1 Kɔrɛntinyɛje 7:37 - Dɔnɔn kə̂ Siki: Tar kə̂ aw arə təbbə

³⁷ A ngonn kə̂ dingaw le, bbo ne njaa n̂-gɔl məɛ̂ tə̂ ta kinya ddəw ta dɛnɛ̂n le ddəm ta mbɔn saa naan ddəm a, yeenn n̂-dda maji. Bbo dəw uwɛ̂ kə singa ang ngaâ nasə ta tɔ bbo kə da-rɔɛ̂ tə̂ a, taa dɛnɛ̂n laa ang le to nɛ̂n kə maji.

1 Kɔrɛntinyɛje 7:37 ပူးပေါင်းရင်းမြစ်များ

1 Kɔrɛntinyɛje 7:1

Bbasinɛn mâ kila tar tə̂ ləse kə̂ ulaje nɛ̂n kə makəturu arəmje le. Bbo dingaw taa dɛnɛ̂n ang a, to nɛ̂n kə̂ maji.

1 Kɔrɛntinyɛje 7:36

Bbo ngonn kə̂ dingaw kə̂ maal nje-mɔrɔ laa uta dɔɛ̂ ngaâ nəjə to nâ kin dda nɛ̂n kə̂ maji ang saa, a bbo n̂-ndiki ta tɛɛ̂ a, maji karə n̂-taaje naan. Yeenn to majang â n̂-ddaje ang.

1 Kɔrɛntinyɛje 7:38

Yeenn a, ngonn kə̂ dingaw kə̂ taa nje-mɔrɔ laa dda maji, a ne kə̂ n̂-taa nje-mɔrɔ laa ang kara n̂-dda maji nya uta bbay.

2 Kɔrɛntinyɛje 9:7

Maji karə dəw kâra kâra arə nɛ̂n kə̂ ne njaa nəjə məɛ̂ tə̂ ta karə, bbo narə kə kəjə-tar ang ddəm dɔ singa tə̂ ang ddəm. Mba Lubba ndiki dəw kə̂ arə nɛ̂n kə rɔ-nəəl.

1 Piyɛr 5:2

Ddəw kâra baa tokə njê-ngəmje nɛ̂n-kuulje, maji karə ə-ngəmje dəwje kə̂ banya kə̂ Lubba inyade mə jise tə̂ le kə majɛ̂. Lubba ndiki karə ə-ngəmjede kə mə-ndiki ləse njaa bbo tokə nɛ̂n kə̂ duwase kə singa bba karə ə-ddaje nɛ̂ɛnn le ang. Ə-ddaje nɛ̂ɛnn le mba kinga nɛ̂n narɛ ang. Maji karə ə-ddaje kə mə-kâra.