1 Kɔrɛntinyɛje 8:1 - Dɔnɔn kə̂ Siki: Tar kə̂ aw arə təbbə

¹ Bbasinɛn nəənn, jooje nɛ̂n kə̂ ɔju dɔ daje kə̂ darə kɔrje to nɛ̂n-polo. Tɔkɔrɔ, jeje tɔyn n-gərəje nɛ̂n. Nɛ̂n-gərə dda arə dəw oo rɔɛ̂ bo, a ndiki dda arə mbɔn-naan lə njê-mə-kunnje inga singa.

1 Kɔrɛntinyɛje 8:1 ပူးပေါင်းရင်းမြစ်များ

Kulaje 15:10

Yeenn a, bbasinɛn, mba ddi bba aw taje naan kə Lubba ngaâ aw undaje nɛ̂n-koto kə̂ kajejedede wase jeje njaa kara jasə ta koto ang dɔ njê-njaje go Əbbə-dəwje tə̂ wa?

Kulaje 15:29

Maji karə usaje da kə̂ n̂-polo nɛ̂n kɔr ang, usaje məsə ang, ɔnje da kə̂ dute kəwn n̂-tɔlɛ̂ ang, ə-ddaje kaya ang. Bbo ə-ngəmje rɔse ddəw nɛ̂nje tə̂ənn tɔyn a, to nɛ̂n kə̂ maji. N-ddase lapiya nya.»

Kulaje 21:25

A tar kə̂ ɔju dɔ dəwje kə̂ toje to Jiipije ang kə̂ ooje məde tə̂ le, joo maji ta kunn ndu makəturu tə̂ kula nɛ̂n karəde mban karə dusaje da kə̂ n̂-polo nɛ̂n kɔrje ang, dusaje məsə ang, dɔnje da kə̂ dute kəwn tɔlɛ̂ ang ngaâ ta n̂-ddaje kaya ang.»

Rɔmɛnje 11:25

Ngakɔnʼmje, m-ndiki karə ə-gərəje marə nɛ̂n dɔ nɛ̂n tə̂ kə̂ Lubba əjə ta dda ngaâ nayn lo-kiyɛ̂ tə̂ bbay nəənn nan kin karə ooje rɔse to njê-kəm-karɛje. Marə dəbbə dəwje kə̂ Ijarayɛl məde aw kətərə ndərəng karə kɔr dəwje kə̂ toje to Jiipije ang le tɔyn ingaje kaji bba.

Rɔmɛnje 12:16

Maji karə ooje ta naan. Lo kula kə̂ bo dɔrɔ â ə-sangəje ang. Ngonn kula kara ə-ddaje. Ooje rɔse to kəmse arɛ̂ nya uta nje-marse ang.

Rɔmɛnje 14:10

A əi, aw gangə sariya dɔ ngokɔin tə̂ mba ddi wa? Aw mbətə ngokɔin mba ddi wa? Jeje tɔyn njaa ja karje nɔn sariya tə̂ lə Lubba.

Rɔmɛnje 14:14

Ddəw mə-kâra tə̂ kə̂ m-dda kə Əbbə-dəwje Jeju le m-gərə kə majɛ̂ to marə nɛ̂n kə̂ to nɛ̂n-yərəw kâra goto. A bbo dəw əjə to marə nɛ̂n to nɛ̂n-yərəw a, nɛ̂n le ddee to nɛ̂n-yərəw mba tar laa njaa.

Rɔmɛnje 14:19

Yeenn a, maji karə n-sangəje nɛ̂n kə̂ aw ddee kə mə-wul-lɔm jarə njê-mə-kunnje kâra kâra tɔyn ddaje arə njê-marədeje sangəje ddəw mə-kunn tə̂.

Rɔmɛnje 14:22

Mə-kunn ləi le ə-ngəm to ləi njaa hori tə̂ kə Lubba. Maji arɛ̂, ne dəw kə̂ nunn rɔɛ̂ ta dda marə nɛ̂n a, kəjə laa unda tar dɔɛ̂ tə̂ ang.

Rɔmɛnje 14:3

Maji karə ne kə̂ naw nusa nɛ̂n tɔyn n̂-yabbə ne kə̂ naw sangə marə nɛ̂n-kusaje le ang. Ngaâ, ne kə̂ naw nusa nɛ̂n tɔyn, maji karə ne kə̂ naw sangə marə nɛ̂n-kusaje n̂-yabbɛ̂ ang tɔ, mba ne kara Lubba tɛɛ̂ kə rɔɛ̂ tə̂ mban.

Rɔmɛnje 15:14

Ngakɔnʼmje, əman njaa m-gərə to isije kə bbo nya ta dda nɛ̂n kə̂ maji. Ə-gərəje nɛ̂nje tɔyn kə̂ to tar ləse ta gərə mban ngaâ asəje ta karə naan ndəjə.

1 Kɔrɛntinyɛje 1:5

Mba, ddəw tə̂ lə Jeju-Kristə le bba ingaje nɛ̂n nɛ̂n-kingaje tɔyn, narəse gusu pa-tar kə gusu nɛ̂n-gərə.

1 Kɔrɛntinyɛje 10:15

Maw pa tar marəse tokə dəwje kə̂ toje to njê-kəm-karɛje. Sese njaa aaje mə tar kə̂ maw pa marəse le ooje.

1 Kɔrɛntinyɛje 10:28

 bbo marə dəw pa arəse nan: «Da kə̂ darə ndilje kə̂ maji ang to nɛ̂n-polo â nəənn» a, maji karə usaje ang mba dəw kə̂ pa tar arəse le ddəm mba kəjə laa kə a jɔkɛ̂ ddəm.

1 Kɔrɛntinyɛje 14:20

Ngakɔnʼmje, maji karə ə-paje tar tokə lə ngannje ang. Maji karə ə-ddeeje tokə lə ngannje kə̂ ngaji kə̂ gərəje ta dda majang ang. A ə-paje tar tokə njê kə̂ tɔkə.

1 Kɔrɛntinyɛje 15:34

Maji karə ə-təlje uwaje dɔse kə majɛ̂, inyaje nɛ̂n-ddaje kə̂ maji ang. Mba marə dəwje horose tə̂ gərəje Lubba ang. M-pa baann karə rɔ-kul ddase.

1 Kɔrɛntinyɛje 4:10

Jeje n-to mbəje ɔju dɔ Kristə, a sese ə-toje to njê-kəm-karɛje ddəw tə̂ lə Kristə. Jeje, jubba singa ang, a sese ubbaje singa. Dəwje aw ɔsuje gajise, a jeje dooje to nɛ̂n ang.

1 Kɔrɛntinyɛje 4:18

Marə dəwje horose tə̂ ooje rɔde bo mba dəjəje to mâ tee horose tə̂ ang.

1 Kɔrɛntinyɛje 4:6

Ngakɔnʼmje, mba tar ləse â munn nɛ̂n nɛ̂n-kɔju-marɛ̂ dɔm tə̂ kə dɔ Apolos tə̂, ta karə ə-gərəje nɛ̂n gəl kɔn-tar nəənn: «Nɛ̂n kə̂ n̂-dda makəturu tə̂ njaa maji ta nayn dɔɛ tə̂». Baann bba karə dəw kâra horose tə̂ unda gue ngaâ unn go marə dəw mbətə nɛ̂n marɛ̂ ang.

1 Kɔrɛntinyɛje 5:2

Ngaâ koo-rɔ-bo uta dɔse. Â kasəje ta karə nɛ̂ɛnn le jɔkuse ang wa? To tar ləse ta kɔru dəw kə̂ dda nɛ̂ɛnn le horose tə̂ kə ddang ang wa?

1 Kɔrɛntinyɛje 5:6

Kɔsu gaji rɔ ləse le maji ang. Ə-gərəje to wum kə̂ tɛn baa dda arə nduju kə̂ n̂-bɔkɔlɔ in ang wa?

1 Kɔrɛntinyɛje 8:2

Dəw kə̂ əjə to n̂-gərə nɛ̂n, n̂-nayn n̂-gərə nɛ̂n tɔyn ang bbay.

1 Kɔrɛntinyɛje 8:4

Yeenn a, ja kasəje ta kusa daje kə̂ n̂-polo nɛ̂n kɔrje wa? N-gərəje kə majɛ̂ to kɔr goto dɔ nangə tə̂ ngaâ Lubba kâra baa bbo marə lubba dang to ang.

1 Kɔrɛntinyɛje 8:7

A dəwje tɔyn â gərəje nɛ̂n nəənn ang. Marə dəwje unnje go kɔrje kete bba inyaje gode bbasinɛn nəənn bbay, yeenn â bbo daw dusaje daje kə̂ darə to nɛ̂n-polo a, dəjəje to daje le to nɛ̂n kə̂ darə kɔrje njaa tɔkɔrɔ. Nɛ̂ɛnn le dda arə kəjə ləde kə̂ sangə ang jɔkude.

Epɛjinyɛje 4:16

Tambal dɔɛ̂ â, dəbbə rɔ dang dang tɔyn mbɔn naan to da-rɔ kə̂ kâra baa ngaâ kətərə mba mənrə-rɔje le tɔje naan kə majɛ̂. A bbo dəbbə rɔ kə̂ dang dang le kâra kâra dda kula kə majɛ̂ a, da-rɔ le tɔyn njaa a tee kə mbi ngaâ a sangə ddəw ndiki tə̂.

Kolosinyɛje 2:18

Dang bba arəje dəwje kə̂ aw ddaje rɔde tɛn baa kəm dəwje tə̂ ngaâ aw poloje anjəje, undaje tar dɔse tə̂ ang. Dooje ninje ləde kəmde tə̂ to nɛ̂nje kə̂ ngəng nya ngaâ kəjəje ləde kə̂ toje to kəjəje lə dəwje baa ddaje arə dooje rɔde bo nya.

Apokalisi 2:14

A marə nɛ̂nje kə̂ m-mbətə səi â nəənn: Marə dəwje kə̂ unnje go nɛ̂n-tɔju lə Balaam eeje rɔi tə̂ənn. Ləw, Balaam le tula Balak karə nərə ngann Ijarayɛlje narə usaje da kə̂ n̂-polo nɛ̂n kɔrje ngaâ karə n̂-ddaje nɛ̂n-kayaje.

Apokalisi 2:20

A nɛ̂n kə̂ m-mbətə səi â to kinya kə̂ inya Jejabɛl kə̂ dda rɔɛ̂ to nje-kila mbər tar lə Lubba arə tɔju ddəw kə̂ maji ang njê-kulaje ləm. Nərəde narə n̂-ddaje kaya ngaâ dusaje da kə̂ n̂-polo nɛ̂n kɔrje.