1 Kɔrɛntinyɛje 7:9 - Dɔnɔn kə̂ Siki: Tar kə̂ aw arə təbbə

⁹ Bbo dasəje ta tɔ bbo kə̂ da-rɔ tə̂ ang a, maji karə n̂-taaje dɛnɛ̂n wase n̂-taaje ngaw. Yeenn maji uta karə bbo kə̂ da-rɔ tə̂ ɔnde to puru.

1 Kɔrɛntinyɛje 7:9 ပူးပေါင်းရင်းမြစ်များ

Kulaje 19:36

Dəw kâra asə mayn tar nəənn ang. Yeenn a, maji karə isije ddekeke bbo ə-ddaje nɛ̂n kə tɔkɛ̂ baa ang.

1 Kɔrɛntinyɛje 7:2

A ta karə dəw ngəm rɔɛ̂ ddəw kaya tə̂, maji karə dingawje kâra kâra tɔyn taaje dɛnɛ̂n ngaâ dɛnɛ̂nje kâra kâra tɔyn taaje ngaw.

1 Kɔrɛntinyɛje 7:28

 bbo ə-taa dɛnɛ̂n a, yeenn to majang â ə-dda ang. Bbo dɛnɛ̂n kə̂ gərə ngaw ang bbay taa ngaw a, yeenn to majang â n̂-dda ang. A nɛ̂n a ngəng kə dəwje kə̂ taaje dɛnɛ̂n ddəm njê kə̂ taaje ngaw ddəm. M-ndiki ta karə nɛ̂ɛnn le ingase ang.

1 Kɔrɛntinyɛje 7:36

Bbo ngonn kə̂ dingaw kə̂ maal nje-mɔrɔ laa uta dɔɛ̂ ngaâ nəjə to nâ kin dda nɛ̂n kə̂ maji ang saa, a bbo n̂-ndiki ta tɛɛ̂ a, maji karə n̂-taaje naan. Yeenn to majang â n̂-ddaje ang.

1 Kɔrɛntinyɛje 7:39

Bbo dɛnɛ̂n taa ngaw mban a, maji karə n̂-nayn kə ngawɛ̂je ndərəng ndɔ yo lə ngawɛ̂je le. Bbo ngawɛ̂je le oy a, ddəw ɔru arɛ̂ ta karə n̂-təl n̂-taa ngaw kə̂ məɛ̂ ndiki. A maji karə dəw kə̂ nje-mə-kunn bba n̂-tɛɛ̂.

1 Tesalonisinyɛje 4:4

Maji karə dəw kâra kâra gərə ta ngəm rɔɛ̂ karə maji tɔyn ddəm, ula pa-nja laa naan tə̂ ang ddəm.

1 Timɔte 5:11

Maji karə ə-dda ri dɛnɛ̂n-ndubbaje kə̂ naynje kə singade bbay horo marɛ̂je tə̂ ang. Mba ndɔ kə̂ bbo kə̂ da-rɔ tə̂ ddade a, dâ kinyaje go Jeju-Kristə ta taa ngaw.

1 Timɔte 5:14

Yeenn bba m-ndiki karə dɛnɛ̂n-ndubbaje kə̂ naynje kə̂ singade bbay taaje ngaw, maji karə dujuje ngannje. N̂-tɔjuje ddəw kə̂ maji njê kə̂ mə kəy tə̂ ləde. Baann bba njê-baanje a kingaje ddəw ta nanɛn kə je ang.