1 Kɔrɛntinyɛje 7:35 - Dɔnɔn kə̂ Siki: Tar kə̂ aw arə təbbə

³⁵ M-pa tar nəənn marəse mba kisi maji ləse bbo to buwa â muru karə osoje tə̂ ang. A m-ndiki ta karə nɛ̂n kə̂ maji â ta ə-ddaje ngaâ karə ə-naynje ddəw kula tə̂ lə Əbbə-dəwje kə kəjə kə̂ kâra baa.

1 Kɔrɛntinyɛje 7:35 ပူးပေါင်းရင်းမြစ်များ

Matiye 19:12

Marə nɛ̂nje nya ɔkuje ddəw dingawje karə mbɔnje naan kə dɛnɛ̂n. Marɛ̂je duju nɛ̂n de to kuju tokə baann, a marɛ̂je dɔkude ddəwe mba n̂-ddade to enukuje, a marɛ̂je dede njaa n̂-ddaje rɔde to enukuje mba Bbe-kɔn kə̂ darâ. Dəw kə̂ asə ta ndiki tə̂ kə tar nəənn a, maji karə n̂-ndiki tə̂.»

Matiye 22:15

Yeenn ngaâ Parijinyɛje aw uwaje dɔ naan ta nan Jeju mba kingɛ̂ ddəw tar tə̂ kə̂ a tee tɛɛ̂ tə̂.

Luku 21:34

«Aaje rɔse! Arəje məse to kə dɔ kay koto tə̂ karə uta dɔse kə kusa nɛ̂n karə uta dɔse dɔrɔ ang, arəje kəjə-tar mba nɛ̂nje kə̂ nangə̂ nəənn uta dɔse ang. Bbo baann ang a, ndɔ nəənn le a ddee dɔse tə̂ busu

Luku 8:14

Kandə-ko kə̂ gayn horo kakə konnje tə̂ tɔju dəwje kə̂ ooje tar lə Lubba le ngaâ ɔtuje a, kəjə-tar kə nɛ̂n-kingaje kə rɔ-nəəlje kə̂ dɔ nangə tə̂ ɔrede kə nangə̂ karə dandə kandə kə majɛ̂ ang.

1 Kɔrɛntinyɛje 7:2

A ta karə dəw ngəm rɔɛ̂ ddəw kaya tə̂, maji karə dingawje kâra kâra tɔyn taaje dɛnɛ̂n ngaâ dɛnɛ̂nje kâra kâra tɔyn taaje ngaw.

1 Kɔrɛntinyɛje 7:28

 bbo ə-taa dɛnɛ̂n a, yeenn to majang â ə-dda ang. Bbo dɛnɛ̂n kə̂ gərə ngaw ang bbay taa ngaw a, yeenn to majang â n̂-dda ang. A nɛ̂n a ngəng kə dəwje kə̂ taaje dɛnɛ̂n ddəm njê kə̂ taaje ngaw ddəm. M-ndiki ta karə nɛ̂ɛnn le ingase ang.

1 Kɔrɛntinyɛje 7:36

Bbo ngonn kə̂ dingaw kə̂ maal nje-mɔrɔ laa uta dɔɛ̂ ngaâ nəjə to nâ kin dda nɛ̂n kə̂ maji ang saa, a bbo n̂-ndiki ta tɛɛ̂ a, maji karə n̂-taaje naan. Yeenn to majang â n̂-ddaje ang.

Epɛjinyɛje 5:3

Ə-toje to dəwje lə Lubba. Mba yeenn bba, maji karə dəw bbar ri nɛ̂nje tokə kaya, nɛ̂n-yərəw, kunda kəm-nda horose tə̂ ang.

Pilipinyɛje 4:8

Ngakɔnʼmje, tar kə̂ mâ kutu nɛ̂n dɔɛ̂ â nəənn: undaje kəjə ləse kə dɔ nɛ̂nje tə̂ kə̂ tɔkɔrɔ, nɛ̂n kə̂ asə karə dəwje ooje to nɛ̂n kə̂ ngəng kəmde tə̂, nɛ̂n kə̂ gatə gatə, nɛ̂n kə̂ to nɛ̂n-yərəw ang, nɛ̂n kə̂ asə karə dəw ndiki, nɛ̂n kə̂ maji kə̂ dəwje asəje ta piti, nɛ̂n tɔyn kə̂ maji, nɛ̂n kə̂ asə ta kɔsu gajɛ̂.

1 Timɔte 1:10

njê-ddaje lo-to-majang kə dingawje kə̂ aw toje kə dingaw marədeje kə njê-labbəje dəwje to bbərəje kə njê-ngəmje, njê kə̂ aw undaje-yo baa wase dəwje kə̂ ddaje nɛ̂n tɔyn kə̂ to dang kə nɛ̂n-tɔju kə̂ tɔkɔrɔ.

Titə 2:3

Ddəw kâra baa, ə-pa arə dɛnɛ̂nje kə̂ tɔkəje ngəmje pa-nja ləde to dəwje kə̂ unnje rɔde dang mba dda kula lə Lubba. Maji karə n̂-toje to njê-nanɛnje ang ddəm n̂-toje to bbərəje lə koto ang ddəm. Maji karə nɛ̂n kə̂ maji â n̂-tɔjuje.