1 Kɔrɛntinyɛje 9:22 - Dɔnɔn kə̂ Siki: Tar kə̂ aw arə təbbə

²² Bbo misi kə dəwje kə̂ mə-kunn ləde sangə ang a, m-dda tokə dəw kə̂ mə-kunn laa sangə ang, mba kinga nɛ̂n de. M-dda rɔm tokə lə dəwje tɔyn marə dəwje tɔyn karə bbo ddəw to a, marɛ̂je kâra kâra ingaje kaji.

1 Kɔrɛntinyɛje 9:22 ပူးပေါင်းရင်းမြစ်များ

Rɔmɛnje 11:14

karə bbo ddəw to a, mə dda ngakɔnʼmje Jiipije bba karə marɛ̂je turuje məde arə Lubba ajide.

Rɔmɛnje 14:1

Dəw kə̂ mə-kunn laa sangə ang bbay, maji karə uwɛ̂je kə rɔse tə̂ ta kəjəje kə̂ məɛ̂ tə̂ ooje to kəjəje kə̂ maji ang ang.

Rɔmɛnje 14:2

Junnje nɛ̂n-kɔju-marɛ̂: Marə dəw a kəjə to nasə ta kusa nɛ̂nje tɔyn, a marə dəw kə̂ mə-kunn laa sangə ang bbay, kam-naynje njaa dɔrɔ â aw usa.

Rɔmɛnje 15:1

Jeje kə̂ jubbaje singa, maji karə n-gərəje tar yɔɔ lə dəwje kə̂ ubbaje singa ang bba ta nɛ̂n kə̂ nəəlje jeje dɔrɔ â n-sangəje ang.

Rɔmɛnje 15:2

Maji karə jeje kâra kâra n-sangəje ddəw ta nəəl kəm ngakɔnje tə̂ mba kisi maji ləde. Yeenn bba ja ddaje karə njê-mə-kunnje sangəje kə kete ddəw mə-kunn tə̂.

1 Kɔrɛntinyɛje 10:33

Mba yeenn bba, maw sangə ddəw ta ddee maji kəm dəwje tə̂ tɔyn, ddəw nɛ̂nje tə̂ tɔyn. Maw sangə kisi maji lə dəwje tokə banya, mba karə dingaje kaji bbo maw sangə kisi maji ləm njaa ang.

1 Kɔrɛntinyɛje 7:16

Əi dɛnɛ̂n kə̂ oo məi tə̂, ə-gərə tokə baânn bba â kaji ngawije wa? Wase əi dingaw kə̂ oo məi tə̂, ə-gərə tokə baânn bba â kaji dɛnɛ̂n ləi wa?

1 Kɔrɛntinyɛje 8:13

Mba yeenn bba, bbo nɛ̂n-kusa asə ta dda karə ngokɔnʼm oso mə nɛ̂n tə̂ kə̂ maji ang a, mâ kɔn taal-da ndɔ kâra ang nan karə ngokɔnʼm in oso mə majang tə̂.

1 Kɔrɛntinyɛje 9:19

Tɔkɔrɔ, dəw kâra asə ta kuwam kə singa karə m-dda marə nɛ̂n ang. M-to bbərə lə dəw kâra ang, a əman njaa m-ndiki ta dda rɔm to bbərə ləse tɔyn, mba kinga nɛ̂n dəwje tokə banya karə Kristə.

1 Kɔrɛntinyɛje 9:23

Maw dda nɛ̂njeenn tɔyn ɔju dɔ Tar kə̂ Maji, mba kinga nɛ̂n nɛ̂n kə̂ maji kə̂ a ddee ddəwe tə̂.

2 Kɔrɛntinyɛje 11:29

Bbo marə dəw singɛ̂ goto a, əman kara moo rɔm to mee kə singa ang tɔ. Bbo mə-kunn lə marə dəw oso a, tarɛ̂ sanʼm nya.

Galatəje 6:1

Ngakɔnʼmje, sese kə̂ Ndil-mə-nda aw tɔjuse ddəw le bbo ingaje marə dəw dɔ majang tə̂ a, maji karə ə-təlje saa ddəw tə̂ kə̂ maji kə ndu kə̂ wul pee. A aa rɔi kə majɛ̂ mba əi kara, nɛ̂n a kasə ta nain tɔ.