19 Kuja ganja wase kuja ganja ang dda marə nɛ̂n kâra ang. Ngəm nduje lə Lubba â to nɛ̂n kə̂ ngəng.
«Bbo dəw mbətə marə ngonn tar kâra kə̂ Ndu pa ngaâ tɔju dəwje arə n̂-mbətəje Ndu le a, nâ ddee to dəw kə̂ tɛn baa kuta kəsə dəwje tɔyn mə Bbe-kɔn tə̂ kə̂ darâ. A bbo dəw ngəm Ndu ngaâ tɔju dəwje karə n̂-ngəmje tɔ a, nâ ddee to dəw kə̂ bo mə Bbe-kɔn tə̂ kə̂ darâ.
Bbo ə-ddaje nɛ̂n kə̂ munn ndu karə ə-ddaje a, yeenn tɔju to ə-toje to dəwje kə̂ m-ndikide.
mba Lubba kâra baa. Jiipije wase kəsə dəwje kara, ne â nâ dda karə n̂-ddeeje gatə gatə ɔju dɔ mə-kunn ləde.
Nɛ̂n-kusa â a dda karə n-ddeeje ngɔsi kə Lubba ang. Bbo jusaje ang a, marə nɛ̂n kâra kə̂ jinyaje jarə oso kɔrɔ̂ goto ngaâ bbo jusaje a, marə nɛ̂n kâra kə̂ jilaje dɔ marɛ̂ tə̂ goto.
Jiipi wase Gɛrɛkə goto ngaa, bbərə wase dəw kə̂ to bbərə ang goto ngaa, dingaw wase dɛnɛ̂n goto ngaa. Mba sese tɔyn ə-ddeeje to dəwje kə̂ kâra baa ddəw mə-kâra tə̂ kə̂ ə-ddaje kə Jeju-Kristə.
Mba dəw kə̂ to lə Jeju-Kristə a, kuja ganja wase kuja ganja ang dda marə nɛ̂n kâra ang. Tɔkə nɛ̂n â to mə-kunn kə̂ aw dda bba dəw aw ndiki nje-marɛ̂.
Mba kuja ganja wase kuja ganja ang to marə nɛ̂n ang. Nɛ̂n kə̂ ngəng â to, dda kə̂ Lubba dda arə n-ddeeje to dəwje kə̂ siki.
Bbasinɛn, Gɛrɛkə wase Jiipi goto ngaa. Dəw kə̂ uja ganja wase uja ganja ang goto. Dəw kə̂ gəle to dang wase dəw kə̂ kəmɛ̂ ɔru ang goto. Dəw kə̂ to bbərə wase to bbərə ang goto ngaa. A Kristə â to nɛ̂n tɔyn, ne â nee mə dəwje tə̂ tɔyn.
Maji arəde, de dəwje kə̂ daw tokoje kubbuje ləde, ta kinga ddəw kusa kandə kakə kə̂ aw arə dəw təbbə ddəm ta kandə kə ta-ndoko mə bbe tə̂ le ddəm.