje 2:5

A n-ndiki tə̂ tɛn kə de ang, bba karə tar kə̂ tɔkɔrɔ kə̂ to mə Tar kə̂ Maji tə̂ le nayn kə lo-toe mba tar ləse.

2 Timɔte 2:10

Mba yeenn bba maw tɔ wurum nɛ̂nje tə̂ tɔyn mba dəwje kə̂ Lubba mbərəde, mba karə dede njaa kara dingaje kaji kə̂ Jeju-Kristə aw arə dəwje. Baann bba dâ kingaje piti kə̂ a to kə ndɔ kə ndɔ.

2 Timɔte 2:6

Nje-ndɔɔ kə̂ dda kula oo nɛ̂n ndoo njaa, a kinga ko-ndɔɔ laa le dɔngɔr bba kəsə dəwje a kingaje.

Ebərəje 3:1

Mba yeenn bba, see ngakɔnʼm kə̂ Lubba bbarse arə ə-ddeeje to dəwje laa, arəje kəmse to kə dɔ Jeju tə̂. N̂-to nje-kaw-kula lə Lubba ddəm tɔkə nje-polo Lubba kə̂ jooje məje tə̂ ddəw tə̂ laa ngaâ jaw pa tarɛ̂ kə taje ddəm.

Ebərəje 3:14

Bbo n-naynje jaw juwaje jarə ngəng ndərəng jɔsuje kɔnyɛ̂ a, Lubba a karə n-ddeeje to nje-kula mar Kristə.

1 Piyɛr 5:1

Bbasinɛn, m-ndiki ta ndəjə dəwje kə̂ dɔ Egilisi tə̂ kə̂ toje horose tə̂. Əman kə̂ m-to dəw kə̂ dɔ Egilisi tə̂ marde tɔ le, m-to nje-tar-naji ndooje kə̂ Kristə oo. Mâ kinga piti kə̂ Lubba a tee nɛ̂n kə̂ ddaka le tɔ.

1 Jan 1:3

Nɛ̂n kə̂ joo kə kəmje ddəm kə mbije ddəm le, jaw pa jarəse tɔ, karə sese kara ə-ddaje mə-kâra kə je. Mə-kâra ləje to mə-kâra kə̂ to horoje tə̂ kə Bɔ ddəm to horoje tə̂ kə Ngonnɛ̂ Jeju-Kristə ddəm.