1 Kɔrɛntinyɛje 4:5 - Dɔnɔn kə̂ Siki: Tar kə̂ aw arə təbbə

⁵ Yeenn a, ə-gangəje sariya dɔ dəw tə̂ kete bba karə ndɔɛ̂ asə ang. N-nginanje ndɔ təl lə Əbbə-dəwje. Ne â nâ tee kə nɛ̂n kə̂ iya rɔɛ̂ lo ndul tə̂ kə ddaka ngaâ nâ tɔju kəjəje kə̂ mə dəwje tə̂ kə ddaka. Baann bba dəw kâra kâra a kinga piti kə̂ asə kəm kula laa ji Lubba tə̂.

1 Kɔrɛntinyɛje 4:5 ပူးပေါင်းရင်းမြစ်များ

Matiye 10:26

«Arəje bbəəl lə dəw ddase ang, mba nɛ̂n kə̂ to lo-kiyɛ̂ tə̂ kə̂ a tee kə ddaka ang goto, nɛ̂n tɔyn kə̂ n̂-kusu dɔɛ̂ kə̂ a tee kəm dəwje tə̂ kə ddaka ang goto.

Matiye 24:30

Yeenn ngaâ nɛ̂n kə̂ a tɔju karə dəwje gərəje nɛ̂n təl lə Ngonn lə dəw a kubba mə dara tə̂. Dəwje tɔyn kə̂ duninya tə̂ a nɔnje. Dâ kooje Ngonn lə dəw kə̂ a ddee mə mum tə̂ kə singa-mɔngu nya ddəm kə piti nya ddəm.

Matiye 24:46

Maji arɛ̂, ne kə̂ əbbeeje le təl ddee ingɛ̂ ta kula tə̂ le.

Matiye 25:21

Əbbeeje pa arɛ̂ nan: ‹Maji, ə-to nje-kula kə̂ maji ddəm ə-dda nɛ̂n kə dɔgɔlɛ̂ ddəm. Ə-dda nɛ̂n kə dɔgɔlɛ̂ kə nɛ̂n kə̂ tɛn baa kə̂ mari. Yeenn a, mâ kinya nɛ̂nje kə̂ bo jii tə̂. Ə-ddee arə rɔi nəəli səm.›

Matiye 25:23

Əbbeeje pa arɛ̂ nan: ‹Maji, ə-to nje-kula kə̂ maji ddəm ə-dda nɛ̂n kə dɔgɔlɛ̂ ddəm. Ə-dda nɛ̂n kə dɔgɔlɛ̂ kə nɛ̂n kə̂ tɛn baa kə̂ mari. Yeenn a, mâ kinya nɛ̂nje kə̂ bo jii tə̂. Ə-ddee arə rɔi nəəli səm.›

Luku 6:37

«Maji karə ə-gangəje sariya dɔ dəw tə̂ ang, a Lubba a gangə sariya dɔse tə̂ ang tɔ. Undaje tar dɔ dəw tə̂ ang, a Lubba a kunda tar dɔse tə̂ ang tɔ. Ɔruje tar dɔ dəwje tə̂, a Lubba a kɔru tar dɔse tə̂ tɔ.

Tar kə̂ Maji kə̂ Jan dda makəturu tə̂ 21:22

Jeju ilɛ̂ tə̂ nan: «Bbo m-ndiki karə n̂-nayn kəm baa ndərəng m-təl m-ddee a, ddi â osoi tə̂ wa? Əi, unn gom.»

Tar kə̂ Maji kə̂ Jan dda makəturu tə̂ 21:23

Dɔ tar tə̂ nəənn â tar nja horo njê-mə-kunnje tə̂ nan nje-nja go Jeju tə̂ kə̂ Jeju ndike nya le a koy ang. A Jeju pa arə Piyɛr baann ang. N̂-pa nan: «Bbo m-ndiki karə n̂-nayn kəm baa ndərəng m-təl m-ddee a, ddi â osoi tə̂ wa?»

Tar kə̂ Maji kə̂ Jan dda makəturu tə̂ 5:44

Sese aw pitije naan horose tə̂. A ə-sangəje piti kə̂ in rɔ Lubba tə̂ njaa ang. Yeenn a, â kasəje ta koo məse tə̂ tokə baânn wa?

Rɔmɛnje 14:4

Əi kə̂ aw gangə sariya dɔ nje-kula tə̂ lə marə dəw nəənn le, ə-to nân wa? Bbo nje-kula le nayn aw dda kula kə majɛ̂ bbay wase n̂-dda kə majɛ̂ ang kara, to tar lə əbbeeje njaa. A nâ dda kə majɛ̂ njaa, mba Əbbə-dəwje ee kə singa ta dda karə n̂-dda kə majɛ̂.

Rɔmɛnje 2:1

A əi kə̂ aw gangə sariya dɔ njê-marije tə̂ le, ə-to nân wa kara tar a kɔru dɔi tə̂ ang. Sariya kə̂ aw gangə dɔ njê-marije tə̂ le, nayn to əi njaa aw gangə sariya dɔi tə̂ənn, mba əi kara aw dda nɛ̂n tokə lə njê-marije le tɔ.

Rɔmɛnje 2:16

Nɛ̂ɛnn a tee kə ddaka kəm dəwje tə̂ dɔ ndɔ tə̂ kə̂ Lubba a karə Jeju-Kristə gangə sariya dɔ nɛ̂nje tə̂ kə̂ dəwje aw ddaje lo-kiyɛ̂ tə̂ tokə Tar kə̂ Maji kə̂ maw mila mbəre pa.

Rɔmɛnje 2:29

Dəw kə̂ to Jiipi məɛ̂ tə̂ nu â to Jiipi kə̂ tɔkɔrɔ. Kuja ganja kə̂ tɔkɔrɔ to ye kə̂ mə dəw tə̂, ddəw tə̂ lə Ndil lə Lubba bbo ddəw Ndu tə̂ kə̂ n̂-dda makəturu tə̂ ang. Jiipi kə̂ tɔkɔrɔ, Lubba â aw pite bbo dəwje â aw piteje ang.

Rɔmɛnje 2:7

Marə dəwje sangəje ddəw ta dda maji kə ndɔ tɔyn mba karə Lubba pitide, karə n̂-walde ngaâ karə narəde təbbə kə̂ a tuju ang. Lubba a karəde təbbə kə̂ to kə ndɔ kə ndɔ.

1 Kɔrɛntinyɛje 1:7

Yeenn bba nɛ̂n-karə-baa lə Lubba kâra duse ang, see njê kə̂ aw ngəbbəje ndɔ təl lə Əbbəjeje Jeju-Kristə le.

1 Kɔrɛntinyɛje 11:16

Bbo marə dəw ndiki mayn tar dɔ tar tə̂ nəənn bbay a, jeje kə Egilisije lə Lubba tɔyn joo marə ddəw kə̂ dang kə̂ jaw dda nɛ̂n lo mbɔn-naan tə̂ ang.

1 Kɔrɛntinyɛje 11:26

Mba kə ndɔ tɔyn kə̂ aw usaje mapa nəənn ngaâ aw ayje nɛ̂n kə̂ mə əngo-narɛ tə̂ nəənn, nayn to aw ilaje mbər tar yo lə Əbbə-dəwje ndərəng ndɔ kə̂ nâ təl.

1 Kɔrɛntinyɛje 15:23

A dəwje kâra kâra tɔyn a ndolje kə goe goe. Kristə to dɔngɔr dəw kə̂ ndol. Goe tə̂ a, dəwje kə̂ toje to dəwje laa a ndolje ndɔ tə̂ kə̂ nâ ddee.

1 Kɔrɛntinyɛje 3:13

kula lə dəw kâra kâra a tee kə ddaka kəm dəwje tə̂ ndɔ gangə sariya tə̂. Dâ nan kula lə dəw kâra kâra kə puru ta gərə.

1 Kɔrɛntinyɛje 3:14

Dəw kə̂ puru ɔn kula laa ang a, a kinga kuka laa.

1 Kɔrɛntinyɛje 3:8

Dəw kə̂ nje-dubbu nɛ̂n kə dəw kə̂ nje-kungu maann dɔɛ tə̂, dasəje naan. Dâ kinga kuka ləde kâra kâra asə kəm kula kə n̂-ddaje.

2 Kɔrɛntinyɛje 10:18

Dəw kə̂ maji kəm Əbbə-dəwje tə̂, to dəw kə̂ ne njaa naw pa tar kə̂ maji maji dɔ rɔɛ̂ tə̂ ang. Dəw kə̂ Əbbə-dəwje njaa pa tar dɔɛ̂ tə̂ maji bba.

2 Kɔrɛntinyɛje 10:9

M-ndiki karə oomje to dəw kə̂ aw ula bbəəl məse tə̂ ddəw makəturuje tə̂ kə̂ maw mula nɛ̂n marəse le ang.

2 Kɔrɛntinyɛje 4:2

Jaw mbətə nɛ̂n-rɔ-kulje kə̂ toje lo-kiyɛ̂ tə̂. Jaw jərə dəwje ang ddəm jaw turu tar lə Lubba ang ddəm. Jaw tɔju tar kə̂ tɔkɔrɔ bba karə kəm Lubba tə̂, dəwje tɔyn undaje kəjə ləde dɔje tə̂.

2 Kɔrɛntinyɛje 5:10

Mba, a to tar ləje tɔyn ta kar nɔn sariya tə̂ lə Kristə, karə dəw kâra kâra inga kuka laa mba kula-dda kə̂ maji wase kə̂ maji ang kə̂ n̂-dda kə da-rɔɛ̂ le, kar tə̂ kə̂ n̂-nayn nɛ̂n dɔ nangə tə̂.

1 Tesalonisinyɛje 5:2

Mba sese njaa kara ə-gərəje kə majɛ̂: Ndɔ lə Əbbə-dəwje a ddee tokə ndɔ ddee lə nje-bboko til tə̂.

Ebərəje 4:13

Nɛ̂n kâra kə̂ iya rɔɛ̂ nɔn Lubba tə̂ goto. Nɛ̂n tɔyn kə̂ Lubba dda to ddaka baa kəmɛ̂ tə̂. A ne Lubba le tɔ â, ja kɔru gəl nɛ̂nje tɔyn kə̂ n-ddaje karɛ̂je.

Jakə 4:11

Ngakɔnʼmje, maji karə ə-paje tar kə̂ maji ang kə ri naan ang. Bbo dəw pa tar kə ri ngokɔɛ̂n maji ang wase gangə sariya dɔ ngokɔɛ̂n tə̂ a, n̂-pa tar dɔ ndu tə̂ maji ang ddəm n̂-gangə sariya dɔ ndu tə̂ ddəm. A bbo ə-gangə sariya dɔ ndu tə̂ a, ə-to nje-ngəm ndu le ang, ə-to nje-gangə sariya dɔ ndu tə̂ le.

Jakə 5:7

Ngakɔnʼmje, maji karə oreje wurse ndərəng ndɔ təl tə̂ lə Əbbə-dəwje. Ooje nje-ndɔɔ, naw nginan ta kinga nɛ̂n-ndɔɔ kə̂ maji. Nore wure ndərəng n̂-nginan nɛ̂n ndi kə̂ dɔngɔr kə ndi kə̂ to dɔbɔnyɛ̂.

Jakə 5:9

Ngakɔnʼmje, bbo ə-ndikije karə Lubba gangə sariya dɔse tə̂ ang a, əmje rɔse kə ri naan ang. Ooje, nje-gangə sariya ar ta-kəy tə̂ ngɔsi.

1 Piyɛr 1:7

Ndoo kə̂ aw ooje le to mba nan nɛ̂n mə-kunn ləse koo, tokə andə kə̂ to nɛ̂n kə̂ aw tuju, a n̂-nan kə puru doo. Baann bba karə mə-kunn ləse kə̂ to nɛ̂n kə̂ ngəng uta andə le a dda karə Lubba ɔsu gajise ddəm pitise ddəm walse ddəm ndɔ tə̂ kə̂ Jeju-Kristə a kunda nɛ̂n lo tee kəm dəwje tə̂.

1 Piyɛr 5:4

A bbo ndɔ kə̂ Mbay kə̂ dɔ njê-ngəmje dəwje tə̂ lə Lubba tɔyn unda lo tee a, â kingaje əjɔkudɔ kə̂ a tuju ndɔ kâra ang kə̂ to nɛ̂n-piti.

2 Piyɛr 3:12

Maji karə ə-nginanje ddee le ndɔ lə Lubba le ta ə-ddaje arəje ndɔ le ddee njangə. Mba ndɔɛ̂ le puru a kɔn dara, puru a kɔn nɛ̂nje kə̂ darâ ngaâ a lɛɛnje.

2 Piyɛr 3:4

Dâ paje nan: «Jeju kə̂ unn ndue nan na təl ddee le ee dda wa? Mba kajejedede oyje, a ləw baa njaa nɛ̂nje tɔyn naynje kə lo-tode tokə ye kə̂ kunn-kutu nɛ̂nje tə̂ le.»

Judə 1:14

Enɔkə kə̂ to kajeje kə̂ to siri laa go kajeje Adam tə̂, ila mbər tar dɔde tə̂ nan: «Ooje, Əbbə-dəwje kə anjəje laa doro doro dâ ddeeje,

Apokalisi 1:7

Ooje, naw ddee mə mum tə̂! Dəwje tɔyn a kooeje. Njê kə̂ ɔsɛ̂je kə ninga njaa kara a kooeje tɔ. Gəl-dəwje tɔyn a nɔnje mbɛɛ̂. A to tokə baann njaa! Amɛnn.

Apokalisi 20:12

Ngaâ moo dəwje kə̂ oyje, njê kə̂ ngaji kə njê kə̂ bo, darje taar nɔn ngende-mbay tə̂ le. N̂-təəyn makəturuje, a n̂-təl n̂-təəyn marə makəturu bbay, to makəturu təbbə. Ngaâ n̂-gangə sariya dɔ dəwje tə̂ kə̂ oyje asə kəm kula-ddade, tokə ye kə̂ n̂-dda makəturuje tə̂ le.