1 Kɔrɛntinyɛje 9:17 - Dɔnɔn kə̂ Siki: Tar kə̂ aw arə təbbə

¹⁷ Bbo əman njaa m-dda kula le kə dɔm baa a, asə karə minga kuka ləm. A to kula kə̂ darəm kə singa arə maw dda to kula kə̂ dinya to kinya jim tə̂.

1 Kɔrɛntinyɛje 9:17 ပူးပေါင်းရင်းမြစ်များ

Matiye 10:41

Dəw kə̂ taa nje-kila mbər tar lə Lubba kə rɔɛ̂ tə̂, mba dəw kə̂ n̂-tɛɛ̂ le to nje-kila mbər tar lə Lubba a, nâ kinga kuka kə̂ nje-kila mbər tar lə Lubba aw inga. A bbo dəw taa dəw kə̂ gatə gatə kə rɔɛ̂ tə̂, mba dəw kə̂ n̂-tɛɛ̂ le to dəw kə̂ gatə gatə a, nâ kinga kuka kə̂ dəw kə̂ gatə gatə aw inga.

Matiye 24:25

Ye â nəənn, m-ndɔru mbise kete mban.

Luku 12:42

Əbbə-dəwje le ilɛ̂ tə̂ nan: «Nân to nje-ngəm nɛ̂n kə̂ to gatə gatə ddəm to nje-kəm-karɛ ddəm wa? To ne kə̂ əbbeeje a kinya njê-kulaje laa jia tə̂ karə n̂-kaynde nɛ̂n-kusa kə karɛ̂ karɛ̂.

Tar kə̂ Maji kə̂ Jan dda makəturu tə̂ 4:36

Nje-kuja kandə-ko inga kuka laa mban. Naw mbɔn kandə-ko le mba kisi nɛ̂n kə təbbə kə̂ to kə ndɔ kə ndɔ. Yeenn bba karə nje-dubbu ko kə nje-kuja ko, dede joo kəm rɔde nəəlde.

1 Kɔrɛntinyɛje 3:14

Dəw kə̂ puru ɔn kula laa ang a, a kinga kuka laa.

1 Kɔrɛntinyɛje 3:8

Dəw kə̂ nje-dubbu nɛ̂n kə dəw kə̂ nje-kungu maann dɔɛ tə̂, dasəje naan. Dâ kinga kuka ləde kâra kâra asə kəm kula kə n̂-ddaje.

1 Kɔrɛntinyɛje 4:1

Maji karə dəwje oojeje to njê-kulaje lə Kristə, dəwje kə̂ Lubba inya nɛ̂nje kə̂ toje lo-kiyɛ̂ tə̂ jide tə̂ karə n̂-tɔjuje kə ddaka.

1 Kɔrɛntinyɛje 9:16

A əman, kila mbər Tar kə̂ Maji to nɛ̂n-kɔsu nɛ̂n gajim ang. Mba to kula kə̂ darəm kə singa ta karə m-dda, yeenn a bbo mila mbər Tar kə̂ Maji le ang a, a to ndoo nya karəm.

1 Kɔrɛntinyɛje 9:18

Kuka ləm to ddi wa? Kuka ləm to karə mila mbər Tar kə̂ Maji le baa bbo m-duju kuka kə̂ to ta karə minga goe tə̂ ang.

2 Kɔrɛntinyɛje 8:12

Bbo dəw ee kə kəjə kə̂ maji ta karə nɛ̂n nɛ̂n kə̂ to jia tə̂ a, Lubba a koo nɛ̂n le maji kəmɛ̂ tə̂. Nɛ̂n kə̂ to ji dəw tə̂ ang â Lubba a duju ang.

Galatəje 2:7

A dooje a, n̂-gərəje to Lubba inya Tar kə̂ Maji le jim tə̂ karə mila mbəre marə dəwje kə̂ ujaje ganja ang, tokə ninya ji Piyɛr tə̂ karə ila mbəre arə dəwje kə̂ ujaje ganja le.

Kolosinyɛje 1:25

Egilisi le â m-ddee to nje-kulɛ̂ mba Lubba â inya kula le jim tə̂ karə mila mbər tar laa tɔyn marəse.

1 Tesalonisinyɛje 2:4

A Lubba nanje oo bba inya Tar kə̂ Maji laa le mə jije tə̂. Yeenn bba jaw pa tar lə Lubba mba nəəl nɛ̂n kəm dəwje tə̂ ang. Jaw pa mba nəəl nɛ̂n kəm Lubba tə̂ kə̂ aw nan məje.

Pilemɔn 1:14

A m-ndiki ta kinyai dda marə nɛ̂n kə dɔm baa ang. M-ndiki ta kuwai kə singa bba karə ə-dda marə nɛ̂n arəm ang. Maji karə ə-dda nɛ̂n le kə mə-ndiki ləi njaa.